ಗಂಡನ ಮನೆಯಿಂದ ಮಗಳನ್ನ ಹೊತ್ತೊಯ್ದ ಪೋಷಕರು, ಮುಂದೇನಾಯ್ತು?

ಹುಬ್ಬಳ್ಳಿ, ಜೂನ್ 15): ಪ್ರೀತಿಸಿ ವಿವಾಹವಾಗಿದ್ದ ಮಗಳನ್ನು ಪೋಷಕರು ಹೊತ್ತೊಯ್ದಿದ್ದ ಪ್ರಕರಣ ಸುಖಾಂತ್ಯ ಕಂಡಿದೆ. ಹುಬ್ಬಳ್ಳಿಯ ನವನಗರ ಪೊಲೀಸ್​ ಠಾಣೆಯಲ್ಲಿ ಮಾತುಕತೆ ಮೂಲಕ ಇತ್ಯರ್ಥವಾಗಿದ್ದು, ಅಂತಿಮವಾಗಿ ಪೋಷಕರು, ಸುಷ್ಮಾ ತನ್ನ ಪತಿ ನಿರಂಜನ್ ಜೊತೆ ಜೀವನ ನಡೆಸಲು ಒಪ್ಪಿದ್ದಾರೆ. ನಿರಂಜನ, ಸುಷ್ಮಾ 8 ವರ್ಷ ಪರಸ್ಪರ ಪ್ರೀತಿಸಿ ವಿವಾಹವಾಗಿದ್ದರು. 2 ವರ್ಷದ ಹಿಂದೆ ಗದಗದಲ್ಲಿ ರಿಜಿಸ್ಟರ್ ಮ್ಯಾರೇಜ್ ಆಗಿದ್ದರು. ಆದ್ರೆ, ಪತಿ ನಿರಂಜನ್​ ನನ್ನು ನೋಡಲು ಸುಷ್ಮಾ ನಿನ್ನೆ ಮನೆಗೆ ಬಂದಿದ್ದಳು. ಆಗ ನಿರಂಜನ್ ಮನಗೆ ನುಗ್ಗಿ ಪೋಷಕರು ಸುಷ್ಮಾಳನ್ನು ಹೊತ್ತೊಯ್ದಿದ್ದರು. ಸುಷ್ಮಾ ತಂಟೆಗೆ ಬಂದರೆ ಸುಮ್ಮನೆ ಬಿಡಲ್ಲವೆಂದು ನಿರಂಜನ್​ ಗೆ ಧಮ್ಕಿ ಹಾಕಿದ್ದರು. ಈ ಸಂಬಂಧ ನಿರಂಜನ್ ನವನಗರ ಠಾಣೆಗೆ ದೂರು ನೀಡಿದ್ದು, ಈ ದೂರಿನ ಮೇರೆಗೆ ಪೊಲೀಸರು ಸುಷ್ಮಾ ಪೋಷಕರನ್ನು ಠಾಣೆಗೆ ಕರೆಯಿಸಿ ವಿಚಾರನೆ ನಡೆಸಿದ್ದಾರೆ. ಈ ವೇಳೆ ಸುಷ್ಮಾ, ನಿರಂಜನ್ ಜೊತೆಗೆ ಹೋಗುವುದಾಗಿ ಪೊಲೀಸರಿಗೆ ತಿಳಿಸಿದ್ದಾಳೆ. ಕೊನೆ ಸುಷ್ಮಾಳ ನಿರ್ಧಾರಕ್ಕೆ ತಂದೆ ಪರಶುರಾಮ್ ಮತ್ತಿತರರು ಸಮ್ಮತಿಸಿದ್ದು, ಹುಬ್ಬಳ್ಳಿಯ ನವನಗರ ಠಾಣೆಯಲ್ಲಿ ಈ ಪ್ರಕರಣ ಸುಖಾಂತ್ಯ ಕಂಡಿದೆ.