ಸಿಸಿಬಿ ದಾಳಿ: ಜೂಜಾಟದಲ್ಲಿ ತೊಡಗಿದ್ದು ಒಂದೂವರೆ ಲಕ್ಷ ರೂ. ಮಾತ್ರ, ಆದರೆ ಫ್ಲ್ಯಾಟ್ ನಿಂದ ಬರಾಮತ್ತಾಗಿದ್ದು ರೂ 86,87,800!

ಬೆಂಗಳೂರು: ಬೆಂಗಳೂರಿನ ಜೆಜೆ ನಗರದಲ್ಲಿರುವ (JJ Nagar) ಅಪಾರ್ಟ್ಮೆಂಟ್ ನ ಫ್ಲ್ಯಾಟೊಂದರಲ್ಲಿ ಜೂಜಾಟ (gambling) ನಡೆಯುತ್ತಿದೆ ಎಂಬ ಖಚಿತ ಮಾಹಿತಿಯನ್ನಾಧರಿಸಿ ದಾಳಿ ನಡೆಸಿದ ನಗರ ಅಪರಾಧ ದಳದ ಪೊಲೀಸರಿಗೆ (CCB) ಅಚ್ಚರಿ ಕಾದಿತ್ತು. ಜೂಜಾಟ ನಡೆಯುತ್ತಿದ್ದಿದ್ದು ನಿಜ ಮತ್ತು ಅದರಲ್ಲಿ ಭಾಗಿಯಾಗಿದದ್ದವರು ಇದೇ 6 ಜನ. ಅಂದರ್ ಬಾಹರ್ ಆಡುತ್ತಿದ್ದ ಅವರಿಂದ ಬರಾಮತ್ತಾಗಿದ್ದು ಕೇವಲ ರೂ.1,48,300 ಮಾತ್ರ. ಇವತ್ತಿನ ಜಮಾನಾದಲ್ಲಿ ಒಂದೂವರೆ ಲಕ್ಷ ಯಾವ ದೊಡ್ಡ ಮೊತ್ತ ಮಾರಾಯ್ರೇ. ಆದರೆ, ಪೊಲೀಸರು ಜಾಲಾಡಿದಾಗ ಆ ಮನೆಯಲ್ಲಿ ಸಿಕ್ಕಿದ್ದು ದಾಖಲೆರಹಿತ ರೂ. 86,87,800. ಆ ಹಣ ಜೂಜಾಟದಲ್ಲಿ ತೊಡಗಿರಲಿಲ್ಲವೆಂದು ಗೊತ್ತಾಗಿದೆ. ಹಾಗಾದರೆ, ಇಷ್ಟು ದೊಡ್ಡ ಮೊತ್ತದ ಹಣ ಎಲ್ಲಿಂದ ಬಂತು ಅನ್ನೋದು ಪೊಲೀಸರ ತಲೆಬಿಸಿಮಾಡಿದೆ. ಪೊಲೀಸ ಮೂಲಗಳ ಪ್ರಕಾರ, ಫ್ಲ್ಯಾಟ್ ಮಾಲೀಕ ನಾಪತ್ತೆಯಾಗಿದ್ದು ಪೊಲೀಸ್ ಶೋಧ ಕಾರ್ಯಾಚರಣೆ ಶುರುಮಾಡಿದ್ದಾರೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ