ಪಕ್ಷದ ಕಾರ್ಯಕರ್ತೆಯರ ಕರೆಸಿ ಫಾರ್ಮ್​ಹೌಸ್​ನಲ್ಲಿ ಅಶ್ಲೀಲ ವಿಡಿಯೋ ರೆಕಾರ್ಡಿಂಗ್ ಮಾಡಲಾಗಿತ್ತಾ?

ಹಾಸನ, ಮೇ 2: ಪ್ರಜ್ವಲ್ ರೇವಣ್ಣ ಅಶ್ಲೀಲ ವಿಡಿಯೋ (Prajwal Revanna sex scandal) ಪ್ರಕರಣದ ಸದ್ದು ಮುಂದುವರಿದಿದೆ. ಎಸ್​ಐಟಿಯಿಂದ ತನಿಖೆ ನಡೆಯುತ್ತಿದೆ. ಪೆನ್​ಡ್ರೈವ್​ನಲ್ಲಿ 3,000 ಸಂಖ್ಯೆಗೆ ಸಮೀಪದಷ್ಟು ವಿಡಿಯೋಗಳಿವೆ ಎನ್ನುವ ಮಾತು ಹರಿದಾಡುತ್ತಿದೆ. ಇಷ್ಟು ಪ್ರಮಾಣದ ವಿಡಿಯೋಗಳು ಎಲ್ಲೆಲ್ಲಿ ರೆಕಾರ್ಡ್ ಆಗಿವೆ ಎಂಬುದು ಗೊತ್ತಾಗಬೇಕಿದೆ. ಇದೇ ವೇಳೆ ಕಾಂಗ್ರೆಸ್ ನಾಯಕ ಹಾಗೂ ಸಚಿವ ಡಿ.ಕೆ. ಸುರೇಶ್ (DK Suresh) ಅವರು, ಈ ವಿಡಿಯೋಗಳನ್ನು ಹಾಸನದ ತಮ್ಮ ಫಾರ್ಮ್​ಹೌಸ್​ನಲ್ಲಿ ರೆಕಾರ್ಡ್ ಮಾಡಿರಬಹುದು ಎಂದು ಅನುಮಾನಿಸಿದ್ದಾರೆ.

ಹಾಸನದಲ್ಲಿರುವ ಎಂಪಿ ಹೌಸ್ ಅಥವಾ ಸರ್ಕಾರಿ ಬಂಗಲೆ, ಹೊಳೆನರಸೀಪುರದ ತೋಟದ ಮನೆಯಲ್ಲಿ ಪ್ರಜ್ವಲ್ ರೇವಣ್ಣ ಈ ಲೈಂಗಿಕ ದೌರ್ಜನ್ಯದ ವಿಡಿಯೋಗಳನ್ನು ರೆಕಾರ್ಡ್ ಮಾಡಿರಬಹುದು. ಪಕ್ಷದ ಕಾರ್ಯಕರ್ತೆಯರನ್ನು ಕರೆಸಿ ಈ ಕೆಲಸ ಮಾಡಿಸಿರಬಹುದು ಎಂದು ಡಿಕೆ ಸುರೇಶ್ ಶಂಕಿಸಿದ್ದಾರೆ.

ಕಷ್ಟ ಹೇಳಿಕೊಂಡು ಎಂಪಿ ಹೌಸ್​ಗೆ ಬರುವ ಮಹಿಳೆಯರನ್ನು ಪ್ರಜ್ವಲ್ ಲೈಂಗಿಕವಾಗಿ ದುರ್ಬಳಕೆ ಮಾಡಿಕೊಳ್ಳುತ್ತಿದ್ದರು ಎನ್ನುವ ಆರೋಪವೂ ಇದೆ. ಪೆನ್​ಡ್ರೈವ್​ನಲ್ಲಿರುವ ವಿಡಿಯೋಗಳು ಅಸಲಿ ಎಂಬುದು ಸಾಬೀತಾದ ಬಳಿಕ ಎಸ್​ಐಟಿ ತಂಡ ಸ್ಥಳಕ್ಕೆ ಬಂದು ಪರಿಶೀಲನೆ ನಡೆಸಬಹುದು.

ಇದನ್ನೂ ಓದಿ: ದೇವೇಗೌಡ ಕುಟುಂಬದ ಆಸ್ತಿ ಪೆನ್​ಡ್ರೈವ್, ತೆನೆ ಹೊತ್ತ ಮಹಿಳೆ ಪೆನ್​ಡ್ರೈವ್ ಹೊರಬೇಕಾಗುತ್ತದೆ: ಡಿಕೆ ಸುರೇಶ್ ತಿರುಗೇಟು

ಹಾಸನದ ಸಂಸದರಾಗಿರುವ ಪ್ರಜ್ವಲ್ ರೇವಣ್ಣ ದೆಹಲಿಯಿಂದ ಮರಳಿ ಬಂದಾಗ ಹಾಸನದಲ್ಲಿರುವ ಸರ್ಕಾರಿ ಬಂಗಲೆಯಲ್ಲಿ ಉಳಿದುಕೊಳ್ಳುತ್ತಾರೆ. ಹೆಚ್ಚು ಕಾಲ ಅವರು ಹೊಳೆನರಸೀಪುರದ ಪಡುವಲಹಿಪ್ಪೆ ಗ್ರಾಮದಲ್ಲಿ ಉಳಿಯುತ್ತಾರೆ. ಈ ಪಡುವಲಹಿಪ್ಪೆ ಗ್ರಾಮದಲ್ಲಿ ದೇವೇಗೌಡರ ಕುಟುಂಬದ ದೊಡ್ಡ ಪ್ರಮಾಣದ ಜಮೀನು ಇದೆ. ತೋಟದ ಮನೆಯಿಂದ ಹಿಡಿದು ಕೆಲಸ ಮಾಡುವ ಕೂಲಿ ಕಾರ್ಮಿಕರಿಗೆ ಉಳಿದುಕೊಳ್ಳಲು ಮನೆಗಳೂ ಈ ಫಾರ್ಮ್​ಹೌಸ್​ನಲ್ಲಿವೆ.

ದೇವೇಗೌಡರು ಹುಟ್ಟಿದ್ದು ಹರದನಹಳ್ಳಿಯಾದರೂ ಬೆಳೆದದ್ದೆಲ್ಲಾ ಪಡುವಲಹಿಪ್ಪೆಯಲ್ಲೇ. ಎಚ್.ಡಿ. ರೇವಣ್ಣ ಹಾಗೂ ಮೊಮ್ಮಕ್ಕಳು ಈ ಪಡುವಲಹಿಪ್ಪೆಯಲ್ಲೇ ಹುಟ್ಟಿ ಬೆಳೆದದ್ದು ಎನ್ನಲಾಗುತ್ತಿದೆ.

ಇನ್ನಷ್ಟು ವಿಡಿಯೋ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ