ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ಆರ್ ಡಿ ಪಾಟೀಲ್ ಸಮಾಜವಾದಿ ಪಕ್ಷದಿಂದ ಸ್ಪರ್ಧಿಸಿದ್ದ, ಅವನ ಭಾಷಣದ ವಿಡಿಯೋ ವೈರಲ್

ಕಲಬುರಗಿ: ಕಾಂಗ್ರೆಸ್ ಮತ್ತು ಬಿಜೆಪಿ ಪಕ್ಷಗಳು ಪರಸ್ಪರ ದೋಷಾರೋಪ ಮಾಡುತ್ತಿರುವ ಹಾಗೆ ಕೆಈಎ ಪರೀಕ್ಷೆಅಕ್ರಮದ (KEA exam prime accused) ರೂವಾರಿ ಆರ್ ಡಿ ಪಾಟೀಲ್ (RD Patil) ಈ ಎರಡೂ ಪಕ್ಷಗಳಿಗೆ ಸೇರಿದವನಲ್ಲ. ಮೊನ್ನೆ ನಡೆದ ವಿಧಾನಸಭಾ ಚುನಾವಣೆಯಲ್ಲಿ ಅವನು ಅಫಜಲಪುರ ಕ್ಷೇತ್ರದಿಂದ ಸಮಾಜವಾದಿ ಪಕ್ಷದ (Samajwadi Party) ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದ. ಅ ಸಮಯದಲ್ಲೇ ಪಿಎಸ್ ಐ ನೇಮಕಾತಿ ಅಕ್ರಮದಲ್ಲೂ ಪ್ರಮುಖ ಆರೋಪಿಯಾಗಿದ್ದ ಅವನು ಜಾಮೀನು ಪಡೆದು ಜೈಲಿಂದ ಹೊರಬಂದಿದ್ದ. ಚುನಾವಣಾ ಪ್ರಚಾರದಲ್ಲಿದ್ದಾಗ ಪಾಟೀಲ್, ಕ್ಷೇತ್ರದ ಬಸ್ನಾಳ್ ಗ್ರಾಮದಲ್ಲಿ ಮಾಡಿದ ಭಾಷಣದ ವಿಡಿಯೋ ಲಭ್ಯವಾಗಿದ್ದು ವೈರಲ್ ಆಗುತ್ತಿದೆ. ತನ್ನ ಭಾಷಣದಲ್ಲಿ ಅವನು ಬಿಜೆಪಿ ಹಾಗೂ ಕಾಂಗ್ರೆಸ್ ಎರಡೂ ಪಕ್ಷಗಳನ್ನು ದೂಷಿಸುತ್ತಾನೆ. ಅವೆರಡು ನಿಷ್ಪ್ರಯೋಜಕ ಪಕ್ಷಗಳು, ತನ್ನನ್ನು ಆರಿಸಿದ್ದೇಯಾದಲ್ಲಿ, ಹಿಂದೆ ಈ ಭಾಗದ ಜನರಿಗೆ ಸರ್ಕಾರೀ ಉದ್ಯೋಗಗಳನ್ನು ಕೊಡಿಸಿದ ಹಾಗೆ ಮುಂದೆಯೂ ಕೊಡಿಸುವ ಭರವಸೆ ನೀಡುತ್ತಾನೆ. ಅನವಾಡುವ ಮಾತು ಕೇಳುತ್ತಿದ್ದರೆ ಅಫಜಲಪುರ ಕ್ಷೇತ್ರದ ಉದ್ಧಾರ ಕೇವಲ ಅವನಿಂದ ಮಾತ್ರ ಸಾಧ್ಯ ಅನ್ನುವಂತಿದೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ