ಮೈಸೂರು-ರಜನಿಕಾಂತ್​​ ನಡುವಿದೆ ಅವಿನಾಭಾವ ನಂಟು: ಸಾಂಸ್ಕೃತಿಕ ನಗರಿ ಮೇಲೆ ತಲೈವರ್ ಪ್ರೀತಿಗೆ ಇದುವೇ ಅಸಲಿ ಕಾರಣ

ಮೈಸೂರು, ಅಕ್ಟೋಬರ್​​ 02: ಭಾರತೀಯ ಚಿತ್ರರಂಗದ ಸೂಪರ್‌ಸ್ಟಾರ್ ರಜನಿಕಾಂತ್ ಅವರ “ಧರ್ಮನ್” ಚಿತ್ರದ ಚಿತ್ರೀಕರಣ ಮೈಸೂರಿನಲ್ಲಿ ನಡೆಯುತ್ತಿದೆ. ಅಷ್ಟಕ್ಕೂ ರಜನಿಕಾಂತ್‌ಗೆ ಮೈಸೂರು ಹೊಸ ಸ್ಥಳವೇನಲ್ಲ. ಮೈಸೂರಿಗೂ ಮತ್ತು ಅವರಿಗೂ ಅವಿನಾಭಾವ ಸಂಬಂಧವಿದೆ. ಅವರ ಬಹುತೇಕ ಸಿನಿಮಾಗಳು ಮೈಸೂರು ಮತ್ತು ಅದರ ಸುತ್ತಮುತ್ತಲಿನ ಮಂಡ್ಯ, ಮೇಲುಕೋಟೆ, ಕೆ.ಆರ್.ಎಸ್. ಮುಂತಾದ ಸ್ಥಳಗಳಲ್ಲಿ ಚಿತ್ರೀಕರಣವಾಗಿವೆ. ವಿಶೇಷವಾಗಿ ಮೈಸೂರಿನ ಲಲಿತ್ ಮಹಲ್ ಪ್ಯಾಲೇಸ್ ಅವರ ಅಚ್ಚುಮೆಚ್ಚಿನ ತಾಣವಾಗಿದ್ದು, ಅನೇಕ ಸಿನಿಮಾಗಳ ಪ್ರಮುಖ ದೃಶ್ಯಗಳು ಇಲ್ಲಿ ಚಿತ್ರೀಕರಣಗೊಂಡಿವೆ.

1999ರಲ್ಲಿ ತೆರೆಕಂಡ “ಪಡಯಪ್ಪ” ಚಿತ್ರದ ಬಹುಪಾಲು ಚಿತ್ರೀಕರಣ ಮೈಸೂರಿನಲ್ಲಿಯೇ ನಡೆದಿದೆ. ಇದರ ಜೊತೆಗೆ, 2014ರಲ್ಲಿ ಬಿಡುಗಡೆಯಾದ “ಲಿಂಗಾ” ಚಿತ್ರಕ್ಕೂ ಮೈಸೂರು ಪ್ರಮುಖ ಚಿತ್ರೀಕರಣ ತಾಣವಾಗಿತ್ತು. ಆಗ ಮೈಸೂರು ಅರಮನೆಯಲ್ಲಿಯೂ ಚಿತ್ರೀಕರಣಕ್ಕೆ ಅವಕಾಶ ದೊರೆತಿತ್ತು ಅವರ. “ಮುತ್ತು”, “ಯಜಮಾನ್” ಸೇರಿದಂತೆ ಅನೇಕ ಸಿನಿಮಾಗಳು ಮೈಸೂರಿನ ಸೊಬಗನ್ನು ಅನಾವರಣಗೊಳಿಸಿವೆ. ಅದೇ ಮೈಸೂರಲ್ಲಿ ಈಗ ರಜನಿಕಾಂತ್​ “ಧರ್ಮನ್” ಚಿತ್ರದ ಚಿತ್ರೀಕರಣ ನಡೆಯುತ್ತಿದ್ದು, ಟಿ. ನರಸೀಪುರ ತಾಲೂಕಿನ ಸೋಮನಾಥಪುರಕ್ಕೆ ಭೇಟಿ ನೀಡುವ ಜೊತೆಗೆ ನಾಡ ಅಧಿದೇವತೆ ಚಾಮುಂಡೇಶ್ವರಿ ಸನ್ನಿಧಾನಕ್ಕೂ ತೆರಳಿ ಭೇಟಿ ನೀಡಿ ಪೂಜೆ ಸಲ್ಲಿಸಿದ್ದಾರೆ. ಇದು ಮೈಸೂರಿನ ಮೇಲೆ ತಲೈವರ್ ರಜನಿಕಾಂತ್‌ಗಿರುವ ಅಪಾರ ಪ್ರೀತಿಯನ್ನು ಮತ್ತೊಮ್ಮೆ ಸಾಬೀತುಪಡಿಸಿದೆ.

ಮತ್ತಷ್ಟು ವಿಡಿಯೋ ನೋಡಲು ಇಲ್ಲಿ ಕ್ಲಿಕ್​​ ಮಾಡಿ.