ಹಂತಕನಿಗೆ ಬಲಿಯಾದ ಭೂ ವಿಜ್ಞಾನ ಇಲಾಖೆ ಅಧಿಕಾರಿ ಪ್ರತಿಮಾ ಪಾರ್ಥೀವ ಶರೀರಕ್ಕೆ ಸಂಬಂಧಿಕರು ಮತ್ತ ಸಾರ್ವಜನಿಕರಿಂದ ಅಂತಿಮ ನಮನ

ಶಿವಮೊಗ್ಗ: ರವಿವಾರ ಬೆಳಗ್ಗೆ ಬೆಂಗಳೂರು ನಗರದಲ್ಲಿರುವ ತಮ್ಮ ಮನೆಯಲ್ಲಿ ಭೀಕರವಾಗಿ ಕೊಲೆಯಾದ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯಲ್ಲಿ (Mines and Geology) ಉಪ ನಿರ್ದೇಶಕಿಯಾಗಿ ಕೆಲಸ ಮಾಡುತ್ತಿದ್ದ ಪ್ರತಿಮಾ (Pratima) ಅವರ ದೇಹವನ್ನು ಅವರ ಸ್ವಂತ ಊರು ತೀರ್ಥಹಳ್ಳಿಯ (Thirthahalli) ಮನೆಯಲ್ಲಿ ಇಟ್ಟಿದ್ದು ಸಾರ್ವಜನಿಕರು ಅಂತಿಮ ನಮನ ಸಲ್ಲಿಸುತ್ತಿದ್ದಾರೆ. ಆಘಾತಕ್ಕೊಳಗಾಗಿರುವ ಸಂಬಂಧಿಕರ ಪ್ರತಿಮಾ ಮನೆಯ ಮುಂದೆ ನೆರೆದಿರುವುದನ್ನು ನೋಡಬಹುದು. ಪ್ರಕರಣಕ್ಕೆ ಸಂಬಂಧಿಸಿದಂತೆ ಬೆಂಗಳೂರು ನಗರ ಪೊಲೀಸರು ಮೂವರನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ. ಬಂಧಿತರಲ್ಲಿ ಕಿರಣ್ ಎನ್ನುವ ವ್ಯಕ್ತಿ ಅನುಮಾನದ ಕೇಂದ್ರಬಿಂದುವಾಗಿದ್ದಾನೆ. ಅವನು ಪ್ರತಿಮಾ ಅವರ ಕಾರು ಚಾಲಕನಾಗಿ ಕೆಲಸ ಮಾಡುತ್ತಿದ್ದ ಆದರೆ ಕೇವಲ ಒಂದು ವಾರದ ಹಿಂದಷ್ಟೇ ಅಧಿಕಾರಿಯು ಅವನನ್ನು ಕೆಲಸದಿಂದ ತೆಗೆದುಹಾಕಿದ್ದರು. ಮೂಲಗಳ ಪ್ರಕಾರ, ಪ್ರತಿಮಾ ಅವರು ಗಣಿ ಮತ್ತು ಕ್ವಾರಿಗಳ ಮೇಲೆ ರೇಡ್ ನಡೆಸಲು ಹೊರಟಾಗ ಕಿರಣ್ ಆ ಸುದ್ದಿಯನ್ನು ಗಣಿ ಮಾಲೀಕರಿಗೆ ತಲುಪಿಸುತ್ತಿದ್ದ ಎಂದು ಆರೋಪಿಸಲಾಗಿದೆ. ಅದು ಬಿಡಿ, ಹಂತಕ ಯಾರೇ ಆಗಿದ್ದರೂ ಪೊಲೀಸರು ಅವನನ್ನು ಬಂಧಿಸಿ ನ್ಯಾಯಾಲಯಕ್ಕೆ ಒಪ್ಪಿಸುತ್ತಾರೆ, ಆದರೆ ಬೆಂಗಳೂರು ನಗರದಲ್ಲಿ ಹೀಗೆ ಒಬ್ಬ ಅಧಿಕಾರಿಯ ಹತ್ಯೆಯಾಗಿರುವುದು ಜನರನ್ನು ಬೆಚ್ಚಿ ಬೀಳಿಸಿದೆ ಮತ್ತು ಕಾನೂನು ಸುವ್ಯವಸ್ಥೆ ಬಗ್ಗೆ ಹಲವು ಸಂದೇಹಗಳನ್ನು ಸೃಷ್ಟಿಸಿದೆ.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 12:17 pm, Mon, 6 November 23