ಮೈಸೂರಿನಲ್ಲಿ ಮನೆಯ ಮೀಟರ್​​ ಬೋರ್ಡ್​​ನಲ್ಲಿ ಅಡಗಿ ಕುಳಿತಿತ್ತು ನಾಗರ ಹಾವು

ಮೈಸೂರಿನ (Mysuru) ವಿವೇಕಾನಂದ ನಗರದ ಮನೆಯೊಂದರಲ್ಲಿದ್ದ ಕರೆಂಟ್ ಮೀಟರ್ ಬೋರ್ಡ್​​ನಲ್ಲಿ ಹಾವು ಅವಿತುಕೊಂಡಿತ್ತು. ಮೀಟರ್​ ಬೋರ್ಡ್​​ ಒಳಗೆ ಸೇರಿಕೊಂಡಿದ್ದ ಉದ್ದನೆಯ ಹಾವನ್ನು ಸುರಕ್ಷಿತವಾಗಿ ಹೊರಗೆ ತೆಗೆದು ರಕ್ಷಣೆ ಮಾಡಲಾಗಿದೆ. ಸುಮಾರು 6 ಅಡಿ ಉದ್ದದ ನಾಗರಹಾವನ್ನು (Cobra) ಹೊರಗೆ ತೆಗೆಯಲಾಗಿದೆ. ಮಧ್ಯಾಹ್ನ ಮನೆಯ ಹೊರಗೆ ಓಡಾಡುತ್ತಿದ್ದ ಮಾಲೀಕರಿಗೆ ಮೀಟರ್​​ ಬೋರ್ಡ್​​ನೊಳಗೆ ಏನೋ ಸದ್ದಾಗಿದ್ದರಿಂದ ಒಳಗೆ ಇಣುಕಿ ನೋಡಿದಾಗ ನಾಗರಹಾವು ಸೇರಿಕೊಂಡಿರುವುದು ಕಂಡಿದೆ. ತಕ್ಷಣ ಹಾವು ಹಿಡಿಯುವವರಿಗೆ ಫೋನ್ ಮಾಡಿ ಆ ಹಾವನ್ನು ಹಿಡಿಸಲಾಗಿದೆ.