ದರ್ಶನ್ ನಟನೆಯ ‘ಕಾಟೇರ’ ಶೀರ್ಷಿಕೆಯ ಅರ್ಥ ವಿವರಿಸಿದ ನಿರ್ದೇಶಕ ತರುಣ್ ಸುಧೀರ್

ದರ್ಶನ್ ನಟನೆಯ ‘ಕಾಟೇರ’ ಸಿನಿಮಾ (Kaatera Movie) ಸೆಟ್ಟೇರಿದ ದಿನದಿಂದಲೂ ಗಮನ ಸೆಳೆಯುತ್ತಲೇ ಇದೆ. ಈ ಚಿತ್ರದಲ್ಲಿ ದರ್ಶನ್​ಗೆ ಜೊತೆಯಾಗಿ ಆರಾಧನಾ ನಟಿಸುತ್ತಿದ್ದಾರೆ. ಈ ಚಿತ್ರಕ್ಕೆ ತರುಣ್ ಸುಧೀರ್ ನಿರ್ದೇಶನ ಇದೆ. ಈ ಚಿತ್ರದ ಬಹುತೇಕ ಶೂಟಿಂಗ್ ಪೂರ್ಣಗೊಂಡಿದ್ದು, ಮೂರು ಸಾಂಗ್ ಶೂಟ್ ಬಾಕಿ ಇದೆ. ಈ ಚಿತ್ರದ ಬಗ್ಗೆ ತರುಣ್ ಸುಧೀರ್ ಮಾತನಾಡಿದ್ದಾರೆ. ‘ಸಿನಿಮಾದಲ್ಲಿ ಕಾಟೇರ ಅನ್ನೋದು ನಾಯಕನ ಹೆಸರು. ಕಾಟೇರ ಅನ್ನೋದಕ್ಕೆ ಹಲವು ಅರ್ಥ ಇದೆ. ಕಾಟೇರಮ್ಮ ಅನ್ನೋದು ಪವರ್​ಫುಲ್ ದೇವತೆ. ಆ ತಾಯಿಯ ಕಾವಲುಗಾರನ ಕಾಟೇರಾ ಅನ್ನುತ್ತಾರೆ. ಇದರ ಜೊತೆ ಹಲವು ಆಯಾಮ ಇದೆ. ಹೀರೋನ ಹಿನ್ನೆಲೆ ಮತ್ತಿತ್ಯಾದಿ ವಿಚಾರಗಳನ್ನು ಇಟ್ಟುಕೊಂಡು ಈ ಶೀರ್ಷಿಕೆ ನೀಡಿದ್ದೇವೆ’ ಎಂದಿದ್ದಾರೆ ತರುಣ್.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ