ದುಬಾರಿ ಪೆಟ್ರೋಲ್ಗೆ ಹಣ ತೆತ್ತು ಸರ್ಕಾರವನ್ನು ಶಪಿಸುತ್ತಿರುವವರ ಚಿತ್ತ ಈಗ ಜಾಸ್ತಿ ಮೈಲೇಜ್ ನೀಡುವ ಇ-ಸ್ಕೂಟರ್ಗಳತ್ತ!
Updated on: Nov 11, 2021 | 8:33 AM
ವಾಹನಗಳಿಗೆ ಸಂಬಂಧಿಸಿದಂತೆ ಜನರಿಗೆ ಖುಷಿ ನೀಡುತ್ತಿರುವ ವಿಷಯವೆಂದರೆ, ಒಂದೊಂದಾಗಿ ಲಾಂಚ್ ಅಗುತ್ತಿರುವ ಎಲೆಕ್ಟ್ರಿಕ್ ಬೈಕ್ ಮತ್ತು ಸ್ಕೂಟರ್ಗಳು.
ರೂ. 110ಕ್ಕೆ ಏರಿದ್ದ ಪೆಟ್ರೋಲ್ ಬೆಲೆಯನ್ನು 10 ರೂ. ಇಳಿಸಿ ರೂ.100ಕ್ಕೆ ತಂದರೆ, ಸಂತೋಷಪಡುತ್ತಾರೆ ಅಂತ ಕೇಂದ್ರ ಸರ್ಕಾರ ಅಂದುಕೊಂಡಿದ್ದು ಸುಳ್ಳಾಗಿದೆ. ಕೇವಲ 3-4 ತಿಂಗಳ ಹಿಂದೆ ಅವರು 90 ರೂ. ಕೊಟ್ಟು ಒಂದು ಲೀಟರ್ ಹಾಕಿಸಿಕೊಳ್ಳುತ್ತಿದ್ದರು. ಹಾಗಿದ್ದ ಮೇಲೆ ಖುಷಿ ಎಲ್ಲಿಂದ ಬಂದೀತು? ವಾಹನಗಳಿಗೆ ಸಂಬಂಧಿಸಿದಂತೆ ಅವರಿಗೆ ಖುಷಿ ನೀಡುತ್ತಿರುವ ವಿಷಯವೆಂದರೆ, ಒಂದೊಂದಾಗಿ ಲಾಂಚ್ ಅಗುತ್ತಿರುವ ಎಲೆಕ್ಟ್ರಿಕ್ ಬೈಕ್ ಮತ್ತು ಸ್ಕೂಟರ್ಗಳು. ನಾವು ಇ-ಸ್ಕೂಟರ್ಗಳ ಬಗ್ಗೆ ನಿರಂತರವಾಗಿ ಚರ್ಚಿಸುತ್ತಲೇ ಇದ್ದೇವೆ. ಗಮನಾರ್ಹ ಸಂಗತಿಯೇನೆಂದರೆ, ಈ ಸ್ಕೂಟರ್ಗಳು ಪ್ರತಿ ಚಾರ್ಜ್ಗೆ 100 ಕಿಮೀ ಗಳಿಗಿಂತ ಜಾಸ್ತಿ ಓಡುತ್ತವೆ.
ಇಂಥ 5 ಎಲೆಕ್ಟ್ರಿಕ್ ಸ್ಕೂಟರ್ಗಳ ಮಾಹಿತಿಯನ್ನು ನಾವು ನಿಮಗೆ ನೀಡುತ್ತೇವೆ. ಎಥರ್ ಸಂಸ್ಥೆಯ 450 ಎಕ್ಸ್ ಸ್ಕೂಟರ ಬೆಲೆ ರೂ. 1.32 ಲಕ್ಷ, ಇದನ್ನು ಒಮ್ಮೆ ಚಾರ್ಜ್ ಮಾಡಿಸಿ 116 ಕಿಮೀ ಅಂತರವನ್ನು ಕ್ರಮಿಸಬಹುದು. ನಿಮಗೆ ಗೊತ್ತಿರುವಂತೆ ಓಲಾ ಕಂಪನಿಯು ಎರಡು-ಓಲಾ ಎಸ್ 1 ಮತ್ತು ಓಲಾ ಎಸ್ 1 ಪ್ರೊ ಲಾಂಚ್ ಮಾಡಿದ್ದು ಎಸ್ 1, ಒಂದು ಚಾರ್ಜ್ಗೆ 121 ಕಿಮೀ ಓಡಿದರೆ, ಎಸ್ 1 ಪ್ರೊ 181 ಕಿಮೀ ದೂರವನ್ನು ಕ್ರಮಿಸುತ್ತದೆ.
ಜಪಾನಿನ ಒಕಿನಾವಾ ಸ್ಕೂಟರ್ ಅನ್ನು ಒಮ್ಮೆ ಚಾರ್ಜ್ ಮಾಡಿ 139 ಕಿಮೀ ಅಂತರವನ್ನು ಕ್ರಮಿಸಹುದು. ಇ-ಸ್ಕೂಟರ್ಗಳ ಪೈಕಿ ಕಡಿಮೆ ಬೆಲೆಯಲ್ಲಿ ಲಭ್ಯವಿರುವ ಹಿರೋ ಇ-ಸ್ಕೂಟರ್ 108 ಕಿಮೀ ಓಡುತ್ತದೆ. ಅಂದಹಾಗೆ, ಇದರ ಎಕ್ಸ್ ಶೋರೂಮ್ ಬೆಲೆ ರೂ. 71,440.
ಇ-ಸ್ಕೂಟರ್ ಗಳಲ್ಲಿ ಅತಿಹೆಚ್ಚು ಮೈಲೇಜ್ ನೀಡುವ ವಾಹನವೆಂದರೆ, ಸಿಂಪಲ್ ಇನ್. ಇದನ್ನು ಒಮ್ಮೆ ಚಾರ್ಜ್ ಮಾಡಿಸಿದರೆ, 236 ಕಿಮೀ ದೂರವನ್ನು ಕ್ರಮಿಸಬಹುದು!
ಭೈರತಿ ರಣಗಲ್: ಶಿವಮೊಗ್ಗದಲ್ಲಿ ಫ್ಯಾನ್ಸ್ ಜತೆ ಸಂಭ್ರಮಿಸಿದ ಶಿವರಾಜ್ಕುಮಾರ್
ಬಿಜೆಪಿ ಸೋಲಿಗೆ ಯತ್ನಾಳ್ನ ಹರಕು ಬಾಯಿ ಕಾರಣ: ರೇಣುಕಾಚಾರ್ಯ ವಾಗ್ದಾಳಿ
ಸುದೀಪ್ ಹೇಳಿದ ಒಂದೇ ಮಾತಿಗೆ ಉಗ್ರಂ ಮಂಜು, ಗೌತಮಿ ನಡುವಿನ ಸ್ನೇಹ ಕಟ್
ಅಂಬರೀಶ್ ಪುಣ್ಯಸ್ಮರಣೆ, ಸಮಾಧಿಗೆ ಪೂಜೆ ಮಾಡಿದ ಸುಮಲತಾ ಅಂಬರೀಶ್
