ಹನುಮಂತನ ಗುಣಗಾನ ಮಾಡಿದ ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ

ಹುಬ್ಬಳ್ಳಿಯಲ್ಲಿ ನಡೆಯುತ್ತಿರುವ ಅಂತರಾಷ್ಟ್ರೀಯ ಗಾಳಿಪಟ ಉತ್ಸವದ ಎರಡನೇ ದಿನ ಸಾಂಸ್ಕೃತಿಕ ಕಾರ್ಯಕ್ರಮಗಳಲ್ಲಿ ಬಿಗ್​ಬಾಸ್ ವಿಜೇತ, ಗಾಯಕ ಹನುಮಂತು ಭಾಗಿಯಾಗಿದ್ದರು. ಹನುಮಂತು ವೇದಿಕೆಗೆ ಬರುತ್ತಿದ್ದಂತೆ ಭಾರಿ ಕರತಾಡನ ಪ್ರೇಕ್ಷಕರಿಂದ ವ್ಯಕ್ತವಾಯ್ತು. ಹನುಮಂತು, ವಿವಿಧ ಜನಪದ, ಸಿನಿಮಾ ಹಾಡುಗಳನ್ನು ಹಾಡಿ ನೆರೆದಿದ್ದ ಪ್ರೇಕ್ಷಕರನ್ನು ರಂಜಿಸಿದರು. ಈ ವೇಳೆ ಮಾತನಾಡಿದ ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ಹನುಮಂತನ ಸಾಧನೆಯನ್ನು ಕೊಂಡಾಡಿದರು. ಕುರಿ ಕಾಯುವ ಯುವಕನಾಗಿದ್ದು, ಪರಿಶ್ರಮದಿಂದ ತಮ್ಮ ಸಮುದಾಯವನ್ನು, ಕುಟುಂಬವನ್ನು ಮೇಲಕ್ಕೆ ತಂದಿದ್ದಾನೆ ಎಂದರು.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ