Bigg Boss Kannada OTT: ಹಬ್ಬದ ದಿನವೇ ಜಗಳ ಮಾಡಿಕೊಂಡ ಗುರೂಜಿ-ರಾಕೇಶ್​ ಅಡಿಗ; ಈ ಕಿರಿಕ್​ಗೆ ಕಾರಣ ಏನು?

ಎಲ್ಲರಂತೆ ‘ಬಿಗ್​ ಬಾಸ್​ ಕನ್ನಡ ಒಟಿಟಿ’ (Bigg Boss Kannada OTT) ಸ್ಪರ್ಧಿಗಳು ಕೂಡ ಗಣೇಶ ಚತುರ್ಥಿ (Ganesh Chaturthi 2022) ಆಚರಿಸಿದ್ದಾರೆ. ಹಬ್ಬದ ಸಲುವಾಗಿ ದೊಡ್ಮನೆಯನ್ನು ಸಿಂಗರಿಸಲಾಗಿತ್ತು. ವಿಶೇಷ ಆಡುಗೆಯ ತಯಾರಿಯೂ ನಡೆದಿತ್ತು. ಈ ವೇಳೆ ಆರ್ಯವರ್ಧನ್​ ಗುರೂಜಿ ಮತ್ತು ರಾಕೇಶ್​ ಅಡಿಗ (Rakesh Adiga) ಜಗಳ ಮಾಡಿಕೊಂಡಿದ್ದಾರೆ. ಕ್ಲೀನಿಂಗ್ ಡಿಪಾರ್ಟ್​ಮೆಂಟ್​ ಯಾರದ್ದು ಎಂಬ ವಿಚಾರಕ್ಕೆ ಈ ಜಗಳ ಆಗಿದೆ. ಬಾಕಿ ಎಲ್ಲ ಸಮಯದಲ್ಲೂ ಗುರೂಜಿ ಮತ್ತು ರಾಕೇಶ್​ ಸ್ನೇಹಮಯವಾಗಿ ನಡೆದುಕೊಳ್ಳುತ್ತಾರೆ. ಆದರೆ ಹಬ್ಬದ ದಿನವೇ ಮಾತಿಗೆ ಮಾತು ಬೆಳೆಸಿದ್ದು ಎಲ್ಲರಿಗೂ ಅಚ್ಚರಿ ಮೂಡಿಸಿತು. ಬಿಗ್​ ಬಾಸ್​ ಎಂದಮೇಲೆ ಜಗಳ ಆಗುವುದು ಸಹಜ. ಆದರೆ ಹಬ್ಬದ ದಿನವೂ ಈ ರೀತಿ ಆಗುತ್ತದೆ ಎಂದು ಯಾರೂ ನಿರೀಕ್ಷಿಸಿರಲಿಲ್ಲ. ವೂಟ್​ ಸೆಲೆಕ್ಟ್​ ಮೂಲಕ ಈ ಶೋ ಪ್ರಸಾರ ಆಗುತ್ತಿದೆ.