ಪಾಡೇರು (ಆಂಧ್ರ ಪ್ರದೇಶ): ಪೆಟ್ರೋಲ್ ಬಂಕ್‌ನಲ್ಲಿ ಕೆಲಸ ಮಾಡುತ್ತಿದ್ದ ಮಹಿಳೆಯೊಬ್ಬರ ಬಳಿ ಅಪರಿಚಿತ ವ್ಯಕ್ತಿಯೊಬ್ಬರು ಬಂದು ಅರ್ಜೆಂಟ್ ಕಾಲ್ ಮಾಡಲು ಫೋನ್ ಕೇಳಿದ್ದು, ಬಳಿಕ ಆತ ಫೋನ್ ಜೊತೆ ಪರಾರಿಯಾಗಿರುವ ಘಟನೆ ಆಂಧ್ರ ಪ್ರದೇಶದ ಪಾಡೇರು ಬಳಿಯ ಪೆಟ್ರೋಲ್ ಬಂಕ್‌ನಲ್ಲಿ ನಡೆದಿದೆ. ಘಟನೆಗೆ ಸಂಬಂಧಿಸಿದ ಸಂಪೂರ್ಣ ದೃಶ್ಯ ಪೆಟ್ರೋಲ್ ಬಂಕ್‌ನಲ್ಲಿ ಅಳವಡಿಸಿದ್ದ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ.
ಫೋನ್ ಕಳೆದುಕೊಂಡಿದ್ದೀನಿ, ತುರ್ತಾಗಿ ಫೋನ್ ಮಾಡಬೇಕಿತ್ತು ಎಂದು ಪೆಟ್ರೋಲ್ ಬಂಕ್‌ನ ಮಹಿಳಾ ಸಿಬ್ಬಂದಿ ಬಳಿ ಕೇಳಿದ್ದಾನೆ. ಅಪರಿಚಿತರಾಗಿದ್ದರೂ ಕೂಡ ಮಹಿಳೆ ಆತನಿಗೆ ಫೋನ್ ಕೊಟ್ಟಿದ್ದಾಳೆ. ಬಳಿಕ ಬೇರೊಂದು ಗಾಡಿಗೆ ಮಹಿಳೆ ಪೆಟ್ರೋಲ್ ತುಂಬಿಸುತ್ತಿರುವ ವೇಳೆ ವ್ಯಕ್ತಿ ಅಲ್ಲಿಂದ ಪಾರಾಗಿದ್ದಾನೆ. ಸದ್ಯ ಮಹಿಳೆಯ ದೂರಿನ ಆಧಾರದ ಮೇಲೆ ಪೊಲೀಸರು ಸಿಸಿಟಿವಿ ದೃಶ್ಯ ಬಳಸಿ ತನಿಖೆ ಪ್ರಾರಂಭಿಸಿದ್ದಾರೆ.
ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ಇದನ್ನೂ ಓದಿ: Video: ಪಿಸ್ತೂಲ್, ಚಾಕು ಹಿಡಿದು ಚಿನ್ನ ಕದಿಯಲು ಬಂದ ನಾಲ್ವರನ್ನು ಕೋಲಿನಿಂದ ಹೊಡೆದು ಓಡಿಸಿದ ಮಾಲೀಕ