ಆಲ್ಬರ್ಟ್ ಐನ್​ಸ್ಟೀನ್ ಮತ್ತು ಸ್ಟೀಫನ್ ಹಾಕಿಂಗ್ ಐಕ್ಯೂವನ್ನೂ ಮೀರಿಸಿದ ಬಾಲಕಿ ಜಗತ್ತನ್ನೇ ನಿಬ್ಬೆರಗುಗೊಳಿಸಿದಳು!

ಮಾನವ ಬುದ್ಧಿಮತ್ತೆಯನ್ನು ಐಕ್ಯೂ (ಇಂಟಲಿಜೆಂಟ್ ಕೋಶಂಟ್) ಎಂಬ ಮಾಪನದಿಂದ ಅಳೆಯುತ್ತಾರೆ. ಜಗದ್ವಿಖ್ಯಾತ ವಿಜ್ಞಾನಿ ಆಲ್ಬರ್ಟ್ ಐನ್​ಸ್ಟೀನ್ ಅಥವಾ ಸ್ಟೀಫನ್ ಹಾಕಿಂಗ್ ಅವರೆಲ್ಲ ಅಪಾರ ಬುದ್ಧಿಮತ್ತೆ ಹೊಂದಿದವರು ಎಂಬ ಮಾತಿದೆ. ಆದರೆ ಇಲ್ಲೋರ್ವ ಮೆಕ್ಸಿಕನ್ ಬಾಲಕಿ ಅಂತಹ ಮಹಾನುಭಾವರ ಬುದ್ಧಿಮತ್ತೆಯನ್ನೂ ಮೀರಿಸಿದ್ದಾಳೆ. ಇನ್ನೂ 8 ವರ್ಷದ ಅಧಾರಾ ಪರೇಜ್ ಎಂಬ ಬಾಲಕಿಯೇ ಈ ಹೆಗ್ಗಳಿಕೆಗೆ ಪಾತ್ರವಾದ ಬಾಲಕಿ. ಆಲ್ಬರ್ಟ್ ಐನ್​ಸ್ಟೀನ್ ಮತ್ತು ಸ್ಟೀಫನ್ ಹಾಕಿಂಗ್ ಇಬ್ಬರೂ 160 ಐಕ್ಯೂ ಹೊಂದಿದ್ದರು. ಆದರೆ ಆಧಾರಾ ಪರ್ವೇಜ್ 162 ಐಕ್ಯೂ ಹೊಂದಿದ್ದಾಳೆ. ಈ ಸಂಗತಿ ಈಗ ಜಗತ್ತೇ ಮೂಗಿನ ಮೇಲೆ ಬೆರಳಿಡುವಂತೆ ಮಾಡಿದೆ. ಮೆಕ್ಸಿಕೋದ ಕೊಳಗೇರಿಯೊಂದರಲ್ಲಿ ಅಧಾರಾ ಪರ್ವೇಜ್ ವಾಸಿಸುತ್ತಾಳೆ. ಈಕೆ ಅಸ್ಪೆರ್ಜಸ್ ಸಿಂಡ್ರೋಮ್ ಹೊಂದಿದ್ದು, ಇದು ಸಾಮಾಜಿಕವಾಗಿ ಬೆರೆಯುವಿಕೆಯನ್ನು ಕಡಿಮೆಗೊಳಿಸುತ್ತದೆ. ಅಲ್ಲದೇ, ಜನರ ಜತೆ ಮೌಖಿಕವಲ್ಲದ ಸಂವಹನ ಮಾಡುವ ಕೌಶಲವನ್ನು ಕುಂಠಿತಗೊಳಿಸುತ್ತದೆ. ಈ ಕಾರಣಗಳಿಂದ ಅಧಾರಾ ಪರ್ವೇಜ್ ಶಾಲೆಗೆ ಹೋಗಿಲ್ಲ. ಅಲ್ಲದೇ ಕೆಲವು ಒತ್ತಡಗಳಿಗೂ ಒಳಗಾಗಿದ್ದಾಳೆ. ಒಮ್ಮೆ ಅಧಾರಾ ಪರ್ವೇಜ್ ತನ್ನ ಅಮ್ಮನ ಜತೆ ಚಿಕಿತ್ಸೆಗೆಂದು ಟಾಲೆಂಟ್ ಕೇರ್ ಸೆಂಟರಿಗೆ ಭೇಟಿ ನೀಡಿದ್ದಳು. ಆಗಲೇ ಆಲ್ಬರ್ಟ್ ಐನ್​ಸ್ಟೀನ್ ಮತ್ತು ಸ್ಟೀಫನ್ ಹಾಕಿಂಗ್ ಅವರಿಗಿಂತ ಹೆಚ್ಚು ಐಕ್ಯೂವನ್ನು ಹೊಂದಿರುವುದು ಬೆಳಕಿಗೆ ಬಂದಿದೆ. ತನ್ನ ಬುದ್ಧಿ ಸಾಮರ್ಥ್ಯದ ಕಾರಣದಿಂದಲೆ ತನ್ನ 8ನೇ ವಯಸ್ಸಿಗೆ ಅಧಾರಾ ಪರ್ವೇಜ್ ತನ್ನ ಪ್ರಾಥಮಿಕ, ಮಾಧ್ಯಮಿಕ ಮತ್ತು ಪ್ರೌಢಶಾಲೆಗಳನ್ನೂ ಮುಗಿಸಿದ್ದಾಳೆ. ಅಲ್ಲದೇ, ಎರಡು ಆನ್​ಲೈನ್  ಕೋರ್ಸ್​ಗಳನ್ನೂ ಮುಗಿಸಿರುವ ಈಕೆ ‘ಡು ನಾಟ್ ಗಿವ್ ಅಪ್’ ಎಂಬ ಪುಸ್ತಕವನ್ನೂ ಬರೆದಿದ್ದಾಳೆ.

ಸದ್ಯ ತನ್ನ ಸಾಮರ್ಥ್ಯವನ್ನು ಸದುಪಯೋಗಪಡಿಸಿಕೊಳ್ಳುವ ನಿಟ್ಟಿನಲ್ಲಿ ಅಧಾರಾ ಪರ್ವೇಜ್, ವಿಶೇಷ ಚೇತನ ಮಕ್ಕಳ ಭಾವನೆಗಳನ್ನು ಗುರುತಿಸುವ ಬ್ರೇಸ್​ಲೇಟ್​ನ್ನು ಅಭಿವೃದ್ಧಿಪಡಿಸುತ್ತಿದ್ದಾಳೆ. ಅಲ್ಲದೇ, ‘ಫೋರ್ಬ್ಸ್ ಮೆಕ್ಸಿಕೋ 100 ಬಲಶಾಲಿ ಮಹಿಳೆಯರ ಪಟ್ಟಿಯಲ್ಲೂ ಅಧಾರಾ ಪರ್ವೇಜ್ ಸ್ಥಾನ ಗಳಿಸಿಕೊಂಡಿದ್ದಾಳೆ.

ಇದನ್ನೂ ಓದಿ: 

ವಾಯು ಮಾಲಿನ್ಯವು ಶೇ 40 ಭಾರತೀಯರ ಜೀವಿತಾವಧಿಯನ್ನು 9 ವರ್ಷ ಕಡಿತಗೊಳಿಸಬಹುದು: ಅಮೆರಿಕದ ಅಧ್ಯಯನ ವರದಿ

ಪಾಕಿಸ್ತಾನದ ಶೇಕಡಾ 29 ಮಹಿಳೆಯರು ಮಾತ್ರ ಬ್ಯಾಂಕ್ ಅಕೌಂಟ್ ಹೊಂದಿದ್ದಾರೆ!

(8 years Mexican Girl Adhara Perez have more IQ than Albert Einstein and Stephen Hawking)