South Korea: ವಿಮಾನ ಲ್ಯಾಂಡಿಂಗ್​ಗೂ ಮುನ್ನ ತುರ್ತು ನಿರ್ಗಮನ ಬಾಗಿಲು ತೆರೆದ ವ್ಯಕ್ತಿ; ಇಲ್ಲಿದೆ ಭಯಾನಕ ವಿಡಿಯೋ

ಸಿಯೋಲ್: ವಿಮಾನದ ಲ್ಯಾಂಡಿಂಗ್​ಗೂ ಮುನ್ನ ಪ್ರಯಾಣಿಕರೊಬ್ಬರು ತುರ್ತು ನಿರ್ಗಮನದ ಬಾಗಿಲನ್ನು (Plane Emergency exit door) ತೆರೆದ ವಿಲಕ್ಷಣ ವಿದ್ಯಮಾನ ದಕ್ಷಿಣ ಕೊರಿಯಾದಲ್ಲಿ ಶುಕ್ರವಾರ ನಡೆದಿದೆ. ತುರ್ತು ನಿರ್ಗಮನದ ಬಾಗಿಲು ತೆರೆದಿದ್ದರಿಂದ ಪ್ರಯಾಣಿಕರು ಗಾಬರಿಗೊಂಡು ಕಿರುಚಾಡುತ್ತಿರುವ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡಿದೆ. ಏಷ್ಯನ್ ಏರ್​ಲೈನ್ಸ್​ (Asiana Airlines) ವಿಮಾನದಲ್ಲಿ ಘಟನೆ ನಡೆದಿದ್ದು, ಹಲವು ಪ್ರಯಾಣಿಕರು ಗಾಯಗೊಂಡಿದ್ದಾರೆ. ಇನ್ನು ಕೆಲವರು ಮಾನಸಿಕವಾಗಿ ಆಘಾತಗೊಂಡಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಅದೃಷ್ಟವಶಾತ್, ಭಾರೀ ದುರಂತವೊಂದು ಕೂದಲೆಳೆ ಅಂತರದಲ್ಲಿ ತಪ್ಪಿದೆ.

ಏಷ್ಯನ್ ಏರ್​ಲೈನ್ಸ್​ಗೆ ಸೇರಿದ ವಿಮಾನ ದಕ್ಷಿಣ ಕೊರಿಯಾದ ಡೇಗು ನಗರಕ್ಕೆ ತೆರಳುತ್ತಿದ್ದು, ಇನ್ನೇನು ಲ್ಯಾಂಡಿಂಗ್​​ ಆಗಬೇಕೆನ್ನುವಷ್ಟರಲ್ಲಿ ಪ್ರಯಾಣಿಕರೊಬ್ಬರು ತುರ್ತು ನಿರ್ಗಮನದ ಬಾಗಿಲನ್ನು ತೆರೆದಿದ್ದಾರೆ.

ಡೇಗು ವಿಮಾನ ನಿಲ್ದಾಣದಲ್ಲಿ ವಿಮಾನ ಲ್ಯಾಂಡ್ ಆದ ತಕ್ಷಣ ತುರ್ತು ಸೇವಾ ತಂಡ ಅಲ್ಲಿಗೆ ತಲುಪಿತು. ಭಯದಿಂದ ಒಂಬತ್ತು ಜನರ ಸ್ಥಿತಿ ತೀರಾ ಹದಗೆಟ್ಟಿದ್ದರಿಂದ ಅವರನ್ನು ಆಸ್ಪತ್ರೆಗೆ ಕಳುಹಿಸಬೇಕಾಯಿತು. ಈ ಜನರು ಉಸಿರಾಡಲು ಸಹ ಕಷ್ಟಪಡುತ್ತಿದ್ದರು. ಪ್ರಸ್ತುತ ಪೊಲೀಸರು ವ್ಯಕ್ತಿಯನ್ನು ಬಂಧಿಸಿದ್ದಾರೆ ಎಂದು ‘ಯೋನ್ಹಾಪ್ ನ್ಯೂಸ್ ಏಜೆನ್ಸಿ’ ವರದಿ ಮಾಡಿದೆ, ಅವರ ಅಜ್ಞಾನವು 194 ಜನರು ಜೀವಂತವಾಗಿ ಸಾಯಲು ಕಾರಣವಾಯಿತು. ಬಂಧಿತ ವ್ಯಕ್ತಿಯ ವಯಸ್ಸು ಸುಮಾರು 30 ವರ್ಷ ಎಂದು ಹೇಳಲಾಗಿದೆ. ಅವರು ತುರ್ತು ನಿರ್ಗಮನ ಬಾಗಿಲನ್ನು ಯಾಕೆ ತೆರೆದರು ಎಂಬುದು ತಿಳಿದುಬಂದಿಲ್ಲ ಎಂದು ವರದಿ ಉಲ್ಲೇಖಿಸಿದೆ.

Asiana Airlines A321 lands safely at Daegu Airport in South Korea after the emergency exit door was opened by a passenger mid air. 9 hospitalised with breathing difficulties.

Thr were 48 elementary/mid school kidd scheduled to compete in a national sports event on Saturday ?? pic.twitter.com/QGE4TacPbP

— Raman (@SaffronDelhite) May 26, 2023

ವಿಮಾನದಲ್ಲಿದ್ದ ಕೆಲವರು ವ್ಯಕ್ತಿಯು ತುರ್ತು ನಿರ್ಗಮನದ ಬಾಗಿಲು ತೆರೆಯಲು ಮುಂದಾಗುತ್ತಿದ್ದಾಗ ತಡೆಯಲು ಪ್ರಯತ್ನಿಸಿದರು, ಆದರೆ ಅದು ಪ್ರಯೋಜನವಾಗಲಿಲ್ಲ ಎಂದು ದಕ್ಷಿಣ ಕೊರಿಯಾದ ಸಾರಿಗೆ ಸಚಿವಾಲಯ ಹೇಳಿದೆ. ವಿಮಾನದಲ್ಲಿ ಒಟ್ಟು 194 ಮಂದಿ ಇದ್ದರು. ಇದರಲ್ಲಿ 48 ಮಕ್ಕಳು ರಾಷ್ಟ್ರೀಯ ಕ್ರೀಡಾಕೂಟದಲ್ಲಿ ಭಾಗವಹಿಸಲು ಓಲ್ಸನ್ ನಗರಕ್ಕೆ ಹೋಗುತ್ತಿದ್ದರು. ಗೇಟ್ ತೆರೆದ ತಕ್ಷಣ ಮಕ್ಕಳು ಅಳಲು ಮತ್ತು ಕಿರುಚಲು ಪ್ರಾರಂಭಿಸಿದರು ಎಂದು ಈ ಕ್ರೀಡಾಪಟುಗಳ ಪೈಕಿ ಒಬ್ಬರ ತಾಯಿ ಹೇಳಿದರು. ಬಾಗಿಲ ಪಕ್ಕದಲ್ಲಿದ್ದವರು ಭಯದಿಂದ ನಡುಗತೊಡಗಿದರು.

ಏಷ್ಯನ್ ಏರ್​ಲೈನ್ಸ್ ವಕ್ತಾರರು ಘಟನೆ ಬಗ್ಗೆ ಪ್ರತಿಕ್ರಿಯಿಸಿದ್ದು, ತುರ್ತು ನಿರ್ಗಮನ ಬಾಗಿಲು ಹೇಗೆ ತೆರೆಯಿತು ಎಂಬ ಬಗ್ಗೆ ಅಧಿಕಾರಿಗಳು ತನಿಖೆ ನಡೆಸುತ್ತಿದ್ದಾರೆ. ತುರ್ತು ದ್ವಾರದ ಬಳಿ ಕುಳಿತಿರುವ ವ್ಯಕ್ತಿಯು ಅದನ್ನು ಸ್ಪರ್ಶಿಸಿದ್ದೇನೆ, ಅದು ತಾನಾಗಿಯೇ ತೆರೆದುಕೊಂಡಿದೆ ಎಂದು ಹೇಳಿದ್ದಾರೆ. ಆದಾಗ್ಯೂ, ವಿಮಾನವು ಹಾರಾಡುತ್ತಿದ್ದಾಗ ಬಾಗಿಲು ತೆರೆಯುವುದು ಬಹಳ ಅಪರೂಪ ಎಂದು ಅವರು ತಿಳಿಸಿದ್ದಾರೆ.

ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ