ಬೀಜಿಂಗ್​​ನಲ್ಲಿ ಹೆಚ್ಚಿದ ಕೋವಿಡ್; ಇತರ ನಗರಗಳಲ್ಲಿಯೂ ವ್ಯಾಪಕವಾಗಿ ಹರಡಿದ ಕೊರೊನಾವೈರಸ್

2019 ರಲ್ಲಿ ವುಹಾನ್ ನಗರದಲ್ಲಿ ವಿಶ್ವದ ಮೊದಲ ಬಾರಿ ಕೋವಿಡ್(Covid) ಪ್ರಕರಗಳು ಹೊರಹೊಮ್ಮಿದ ನಂತರ ಇದೀಗ ಲಕ್ಷಾಂತರ ಜನರು ಅಲ್ಲಿ ಕೊರೊನಾವೈರಸ್​​ಗೆ (Coronavirus) ತುತ್ತಾಗಿದ್ದಾರೆಂದು ವರದಿಯಾಗಿರುವ ಈ ಸಮಯದಲ್ಲಿ ಜಗತ್ತು ಚೀನಾದ(China) ಮೇಲೆ ಗಮನ ಕೇಂದ್ರೀಕರಿಸಿದೆ. ಕೊರೊನಾ ವೈರಸ್ ಎಲ್ಲೆಡೆ ಹಾನಿಯನ್ನುಂಟುಮಾಡಿದ್ದು ಮಾತ್ರವಲ್ಲದೆ ಜಾಗತಿಕ ಆರ್ಥಿಕತೆಗೂ ಹೊಡೆತ ಬಿತ್ತು. ಈಗ ಚೀನಾದ ರಾಜಧಾನಿ ಬೀಜಿಂಗ್ ಮತ್ತು ಹಲವಾರು ಇತರ ನಗರಗಳಲ್ಲಿ ಕೋವಿಡ ವ್ಯಾಪಕವಾಗಿದ್ದು ಸ್ಮಶಾನಗಳು ತುಂಬಿರುವುದಾಗಿ ವರದಿಯಾಗಿದೆ. ಗ್ಲೋಬಲ್ ಟೈಮ್ಸ್‌ ವರದಿಯ ಪ್ರಕಾರ, ಒಮಿಕ್ರಾನ್‌ನ ಸಮುದಾಯ ಪ್ರಸರಣವು ತೀವ್ರತರವಾದ ಪ್ರಕರಣಗಳಿಗೆ ಕಾರಣವಾಗಿರುವ ಚೀನಾ ರಾಜಧಾನಿಯಲ್ಲಿ ವಯಸ್ಸಾದವರು ಹೆಚ್ಚು ಬಾಧಿತರಾಗಿದ್ದಾರೆ. ಆದರೆ ಒಟ್ಟಾರೆ ಪರಿಸ್ಥಿತಿಯು ಸುಧಾರಿಸುತ್ತಿದೆ ಎಂದು ಹೇಳಲಾಗುತ್ತದೆ. ಸ್ಥಳೀಯ ಸಾಂಕ್ರಾಮಿಕವು ವಿಪರೀತ ಮಟ್ಟಕ್ಕೆ ತಲುಪಿದ್ದು, ದೇಶದ ಇತರ ನಗರಗಳಲ್ಲಿಯೂ ಪ್ರಕರಣಗಳು ಹೆಚ್ಚಿವೆ. ಕಳೆದ ವರ್ಷ ಇದೇ ಸಮಯದಲ್ಲಿ ಜಾಗತಿಕ ಕೋವಿಡ್ ಪ್ರಕರಣಗಳ ಉಲ್ಬಣಕ್ಕೆ ಕಾರಣವಾದ ಹೆಚ್ಚು ಸಾಂಕ್ರಾಮಿಕ Omicron ನ ಉಪತಳಿ BF.7 ಈ ಉಲ್ಬಣಕ್ಕೆ ಕಾರಣ ಎಂದು ಹೇಳಲಾಗಿದೆ. ಪೀಕಿಂಗ್ ಯೂನಿವರ್ಸಿಟಿ ಫಸ್ಟ್ ಹಾಸ್ಪಿಟಲ್‌ನ ಉಸಿರಾಟದ ತಜ್ಞ ವಾಂಗ್ ಗುವಾಂಗ್ಫಾ ಪ್ರಕಾರ ಒಮಿಕ್ರಾನ್‌ನಿಂದ ಉಂಟಾಗುವ ಪ್ರಕರಣಗಳ ಒಟ್ಟಾರೆ ದರವು ಆರಂಭಿಕ ಹಂತದಲ್ಲಿ ಕಡಿಮೆಯಾಗಿದೆ ಎಂದು ಒತ್ತಿಹೇಳುತ್ತದೆ. ಇದು ಕೋವಿಡ್ ರೂಪಾಂತರವು ವೇಗವಾಗಿ. ಹರಡುತ್ತದೆ ಎಂದು ತೋರಿಸುತ್ತದೆ.

ರಾಜ್ಯದ ಮಾಧ್ಯಮಗಳು ಪರಿಸ್ಥಿತಿಯಲ್ಲಿ ಸುಧಾರಣೆಯನ್ನು ಸೂಚಿಸಿದರೆ, ಚೀನಾವು ವಿಶ್ವದ ಅತ್ಯಂತ ಕೆಟ್ಟ ಕೋವಿಡ್​​ನಿಂದ ಕಂಗೆಟ್ಟಿದೆ ಎಂದು ಇತರ ವರದಿಗಳು ಹೊರಹೊಮ್ಮಿವೆ. ಚೀನಾದ ರಾಷ್ಟ್ರೀಯ ಆರೋಗ್ಯ ಆಯೋಗದಿಂದ ಸೋರಿಕೆಯಾದ ದಾಖಲೆಯ ಪ್ರಕಾರ, ಈ ವಾರ ಮಂಗಳವಾರದ ವೇಳೆಗೆ ದೇಶಾದ್ಯಂತ ಸುಮಾರು 37 ಮಿಲಿಯನ್ ಹೊಸ ಸೋಂಕುಗಳು ಕಂಡುಬಂದಿವೆ. ದೇಶಾದ್ಯಂತ ಸುಮಾರು 248 ಮಿಲಿಯನ್ ಜನರು – ಒಟ್ಟು ಜನಸಂಖ್ಯೆಯ ಸುಮಾರು 18 ಪ್ರತಿಶತದಷ್ಟು ಜನರು – ಡಿಸೆಂಬರ್ 1 ಮತ್ತು 20 ರ ನಡುವೆ ಕೋವಿಡ್ ರೋಗಕ್ಕೊಳಗಾಗಿದ್ದಾರೆ.

ಇದನ್ನೂ ಓದಿ: PM Narendra Modi: ಅಟಲ್ ಬಿಹಾರಿ ವಾಜಪೇಯಿ ಜನ್ಮದಿನದಂದು ಅವರಿಗೆ ಗೌರವ ನಮನ ಸಲ್ಲಿಸಿದ ಪ್ರಧಾನಿ ಮೋದಿ

ಅಧಿಕೃತ ಅಂಕಿಅಂಶಗಳು ರೋಗಲಕ್ಷಣದ ಪ್ರಕರಣಗಳು 3,000 ಅಂಕಗಳ ಆಸುಪಾಸಿನಲ್ಲಿವೆ ಎಂದು ತೋರಿಸುತ್ತದೆ. ಅದೇ ವೇಳೆ ಸಾವಿನ ಸಂಖ್ಯೆಯೂ ಕಡಿಮೆಯಾಗಿದೆ. ಈಗ ರಾಷ್ಟ್ರೀಯ ಆರೋಗ್ಯ ಆಯೋಗವು ದೈನಂದಿನ ಅಂಕಿಅಂಶಗಳನ್ನು ಪ್ರಕಟಿಸುವುದಿಲ್ಲ ಎಂದು ಹೇಳಿದೆ.

ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ