ಹೆಬ್ಬಾವು, ನಾಗರಹಾವಿಗೆ ಬೌದ್ಧ ಸನ್ಯಾಸಿ ಆಶ್ರಯ

ಅಬ್ಬಬ್ಬಾ, ಹಾವು ಎಂದರೆ ಯಾರಿಗೆ ಭಯ ಇಲ್ಲ ಹೇಳಿ? ಹಾವು ಕಂಡರೆ ಜನರು ಮಾರುದ್ದ ಓಡುತ್ತಾರೆ. ಆದರೆ ಇಲ್ಲೋರ್ವರು ಹೆಬ್ಬಾವಿನ ಜೊತೆ ಸ್ನೇಹ ಬೆಳಿಸಿಕೊಂಡು ಅವುಗಳಿಗೂ ಮನೆಯಲ್ಲಿ ಆಶ್ರಯ ನೀಡುತ್ತಿದ್ದಾರೆ. ಕುತೂಹಲ ಮೂಡಿಸುತ್ತಿದೆ ಅಲ್ವೇ.. ನೋಡೋಣ ಬನ್ನಿ ಇವರ ಫುಲ್ ಹಿಸ್ಟರಿ..

ಯಾರು ಇವರು? ಇವರು 69 ವರ್ಷದ ಬೌದ್ಧ ಸನ್ಯಾಸಿ. ಇವರ ಹೆಸರು ವಿಲಥಾ. ಮಯನ್ಮಾರ್​ನ ಯಾಂಗೊನ್​ ಹೊರವಲಯದಲ್ಲಿ ಸೀಕ್ತಾ ತುಖಾ ಟೆಟೊ ಹೆಸರಿನ ಮಠವನ್ನು ಹೊಂದಿದ್ದಾರೆ.

ಹಾವುಗಳಿಗೆ ಆಶ್ರಯವೆಲ್ಲಿ? ಸೀಕ್ತಾ ತುಖಾ ಟೆಟೊ ಮಠದಲ್ಲಿ ಹೆಬ್ಬಾವು ಮತ್ತು ನಾಗರಹಾವುಗಳಿಗೆ ಆಶ್ರಯ ನೀಡುತ್ತಿದ್ದಾರೆ. ಅವುಗಳಿಗೆ ಆಹಾರ ಜೊತೆ ಆರೈಕೆ ಮಾಡುತ್ತಾರೆ. ಮಠವೀಗ ಯಾಂಗೊನ್ ಹೊರವಲಯದಲ್ಲಿರುವ ಅಭಯಾರಣ್ಯವಾಗಿ ಮಾರ್ಪಟ್ಟಿದೆ. ಐದು ವರ್ಷಗಳಿಂದ ಹಾವುಗಳಿಗೆ ಆಶ್ರಯ ನೀಡುವ ಕಾಯಕ ಆರಂಭವಾಗಿದೆ. ನಿವಾಸಿಗಳು ಮತ್ತು ಅಗ್ನಿಶಾಮಕ ಇಲಾಖೆ ಸೇರಿದಂತೆ ಸರ್ಕಾರಿ ಸಂಸ್ಥೆಗಳ ಸದಸ್ಯರು ತಾವು ಸೆರೆಹಿಡಿದ ಹಾವುಗಳನ್ನು ಸನ್ಯಾಸಿಗೆ ತಂದು ಕೊಡುತ್ತಿದ್ದಾರೆ.

ಮಯನ್ಮಾರ್​ ಜನರು ಹಾವುಗಳನ್ನು ಕೊಲ್ಲುವುದು ಅಥವಾ ಮಾರಾಟ ಮಾಡುವುದರಲ್ಲಿ ತೊಡಗುತ್ತಾರೆ. ಅದರ ಬದಲು ಜನರು ನನಗೆ ಹಾವುಗಳನ್ನು ನೀಡುವುದರಿಂದ ಅವುಗಳನ್ನು ರಕ್ಷಿಸುತ್ತೇನೆ. ನನ್ನ ಮಕ್ಕಳು ಕಾವಿ ವಸ್ತ್ರದಲ್ಲಿ ಹಾವುಗಳ ಮೈ ಸವರಿ ಆರೈಕೆ ಮಾಡುತ್ತಾರೆ. ಪರಿಸರವನ್ನು ರಕ್ಷಿಸುವ ಉದ್ದೇಶ ನನ್ನದು ಎನ್ನುತ್ತಾರೆ ವಿಲಥಾ.

Published On - 7:03 pm, Fri, 4 December 20