ಕೊಹಿಸ್ತಾನದಲ್ಲಿ ಮರ್ಯಾದಾ ಹತ್ಯೆಗೆ ಕಾರಣವಾಯ್ತು ಮದುವೆಯ ಡ್ಯಾನ್ಸ್ ವಿಡಿಯೊ; ಜಗತ್ತನ್ನೇ ಬೆಚ್ಚಿಬೀಳಿಸಿದ ಕ್ರೈಂ ಸ್ಟೋರಿ

ಇಸವಿ 2012. ಮದುವೆಯೊಂದರಲ್ಲಿ ಭಾಗವಹಿಸಲು ಸಂಬಂಧಿಕರು ಊರವರು ಎಲ್ಲರೂ ಸೇರಿದ್ದರು. ಆ ಗುಂಪಿನಲ್ಲಿದ್ದ ಐವರು ಹೆಂಗಸರು ಒಂದು ಕೋಣೆಯಲ್ಲಿ ನೆಲದ ಮೇಲೆ ಕುಳಿತು ಚಪ್ಪಾಳೆ ತಟ್ಟುತ್ತಾ ಯಾವುದೋ ಜಾನಪದ ಗೀತೆಯನ್ನು ಹಾಡುತ್ತಿದ್ದರು. ಈ ಹಾಡಿಗೆ ಯುವಕನೊಬ್ಬ ತಾಳಕ್ಕೆ ತಕ್ಕಂತೆ ಹೆಜ್ಜೆ ಹಾಕಿದ. ಈ ಹಾಡು ಮತ್ತು ಕುಣಿತವನ್ನು ವ್ಯಕ್ತಿಯೊಬ್ಬರು ಫೋನ್​​​ನಲ್ಲಿ ಸೆರೆ ಹಿಡಿದಿದ್ದು, ಈ ವಿಡಿಯೊ ವೈರಲ್ ಆಗಿತ್ತು. ಆದರೆ ಅಲ್ಲಿ ನಡೆದದ್ದೇ ಬೇರೆ. ಈ ಒಂದು ಕಿರು ವಿಡಿಯೊದಿಂದಾಗಿ 8 ಜನರು ಹತ್ಯೆಯಾದರು. 2012 ಕೊಹಿಸ್ತಾನ್ ವಿಡಿಯೊ ಪ್ರಕರಣ ಎಂದು ಕರೆಯಲ್ಪಡುವ ಆಘಾತಕಾರಿ ಘಟನೆ ಪಾಕಿಸ್ತಾನವನ್ನು ಬೆಚ್ಚಿಬೀಳಿಸಿತು. ಅಂದ ಹಾಗೆ ಆ ಮುಗ್ಧ ಜನರು ಅದೇನು ತಪ್ಪು ಮಾಡಿದ್ದರು? ಪ್ರಕರಣ ಬೆಳಕಿಗೆ ಬಂದಿದ್ದು ಹೇಗೆ? ಇಲ್ಲಿದೆ ಮಾಹಿತಿ. ಅಂದವಾದ ಊರಿನ ಅನಿಷ್ಟ ಸಂಪ್ರದಾಯಗಳು ಪಾಕಿಸ್ತಾನದ ಜಿಲ್ಲೆ ಕೊಹಿಸ್ತಾನ್ ಅಂದವಾದ ಊರು. ಬೆಟ್ಟಗಳು, ಕಣಿವೆಗಳು ಮತ್ತು ಸುಂದರವಾದ ತೊರೆಗಳನ್ನು ಹೊಂದಿರುವ ಕೊಹಿಸ್ತಾನದ ನಿವಾಸಿಗಳು ಹಸು ಸಾಕಣೆ ಮತ್ತು ಕೃಷಿಯಿಂದ ಬದುಕು ಸಾಗಿಸುವ ಬುಡಕಟ್ಟು ಜನಾಂಗದವರು. ಇವರಿಗೆ ಶಿಕ್ಷಣ ಇಲ್ಲ, ಇಲ್ಲಿನವರು ಶಿಕ್ಷಣಕ್ಕೆ ಹೆಚ್ಚಿನ ಪ್ರಾಮುಖ್ಯತೆಯನ್ನೂ ನೀಡುವುದಿಲ್ಲ. ಮಹಿಳೆಯರು ಮನೆಗೆಲಸಕ್ಕಷ್ಟೇ ಸೀಮಿತವಾಗಿದ್ದಾರೆ. ಇವರು ಹೊರಗೆ ಹೋಗಲು, ಕೆಲಸ ಮಾಡಲು ಅಥವಾ ಕುಟುಂಬದ ಹೊರಗಿನ ಪುರುಷರೊಂದಿಗೆ ಸಂಪರ್ಕ ಹೊಂದುವಂತೆ ಇಲ್ಲ. ಎಲ್ಲದಕ್ಕೂ ನಿರ್ಬಂಧ, ಎಲ್ಲದಕ್ಕೂ  ಕಟ್ಟುಪಾಡುಗಳು. ಆಚರಣೆಗಳನ್ನು ಬಹಳ ಗಂಭೀರವಾಗಿ...