28 ಮಿಲಿಯನ್ ಜ್ಯೋತಿರ್ವರ್ಷಗಳಷ್ಟು ದೂರದಲ್ಲಿರುವ ಸಾಂಬ್ರೆರೊ ಗ್ಯಾಲಕ್ಸಿ ಚಿತ್ರ ಸೆರೆಹಿಡಿದ ನಾಸಾದ ಹಬಲ್ ಟೆಲಿಸ್ಕೋಪ್
Sombrero Galaxy: ಸಾಂಬ್ರೆರೊ ನಕ್ಷತ್ರಪುಂಜವು ಇಲ್ಲಿ ಬಹುತೇಕ ಅಂಚಿನಲ್ಲಿ ಕಂಡುಬರುತ್ತದೆ. ಸುರುಳಿಯಾಕಾರದ ನಕ್ಷತ್ರಪುಂಜವು 50,000 ಜ್ಯೋತಿರ್ವರ್ಷ ವ್ಯಾಸವನ್ನು ಹೊಂದಿದೆ. ಅಂದರೆ ನಮ್ಮ ಕ್ಷೀರಪಥದ (ಮಿಲ್ಕೀ ವೇ) ನಕ್ಷತ್ರಪುಂಜದ ಅರ್ಧದಷ್ಟು ಗಾತ್ರವನ್ನು ಹೊಂದಿದೆ. ಸಾಂಬ್ರೆರೊ ನಕ್ಷತ್ರಪುಂಜದ ಕೇಂದ್ರದಲ್ಲಿ ನಮ್ಮ ಸೂರ್ಯನಿಗಿಂತ ಸುಮಾರು ಶತಕೋಟಿ ಪಟ್ಟು ಹೆಚ್ಚು ಬೃಹತ್ ಕಪ್ಪು ಕುಳಿ ಇದೆ ಎಂದು ವಿಜ್ಞಾನಿಗಳು ಅಂದಾಜಿಸಿದ್ದಾರೆ.
ವಾಷಿಂಗ್ಟನ್ ಸೆಪ್ಟೆಂಬರ್ 27: ನ್ಯಾಷನಲ್ ಏರೋನಾಟಿಕ್ಸ್ ಮತ್ತು ಸ್ಪೇಸ್ ಅಡ್ಮಿನಿಸ್ಟ್ರೇಷನ್ನ (NASA) ಹಬಲ್ ಬಾಹ್ಯಾಕಾಶ ದೂರದರ್ಶಕವು (Hubble Space Telescope) ವರ್ಷಗಳಿಂದ ಬಾಹ್ಯಾಕಾಶದಲ್ಲಿನ ಅದ್ಭುತ ಚಿತ್ರಗಳನ್ನು ಸೆರೆಹಿಡಿಯುತ್ತದೆ. ಸಾಂಬ್ರೆರೊ ನಕ್ಷತ್ರಪುಂಜದ ಅಂತಹ ಒಂದು ಅದ್ಭುತ ಚಿತ್ರವನ್ನು ಬಾಹ್ಯಾಕಾಶ ದೂರದರ್ಶಕ ಸೆರೆಹಿಡಿದಿದೆ. ನಕ್ಷತ್ರಪುಂಜವು ವಿರ್ಗೋ ಸಮೂಹದ ದಕ್ಷಿಣದ ಅಂಚಿನಲ್ಲಿದ್ದು, ಭೂಮಿಯಿಂದ 28 ಮಿಲಿಯನ್ ಜ್ಯೋತಿರ್ವರ್ಷಗಳಷ್ಟು ದೂರದಲ್ಲಿದೆ.
ನಾಸಾ ಈ ಚಿತ್ರವನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದೆ. ಇದು ನಕ್ಷತ್ರಪುಂಜವನ್ನು ಅದರ ಎಲ್ಲಾ ವೈಭವದಲ್ಲಿ ತೋರಿಸಿದೆ. ಇದು ನಕ್ಷತ್ರಪುಂಜವನ್ನು ಗೋಚರ ಬೆಳಕಿನಲ್ಲಿ ಸೆರೆಹಿಡಿದಿದೆ. ಸ್ಪಿಟ್ಜರ್ ಬಾಹ್ಯಾಕಾಶ ದೂರದರ್ಶಕವು ನಾಲ್ಕು ವಿಭಿನ್ನ ಮೈಕ್ರಾನ್ಗಳಲ್ಲಿ ಅಂದರೆ ನೀಲಿ, ಹಸಿರು, ಕಿತ್ತಳೆ ಮತ್ತು ಕೆಂಪು ವೀಕ್ಷಿಸಿದೆ.
ಸಾಂಬ್ರೆರೊ ನಕ್ಷತ್ರಪುಂಜವು ಇಲ್ಲಿ ಬಹುತೇಕ ಅಂಚಿನಲ್ಲಿ ಕಂಡುಬರುತ್ತದೆ. ಸುರುಳಿಯಾಕಾರದ ನಕ್ಷತ್ರಪುಂಜವು 50,000 ಜ್ಯೋತಿರ್ವರ್ಷ ವ್ಯಾಸವನ್ನು ಹೊಂದಿದೆ. ಅಂದರೆ ನಮ್ಮ ಕ್ಷೀರಪಥದ (ಮಿಲ್ಕೀ ವೇ) ನಕ್ಷತ್ರಪುಂಜದ ಅರ್ಧದಷ್ಟು ಗಾತ್ರವನ್ನು ಹೊಂದಿದೆ. ಸಾಂಬ್ರೆರೊ ನಕ್ಷತ್ರಪುಂಜದ ಕೇಂದ್ರದಲ್ಲಿ ನಮ್ಮ ಸೂರ್ಯನಿಗಿಂತ ಸುಮಾರು ಶತಕೋಟಿ ಪಟ್ಟು ಹೆಚ್ಚು ಬೃಹತ್ ಕಪ್ಪು ಕುಳಿ ಇದೆ ಎಂದು ವಿಜ್ಞಾನಿಗಳು ಅಂದಾಜಿಸಿದ್ದಾರೆ.
ಇದನ್ನೂ ಓದಿ: ನಾನು ಸವಾಲುಗಳನ್ನು ಎದುರಿಸಿದ್ದೇನೆ: ತಮ್ಮ ಬದುಕು, ವೃತ್ತಿ ಜೀವನದ ಬಗ್ಗೆ ಮಾತನಾಡಿದ ಇಸ್ರೋ ಮುಖ್ಯಸ್ಥ ಸೋಮನಾಥ್
ಚಿತ್ರದಲ್ಲಿ, ಸಾಂಬ್ರೆರೊ ನಕ್ಷತ್ರಪುಂಜದ ಎಡ ಮತ್ತು ಬಲ ಅಂಚುಗಳು ಕೆಂಪು ಬಣ್ಣದಲ್ಲಿ ಕಾಣುತ್ತವೆ, ಉಂಗುರಗಳ ಮಧ್ಯದಲ್ಲಿ ಹಳದಿ-ಹಸಿರು ಮತ್ತು ನಕ್ಷತ್ರಪುಂಜದ ಮಧ್ಯಭಾಗವು ಬಿಳಿ ಕೋರ್ನೊಂದಿಗೆ ತಿಳಿ ನೀಲಿ ಬಣ್ಣದಲ್ಲಿ ಕಾಣುತ್ತದೆ. ನಕ್ಷತ್ರಗಳು ಮತ್ತು ಗ್ಯಾಲಕ್ಸಿಗಳು ಚುಕ್ಕೆಗಳಂತೆ ಕಾಣುತ್ತವೆ.
ಇದಕ್ಕೂ ಮೊದಲು, ಹಬಲ್ ಬಾಹ್ಯಾಕಾಶ ದೂರದರ್ಶಕ ಪ್ರಬಲವಾದ ಸೂಪರ್ನೋವಾ ಘಟನೆಯನ್ನು ಸೆರೆ ಹಿಡಿದಿತ್ತು.
ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ