ಡ್ರಗ್ಸ್​ ತೆಗೆದುಕೊಳ್ಳುವವರಿಗೆಂದು ಈ ದೇಶದಲ್ಲಿ ಸರ್ಕಾರದಿಂದಲೇ ರೂಂ ನಿರ್ಮಾಣ!

ಯಾವ ದೇಶವಾದರೂ ಡ್ರಗ್ ಅಡಿಕ್ಟ್​ಗಳಿಗೆ ಅಧಿಕೃತವಾಗಿ ಹೆರಾಯಿನ್ ಮತ್ತು ಕೊಕೇನ್ ಸೇವಿಸಲು ತಾನೇ ಪ್ರತ್ಯೇಕ ಕೊಠಡಿ ನಿರ್ಮಿಸಿಕೊಡಲು ಸಾಧ್ಯವೇ? ಈ ರೀತಿಯ ಕೆಲಸವನ್ನು ಬ್ರಿಟನ್ ಮಾಡಿದೆ! ಡ್ರಗ್ಸ್ ಸೇವನೆ​ಗೆ ಸಂಬಂಧಿಸಿದ ಸಾವುಗಳನ್ನು ತಡೆಗಟ್ಟುವ ಉದ್ದೇಶದಿಂದ ಈ ರೀತಿ ಮಾಡಿರುವ ಇಂಗ್ಲೆಂಡ್ ಸರ್ಕಾರ ಅಕ್ರಮ ಡ್ರಗ್ಸ್​ಗಳ ಅಧಿಕೃತ ಬಳಕೆಯ ಕೊಠಡಿಗಳನ್ನು ನಿರ್ಮಿಸಲಾಗುತ್ತಿದೆ ಎಂದಿದೆ.

ಇದು ಸ್ಕಾಟಿಷ್ ಸರ್ಕಾರದಿಂದ ಬೆಂಬಲಿತವಾದ ಒಂದು ಪ್ರಾಯೋಗಿಕ ಯೋಜನೆಯಾಗಿದೆ. ಈ ರೀತಿಯ ಮೊದಲ ರೂಂ ಈ ಮೊದಲು ಗ್ಲ್ಯಾಸ್ಗೋದ ಪೂರ್ವ ತುದಿಯಲ್ಲಿ ಕಾಣಿಸಿಕೊಂಡಿದೆ. ಅಲ್ಲಿ ಡ್ರಗ್ಸ್​ ಬಳಕೆದಾರರು ವೈದ್ಯಕೀಯ ತಜ್ಞರ ಮೇಲ್ವಿಚಾರಣೆಯಲ್ಲಿ ಡ್ರಗ್ಸ್​ ತೆಗೆದುಕೊಳ್ಳಬಹುದಾಗಿದೆ. ಈ ಯೋಜನೆಗೆ ಗ್ಲಾಸ್ಗೋದ ಇಂಟಿಗ್ರೇಷನ್ ಜಾಯಿಂಟ್ ಬೋರ್ಡ್ ಬುಧವಾರ ಅಧಿಕೃತ ಒಪ್ಪಿಗೆ ನೀಡಿದೆ.

ಇದನ್ನೂ ಓದಿ: ಕ್ಯಾಪ್ಸೂಲ್ ಮಾತ್ರೆ ಮಾದರಿಯಲ್ಲಿ ಡ್ರಗ್ಸ್ ಸಾಗಾಟ, ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ಸಿಕ್ಕಿಬಿದ್ದ ಮಹಿಳೆ

ಈ ಯೋಜನೆಯು ವರ್ಷಗಳಿಂದ ನೆನೆಗುದಿಗೆ ಬಿದ್ದಿತ್ತು. ಈ ರೂಮುಗಳಲ್ಲಿ ಕಾನೂನುಬಾಹಿರ ಮಾದಕ ದ್ರವ್ಯಗಳನ್ನು ಸೇವಿಸುವ ಬಳಕೆದಾರರಿಗೆ ಕಾನೂನು ಕ್ರಮದಿಂದ ವಿನಾಯಿತಿ ನೀಡಲು ವಿಶೇಷ ಕಾನೂನು ವ್ಯವಸ್ಥೆಗಳನ್ನು ಮಾಡಿದ ನಂತರ ಇದೀಗ ಹಸಿರು ನಿಶಾನೆ ತೋರಿಸಲಾಗಿದೆ. ಇಲ್ಲಿ ಡ್ರಗ್ಸ್​ ಸೇವಿಸುವವರಿಗೆ ಕಾನೂನು ಪ್ರಕಾರವಾಗಿ ಯಾವುದೇ ಶಿಕ್ಷೆ ವಿಧಿಸುವುದಿಲ್ಲ.

BBC ವರದಿಯ ಪ್ರಕಾರ, ಈ ಯೋಜನೆಯು ವ್ಯಕ್ತಿಗಳಿಗೆ ಡ್ರಗ್ಸ್​ ಸಂಬಂಧಿತ ಹಾನಿಗಳನ್ನು ಕಡಿಮೆ ಮಾಡುತ್ತದೆ. ಅಲ್ಲದೆ, ಡ್ರಗ್ಸ್​ ಸೇವಿಸುವವರಿಗೆ ಚಿಕಿತ್ಸೆ, ಆರೈಕೆ ಮತ್ತು ಚೇತರಿಕೆಗೆ ಅವಕಾಶಗಳನ್ನು ಒದಗಿಸುತ್ತದೆ.

ಡ್ರಗ್ಸ್​ ಬಳಕೆಯ ಕೊಠಡಿಗಳ ಸ್ಥಾಪನೆಯು ಬಿಕ್ಕಟ್ಟನ್ನು ಪರಿಹರಿಸಲು ಸ್ಕಾಟಿಷ್ ಸರ್ಕಾರವು ಕೈಗೊಂಡ ವ್ಯಾಪಕ ಪ್ರಯತ್ನಗಳ ಪ್ರಮುಖ ಅಂಶವಾಗಿದೆ. ಡ್ರಗ್ಸ್​ನಿಂದ ಉಂಟಾಗುತ್ತಿರುವ ಸಾವು ಇತರ ಯುರೋಪಿಯನ್ ಪ್ರದೇಶಕ್ಕಿಂತ ಇಲ್ಲಿ ಹೆಚ್ಚಿನ ಸಾವುಗಳಿಗೆ ಕಾರಣವಾಗಿದೆ.

ಇದನ್ನೂ ಓದಿ: ಮಂಗಳೂರು: ಡ್ರಗ್ ಪೆಡ್ಲರ್​ನನ್ನು ಬಂಧಿಸಿದ ಸಿಸಿಬಿ, 2.50 ಲಕ್ಷ ಮೌಲ್ಯದ ಮಾದಕವಸ್ತು ವಶಕ್ಕೆ

2020ರಲ್ಲಿ ಡ್ರಗ್ಸ್​ ಸಂಬಂಧಿತ ಸಾವಿನ ಸಂಖ್ಯೆ 1,339ಕ್ಕೆ ತಲುಪಿದೆ. 2021ರಲ್ಲಿ ಸ್ವಲ್ಪ ಇಳಿಕೆ ಕಂಡುಬಂದಿದೆ. ನಂತರ 2022ರಲ್ಲಿ ಸರಿಸುಮಾರು ಶೇ. 20ರಷ್ಟು ಗಮನಾರ್ಹ ಕುಸಿತ ಕಂಡುಬಂದಿದ್ದು, 1,051ಕ್ಕೆ ಇಳಿಕೆಯಾಗಿದೆ. ಡ್ರಗ್ಸ್​ ಬಳಕೆಯ ಕೊಠಡಿಯನ್ನು ರಚಿಸುವ ಈ ಯೋಜನೆಗೆ ಸ್ಕಾಟಿಷ್ ನ್ಯಾಷನಲ್ ಪಾರ್ಟಿ, ಲೇಬರ್ ಮತ್ತು ಲಿಬರಲ್ ಡೆಮಾಕ್ರಟ್ ರಾಜಕಾರಣಿಗಳು ಬೆಂಬಲವನ್ನು ನೀಡಿದ್ದಾರೆ.

ಡ್ರಗ್ಸ್​ ಬಳಕೆದಾರರು ಈ ಯೋಜನೆಯನ್ನು ಅದ್ಭುತ ಯೋಜನೆ ಎಂದು ಮೆಚ್ಚುಗೆ ಸೂಚಿಸಿದ್ದಾರೆ.

ಇನ್ನಷ್ಟು ಅಂತಾರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ