ಕಲಬುರಗಿ: ಚಿಂಚೋಳಿಯಲ್ಲಿ ವೃದ್ಧೆಯೊಬ್ಬಳನ್ನು ಮಕ್ಕಳ ಕಳ್ಳಿ ಅಂತ ಭಾವಿಸಿ ಥಳಿತ!

ಕಲಬುರಗಿ: ಜನ ಯಾರೇ ಆಗಿರಲಿ, ಕಾನೂನನ್ನು ತಮ್ಮ ಕೈಗೆತ್ತಿಕೊಂಡರೆ ಆಗೋದು ಅನಾಹುತಗಳೇ ಬೇರೇನೂ ಅಲ್ಲ. ಕಲಬುರಗಿಯ (Kalaburagi) ಜಿಲ್ಲೆಯಲ್ಲಿ ಅತಿ ಹಿಂದುಳಿದ ತಾಲ್ಲೂಕು ಎಂದೇ ಗುರುತಿಸಿಕೊಂಡಿರುವ ಚಿಂಚೋಳಿಯಲ್ಲಿ (Chincholli) ಮಕ್ಕಳರನ್ನು ಕದ್ದೊಯ್ಯುವ ಭೀತಿ ಹೆಚ್ಚಾಗಿದೆ. ಈ ಅತಂಕದಲ್ಲಿರುವ ತಾಲ್ಲೂಕಿನ ಪೋಲಕಹಳ್ಳಿ ಗ್ರಾಮದಲ್ಲಿ ತೆಲಂಗಾಣದಿಂದ (Telangana) ತನ್ನ ಸಂಬಂಧಿಕರೊಬ್ಬರ ಮನೆಗೆ ಬಂದಿದ್ದ ಒಬ್ಬ ವೃದ್ಧೆಯನ್ನು ಜನ ಮಕ್ಕಳ ಕಳ್ಳಿ (child-lifter) ಅಂತ ಭಾವಿಸಿ ಥಳಿಸಿದ್ದಾರೆ. ಆಕೆಯೊಂದಿಗಿರುವ ಇನ್ನೊಬ್ಬ ಮಹಿಳೆ ನಾವು ಕಳ್ಳರಲ್ಲ ಅಂತ ಗೋಗರೆಯುತ್ತಿದ್ದರೂ ಜನ ನಂಬಿಲ್ಲ. ಅಂತಿಮವಾಗಿ ಆಕೆಯನ್ನು ತನ್ನೂರಿಗೆ ಕಳಿಸಲಾಯಿತು.