Viral Video: ಪಾರ್ಟಿ ವಿಡಿಯೋ ಸೋರಿಕೆ ನಂತರ ಡ್ರಗ್ಸ್ ಪರೀಕ್ಷೆಗೆ ಒಳಗಾದ ಫಿನ್ಲ್ಯಾಂಡ್ ಪ್ರಧಾನಿ
ಪಾರ್ಟಿಯೊಂದರಲ್ಲಿ ತಮ್ಮ ನೃತ್ಯ ಮತ್ತು ತುಟಿ ಸಿಂಕ್ ಮಾಡುವ ಹಾಡುಗಳ ವಿಡಿಯೋ ಸೋರಿಕೆಯಾಗಿ ಟೀಕೆಗೆ ಗುರಿಯಾಗಿದ್ದ ಫಿನ್ಲ್ಯಾಂಡ್ ಪ್ರಧಾನಿ ಸನ್ನಾ ಮರಿನ್ ಅವರು, ಡ್ರಗ್ಸ್ ಸೇವನೆ ಪರೀಕ್ಷೆಗೆ ಒಳಗಾಗಿದ್ದಾರೆ.
ಖಾಸಗಿ ಪಾರ್ಟಿಯೊಂದರಲ್ಲಿ ತಮ್ಮ ನೃತ್ಯ ಮತ್ತು ತುಟಿ ಸಿಂಕ್ ಮಾಡುವ ಹಾಡುಗಳ ವಿಡಿಯೋ ಸೋರಿಕೆಯಾಗಿ ಟೀಕೆಗೆ ಗುರಿಯಾಗಿದ್ದ ಫಿನ್ಲ್ಯಾಂಡ್ ಪ್ರಧಾನಿ ಸನ್ನಾ ಮರಿನ್ ಅವರು, ಡ್ರಗ್ಸ್ ಸೇವನೆ ಪರೀಕ್ಷೆಗೆ ಒಳಗಾಗಿದ್ದಾರೆ. ಸ್ವತಃ ಪ್ರಧಾನಿಯವರೇ ಈ ಹೇಳಿಕೆಯನ್ನು ನೀಡಿದ್ದಾರೆ. “ನಾನು ಸ್ನೇಹಿತರೊಂದಿಗೆ ಮಾತ್ರ ಮದ್ಯ ಸೇವಿಸಿದ್ದೇನೆ. ಅದಾಗ್ಯೂ ತನ್ನ ಸ್ವಂತ ಕಾನೂನು ರಕ್ಷಣೆಗಾಗಿ ಡ್ರಗ್ ಪರೀಕ್ಷೆಯನ್ನು ತೆಗೆದುಕೊಂಡಿದ್ದಾಗಿ ಹೇಳಿಕೊಂಡಿದ್ದಾರೆ.
“ನನ್ನ ಸ್ವಂತ ಕಾನೂನು ರಕ್ಷಣೆಗಾಗಿ ನಾನು ಡ್ರಗ್ ಪರೀಕ್ಷೆಯನ್ನು ತೆಗೆದುಕೊಂಡಿದ್ದೇನೆ, ಅದರ ಫಲಿತಾಂಶ ಸುಮಾರು ಒಂದು ವಾರದಲ್ಲಿ ಬರಲಿದೆ” ಎಂದು ಮರಿನ್ ಸುದ್ದಿಗೋಷ್ಠಿಯಲ್ಲಿ ಹೇಳಿದರು. ಅಸೋಸಿಯೇಟೆಡ್ ಪ್ರೆಸ್ನ ವರದಿಯ ಪ್ರಕಾರ, ಈ ಬಗ್ಗೆ Hufvudstadsbladet ಪತ್ರಿಕೆ ವರದಿ ಮಾಡಿದೆ.
ಟೀಕೆಗೆ ಪ್ರತಿಕ್ರಿಯಿಸಿದ ಸನ್ನಾ ಮರಿನ್, ವಾರಾಂತ್ಯದಲ್ಲಿ ಯಾವುದೇ ಸರ್ಕಾರಿ ಸಭೆಗಳನ್ನು ಹೊಂದಿರಲಿಲ್ಲ, ನನಗೆ ಸ್ವಲ್ಪ ಸಮಯವಿದೆ ಮತ್ತು ನಾನು ಅದನ್ನು ನನ್ನ ಸ್ನೇಹಿತರೊಂದಿಗೆ ಕಳೆದಿದ್ದೇನೆ. ಆದರೆ ನಾನು ಕಾನೂನುಬಾಹಿರವಾಗಿ ಏನನ್ನೂ ಮಾಡಿಲ್ಲ” ಎಂದು ಸ್ಪಷ್ಟಪಡಿಸಿದ್ದಾರೆ.
Finland’s Prime Minister @MarinSanna is in the headlines after a video of her partying was leaked today.
She has previously been criticized for attending too many music festivals & spending too much on partying instead of ruling.
The critics say it’s not fitting for a PM. pic.twitter.com/FbOhdTeEGw
— Visegrád 24 (@visegrad24) August 17, 2022
ಪಾರ್ಟಿ ಯಾವಾಗ ನಡೆಯಿತು ಎಂಬುದು ಈವರೆಗೆ ಸ್ಪಷ್ಟವಾಗಿಲ್ಲ. ಸನ್ನಾ ಮರಿಮ್ ಪಾರ್ಟಿಯಲ್ಲಿ ಭಾಗಿಯಾಗಿ ಟೀಕೆಗೆ ಗುರಿಯಾಗಿರುವುದು ಇದೇ ಮೊದಲಲ್ಲ. 36 ವರ್ಷದ ಸನ್ನಾ ಮರಿನ್ ಕಳೆದ ವರ್ಷ ನೈಟ್ಕ್ಲಬ್ನಲ್ಲಿ ಪಾರ್ಟಿ ಮಾಡಿದ್ದಕ್ಕಾಗಿ ಟೀಕೆಗೆ ಗುರಿಯಾಗಿದ್ದರು.
Published On - 11:39 am, Sat, 20 August 22