ಮಗನಿಗಾಗಿ ಡೀಪ್ ಫ್ರೈಡ್ ಚಿಕನ್ ಆರ್ಡರ್ ಮಾಡಿದ ಮಹಿಳೆ; ಬಾಕ್ಸ್ ತೆರೆದಾಗ ಅಲ್ಲಿದ್ದಿದ್ದು ಫ್ರೈಡ್ ಹ್ಯಾಂಡ್ ಟವೆಲ್ !
ಪೆರೆಜ್ ಪೋಸ್ಟ್ ಮಾಡಿದ ವಿಡಿಯೋ ಇಲ್ಲಿಯವರೆಗೆ 2.6 ಮಿಲಿಯನ್ಗಳಷ್ಟು ವೀವ್ಸ್ ಪಡೆದಿದೆ. ಮೇಲೆಲ್ಲೆ ಫ್ರೈಡ್ ಹಿಟ್ಟು ಇರುವ, ಅಡಿಯಲ್ಲಿ ನೀಲಿ ಬಣ್ಣದ ಟವೆಲ್ ಇರುವುದನ್ನು ಇದರಲ್ಲಿ ನೋಡಬಹುದು. ಇದನ್ನು ನೋಡಿದ ನೆಟ್ಟಿಗರು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
Updated on:Jun 07, 2021 | 3:21 PM
ಮಹಿಳೆಯೊಬ್ಬರು ಆನ್ಲೈನ್ನಲ್ಲಿ ಡೀಪ್ ಫ್ರೈಡ್ ಚಿಕನ್ ಆರ್ಡರ್ ಮಾಡಿದ್ದರು. ಆದರೆ ನಂತರ ಬಂದ ತಿನಿಸನ್ನು ನೋಡಿ ಅಕ್ಷರಶಃ ಕಂಗಾಲಾಗಿದ್ದಾರೆ. ಪಿಲಿಫೈನ್ಸ್ನ ಮಹಿಳೆಗೆ ವಿಶಿಷ್ಟ ಅನುಭವವೊಂದು ಆಗಿದೆ. ಖ್ಯಾತ ಫಾಸ್ಟ್ಫುಡ್ ರೆಸ್ಟೋರೆಂಟ್ ಜೊಲ್ಲಿಬೀಯಿಂದ ಈ ಫ್ರೈಡ್ ಚಿಕನ್ ಆರ್ಡರ್ ಮಾಡಿದ್ದರು. ಆದರೆ ಅದು ಮನೆಗೆ ಡೆಲಿವರಿ ಆದ ಬಳಿಕ ಬಾಕ್ಸ್ ತೆರೆದಾಗ ಬರೀ ನಿರಾಸೆಯಾಗಿದ್ದಷ್ಟೇ ಅಲ್ಲ, ಶಾಕ್ ಆಯಿತು ಎಂದೂ ಹೇಳಿಕೊಂಡಿದ್ದಾರೆ.
ಫಿಲಿಪೈನ್ಸ್ನ ಅಲೆಕ್ ಪೆರೆಜ್ ಎಂಬುವರಿಗೆ ಈ ಅನುಭವ ಆಗಿದೆ. ಚಿಕನ್ ಜಾಯ್ ಊಟ ಆರ್ಡರ್ ಮಾಡಿದ್ದ ಆದರೆ ಬಂದಿದ್ದು ‘ಫ್ರೈಡ್ ಟವೆಲ್’ ಎಂದು ಪೆರೆಜ್ ಸೋಷಿಯಲ್ ಮೀಡಿಯಾದಲ್ಲಿ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಸಣ್ಣ ಟವೆಲ್ನ್ನು ಸೇಮ್ ಫ್ರೈಡ್ ಚಿಕನ್ನಂತೆ ಮಾಡಿ ಕಳಿಸಿದ್ದನ್ನು ವಿಡಿಯೋದಲ್ಲಿ ನೋಡಬಹುದು.
ಪೆರೆಜ್ ಅವರಿಗೆ ಆನ್ಲೈನ್ನಲ್ಲಿ ಬಂದ ಡೀಪ್ ಫ್ರೈಡ್ ಟವೆಲ್ನ ವಿಡಿಯೋ, ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟೆ ವೈರಲ್ ಆಗಿವೆ. ಫುಲ್ ಖುಷಿಯಿಂದ ಬಾಕ್ಸ್ ತೆಗೆದೆ. ಆದರೆ ಮೇಲಿಂದ ನೋಡಿದರೆ ಅದು ಫ್ರೈಡ್ ಚಿಕನ್ನಂತೆ ಇತ್ತು. ಅದನ್ನು ಕಟ್ ಮಾಡಲು ಮುಂದಾದಾಗ ಅದ್ಯಾಕೋ ಬೇರೆ ತರ ಇದೆ ಎನ್ನಿಸಿತು. ಬಿಡಿಸಿ ನೋಡಿದರೆ ಅಲ್ಲೊಂದು ಹ್ಯಾಂಡ್ಟವೆಲ್ ಇತ್ತು ಎಂದು ಪೆರೆಜ್ ವಿವರಿಸಿದ್ದಾರೆ. ನನ್ನ ಮಗನಿಗಾಗಿ ಚಿಕನ್ ಆರ್ಡರ್ ಮಾಡಿದ್ದೆ. ಜೊಲ್ಲಿಬೀ ರೆಸ್ಟೋರೆಂಟ್ನಿಂದ ಗ್ರಾಬ್ನಲ್ಲಿ ಆರ್ಡರ್ ಮಾಡಿದ್ದಾಗಿತ್ತು ಎಂದೂ ತಮ್ಮ ಫೇಸ್ಬುಕ್ನಲ್ಲಿ ಹೇಳಿಕೊಂಡಿದ್ದಾರೆ.
ಪೆರೆಜ್ ಪೋಸ್ಟ್ ಮಾಡಿದ ವಿಡಿಯೋ ಇಲ್ಲಿಯವರೆಗೆ 2.6 ಮಿಲಿಯನ್ಗಳಷ್ಟು ವೀವ್ಸ್ ಪಡೆದಿದೆ. ಮೇಲೆಲ್ಲೆ ಫ್ರೈಡ್ ಹಿಟ್ಟು ಇರುವ, ಅಡಿಯಲ್ಲಿ ನೀಲಿ ಬಣ್ಣದ ಟವೆಲ್ ಇರುವುದನ್ನು ಇದರಲ್ಲಿ ನೋಡಬಹುದು. ಇದನ್ನು ನೋಡಿದ ನೆಟ್ಟಿಗರು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಇದ್ಯಾರು ಇಷ್ಟು ತಾಳ್ಮೆಯಿಂದ ಸಿದ್ಧ ಮಾಡಿದ್ದಾರೋ ಗೊತ್ತಿಲ್ಲ ಎಂದು ಒಬ್ಬರು ಬರೆದಿದ್ದಾರೆ. ಹಾಗೇ, ನಿಜಕ್ಕೂ ಇದೊಂದು ಅಸಹ್ಯ ಎಂದೂ ಮತ್ತೊಬ್ಬರು ಹೇಳಿದ್ದಾರೆ. ಈ ವಿಷಯವನ್ನು ಜೊಲ್ಲಿಬೀ ಫುಡ್ ಕಾರ್ಪೋರೇಶನ್ ಗಮನಕ್ಕೂ ತರಲಾಗಿದ್ದು,ಇಂಥ ಘಟನೆಗಳನ್ನು ಮರುಕಳಿಸದಂತೆ ನೋಡಿಕೊಳ್ಳಲಾಗುವುದು. ಸೂಕ್ತ ತನಿಖೆ ನಡೆಸಿ, ಸಂಬಂಧಪಟ್ಟ ನೌಕರರನ್ನು ವಜಾ ಮಾಡುವುದಾಗಿ ಜೊಲ್ಲಿಬೀ ಹೇಳಿದೆ ಎಂದು ಮೆಟ್ರೋ ನ್ಯೂಸ್ ವರದಿ ಮಾಡಿದೆ.
Published On - 3:15 pm, Mon, 7 June 21
