ಐಫೋನ್ ರಿಪೇರಿಗೆ ಕೊಟ್ಟ ವಿದ್ಯಾರ್ಥಿನಿಯ ಬೆತ್ತಲೆ ಫೋಟೋ, ವಿಡಿಯೋ ಫೇಸ್ಬುಕ್ಗೆ ಪೋಸ್ಟ್ ಮಾಡಿದ ಟೆಕ್ನೀಷಿಯನ್ಸ್..
ಯುವತಿಯ ಪರ ವಕೀಲರು ಹಲವು ಮಿಲಿಯನ್ ಡಾಲರ್ಗಳಷ್ಟು ಮೊತ್ತದ ಮಾನನಷ್ಟ ಮೊಕದ್ದಮೆಯನ್ನು ಈ ಐಫೋನ್ ರಿಪೇರಿ ಸೆಂಟರ್ ವಿರುದ್ಧ ಹೂಡಿದ್ದರು. ಇಲ್ಲಿ ಮೊತ್ತವನ್ನು ಉಲ್ಲೇಖಿಸಿಲ್ಲ.
Updated on:Jun 07, 2021 | 4:57 PM
ಯುವತಿಯೊಬ್ಬಳ ಬೆತ್ತಲೆ ವಿಡಿಯೋ, ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದ ಆ್ಯಪಲ್ ಐಫೋನ್ ಸರ್ವೀಸ್ ಕೇಂದ್ರ ದೊಡ್ಡ ಅವಾಂತರವನ್ನೇ ಸೃಷ್ಟಿಸಿದೆ. ಅದಾದ ನಂತರ ಆ್ಯಪಲ್ ಆ ಯುವತಿಗೆ ಮಿಲಿಯನ್ ಡಾಲರ್ಗಳಷ್ಟು ಪರಿಹಾರ ನೀಡಿದೆ. ಇಂಥದ್ದೊಂದು ಮಹಾ ಎಡವಟ್ಟು ನಡೆದಿದ್ದು ಕ್ಯಾಲಿಫೋರ್ನಿಯಾದಲ್ಲಿ. ಪೆಗಾಟ್ರಾನ್ ಮಾಲೀಕತ್ವದ ಆ್ಯಪಲ್ ಐಫೋನ್ ದುರಸ್ತಿ ಕೇಂದ್ರದಲ್ಲಿ ಇದ್ದ ಇಬ್ಬರು ತಂತ್ರಜ್ಞರಿಂದ ಈ ಅವಾಂತರ ಆಗಿದೆ.
2016ರಲ್ಲಿ ಒರೆಗಾನ್ನ ಸ್ನಾತಕೋತ್ತರ ವಿದ್ಯಾರ್ಥಿನಿಯೋರ್ವಳು ತನ್ನ ಆ್ಯಪಲ್ ಐಫೋನ್ನ್ನು ದುರಸ್ತಿಗೆಂದು ಈ ಸೆಂಟರ್ಗೆ ಕೊಟ್ಟಿದ್ದಳು. ಆಕೆಯ ಫೋನ್ ರಿಪೇರಿ ಮಾಡುತ್ತಿದ್ದ ಇಬ್ಬರು ಟೆಕ್ನಿಷಿಯನ್ಗಳು, ಅದರಲ್ಲಿದ್ದ ವಿದ್ಯಾರ್ಥಿನಿಯ ಬೆತ್ತಲೆ ಫೋಟೋಗಳು, ಸೆಕ್ಸ್ ವಿಡಿಯೋಗಳನ್ನು ಆಕೆಯದ್ದೇ ಫೇಸ್ಬುಕ್ ಅಕೌಂಟ್ನಲ್ಲಿ ಪೋಸ್ಟ್ ಮಾಡಿದ್ದರು. ಈ ವಿಷಯ ಆ ವಿದ್ಯಾರ್ಥಿನಿಗೆ ಅವಳ ಸ್ನೇಹಿತರಿಂದ ಗೊತ್ತಾಯಿತು. ನಂತರ ಫೇಸ್ಬುಕ್ ಅಕೌಂಟ್ನಿಂದ ವಿಡಿಯೋ, ಫೋಟೋಗಳನ್ನು ಡಿಲೀಟ್ ಮಾಡಲಾಗಿದ್ದರೂ, ವಿದ್ಯಾರ್ಥಿನಿ ಕಾನೂನು ಹೋರಾಟ ಶುರು ಮಾಡಿದ್ದಳು.
ಯುವತಿಯ ಪರ ವಕೀಲರು ಹಲವು ಮಿಲಿಯನ್ ಡಾಲರ್ಗಳಷ್ಟು ಮೊತ್ತದ ಮಾನನಷ್ಟ ಮೊಕದ್ದಮೆಯನ್ನೂ ಈ ಐಫೋನ್ ರಿಪೇರಿ ಸೆಂಟರ್ ವಿರುದ್ಧ ಹೂಡಿದ್ದರು. ಇಲ್ಲಿ ಮೊತ್ತವನ್ನು ಉಲ್ಲೇಖಿಸಿಲ್ಲ. ಅದರ ಬದಲಿಗೆ ಮಲ್ಟಿ ಮಿಲಿಯನ್ ಎಂದು ಉಲ್ಲೇಖಿಸಲಾಗಿದೆ ಎಂದು ಟೆಲಿಗ್ರಾಫ್ ವರದಿ ಮಾಡಿದೆ. ಇದು ಗೌಪ್ಯತೆಯ ಉಲ್ಲಂಘನೆ ಎಂದು ಒಪ್ಪಿಕೊಂಡಿರುವ ಆ್ಯಪಲ್, ಆ ಯುವತಿಗೆ ಇದರಿಂದ ತೀವ್ರವಾದ ಅವಮಾನ, ಮಾನಸಿಕ ಹಿಂಸೆ ಆಗುತ್ತದೆ ಎಂಬುದನ್ನೂ ಒಪ್ಪಿಕೊಂಡಿದೆ. ಇದೀಗ ಮೊಕದ್ದಮೆಯಲ್ಲಿ ಹೇಳಲಾದಷ್ಟು ಹಣವನ್ನು ಯುವತಿಗೆ ಪಾವತಿಸಿದೆ.
ಇದನ್ನೂ ಓದಿ: ಲಾಕ್ಡೌನ್ ಜಾರಿ ಆದಾಗಿನಿಂದಲೂ ಐಸಿಯುನಲ್ಲೇ ಇದ್ದ ಖ್ಯಾತ ಕಿರುತೆರೆ ನಟ
iPhone service centre post the students nude Photo, videos on Facebook in california
Published On - 4:52 pm, Mon, 7 June 21
