TATA Cars: ಟಾಟಾ ಕಾರುಗಳ ಮೇಲೆ ಬಂಪರ್ ಡಿಸ್ಕೌಂಟ್: ಹೊಸ ವಾಹನ ಬೇಕಿದ್ದರೆ ಈ ಆಫರ್ ಗಮನಿಸಿ

ಹಬ್ಬದ ಸೀಸನ್ ಸಮೀಪಿಸುತ್ತಿದ್ದಂತೆ, ಟಾಟಾ ಮೋಟಾರ್ಸ್ ವಾಹನಗಳ ಮೇಲೆ ಬಂಪರ್ ಡಿಸ್ಕೌಂಟ್‌ಗಳನ್ನು ಘೋಷಿಸಿದೆ. ನೀವು ಸಹ ಟಾಟಾ ಕಂಪನಿಯಿಂದ ಹೊಸ ಕಾರನ್ನು ಖರೀದಿಸಲು ಯೋಜಿಸುತ್ತಿದ್ದರೆ, ಈ ಕಾರುಗಳ ಮೇಲೆ ಲಕ್ಷ ರೂಪಾಯಿಗಳನ್ನು ಉಳಿಸಲು ನಿಮಗೆ ಉತ್ತಮ ಅವಕಾಶವಿದೆ. ಟಾಟಾ ಮೋಟಾರ್ಸ್​ನ ಟಾಟಾ ಟಿಯಾಗೊ, ಟಾಟಾ ಆಲ್ಟ್ರೋಜ್, ಟಾಟಾ ಪಂಚ್, ಟಾಟಾ ನೆಕ್ಸಾನ್, ಟಾಟಾ ಸಫಾರಿ ಮತ್ತು ಟಾಟಾ ಹ್ಯಾರಿಯರ್ ಮಾದರಿಗಳ ಮೇಲೆ 1 ಲಕ್ಷ 33 ಸಾವಿರ ರೂಪಾಯಿಗಳ ರಿಯಾಯಿತಿಯನ್ನು ನೀಡುತ್ತಿದೆ.

XE ಹೊರತುಪಡಿಸಿ, ಕಂಪನಿಯು ಟಾಟಾ ಆಲ್ಟ್ರೊಜ್‌ನ ಸ್ಪೋರ್ಟಿ ಲುಕಿಂಗ್ ರೇಸರ್ ರೂಪಾಂತರದ ಮೇಲೆ ರೂ 50 ಸಾವಿರದವರೆಗೆ ರಿಯಾಯಿತಿ ನೀಡುತ್ತಿದೆ, ಇದರಲ್ಲಿ ಎಕ್ಸ್‌ಚೇಂಜ್ ಆಫರ್, ಕಾರ್ಪೊರೇಟ್ ಮತ್ತು ಹೆಚ್ಚುವರಿ ರಿಯಾಯಿತಿಗಳು ಸೇರಿವೆ.

ಟಾಟಾ ಪಂಚ್ ಮತ್ತು ಟಾಟಾ ನೆಕ್ಸನ್ ಮೇಲೆ ರಿಯಾಯಿತಿ

ಈ ಜನಪ್ರಿಯ ಟಾಟಾ SUV ಪೆಟ್ರೋಲ್ ರೂಪಾಂತರದ ಮೇಲೆ ರೂ 20,000 ಮತ್ತು CNG ರೂಪಾಂತರದ ಮೇಲೆ ರೂ 15,000 ವರೆಗೆ ನಗದು ರಿಯಾಯಿತಿಯನ್ನು ನೀಡಲಾಗಿದೆ. ಟಾಟಾ ಪಂಚ್ 2023 ಪೆಟ್ರೋಲ್ ಮತ್ತು ಸಿಎನ್‌ಜಿ ರೂಪಾಂತರಗಳು ಕ್ರಮವಾಗಿ ರೂ 18 ಸಾವಿರ ಮತ್ತು ರೂ 15 ಸಾವಿರದವರೆಗೆ ರಿಯಾಯಿತಿಯನ್ನು ಪಡೆಯಬಹುದು. ಮತ್ತೊಂದೆಡೆ, ನೆಕ್ಸಾನ್ ಎಸ್‌ಯುವಿಯ ಸ್ಟ್ಯಾಂಡರ್ಡ್ 2024 ಮಾದರಿಯಲ್ಲಿ ರೂ. 20 ಸಾವಿರದವರೆಗೆ ಮತ್ತು ಫಿಯರ್‌ಲೆಸ್ ಶ್ರೇಣಿಯ ಮೇಲೆ ರೂ. 35 ಸಾವಿರದವರೆಗೆ ರಿಯಾಯಿತಿ ಲಭ್ಯವಿದೆ. 2023ರ ಮಾಡೆಲ್ ಬಗ್ಗೆ ಮಾತನಾಡುವುದಾದರೆ, ಪೆಟ್ರೋಲ್ ವೇರಿಯಂಟ್ ಮೇಲೆ 95 ಸಾವಿರ ಮತ್ತು ಡೀಸೆಲ್ ವೇರಿಯಂಟ್ ಮೇಲೆ 85 ಸಾವಿರದವರೆಗೆ ಉಳಿಸುವ ಅವಕಾಶವಿದೆ.

ಇದನ್ನೂ ಓದಿ:

ಟಾಟಾ ಸಫಾರಿ ಮತ್ತು ಟಾಟಾ ಹ್ಯಾರಿಯರ್ ಮೇಲೆ ಎಷ್ಟು ರಿಯಾಯಿತಿ?

ಟಾಟಾ ಸಫಾರಿಯ 2024 ಮಾಡೆಲ್‌ನಲ್ಲಿ 50 ಸಾವಿರ ರೂಪಾಯಿಗಳ ರಿಯಾಯಿತಿಯನ್ನು ಪಡೆಯಬಹುದು. ಈ ಕಾರಿನ ಕಳೆದ ವರ್ಷದ ರೂಪಾಂತರಗಳ ಮೇಲೆ 1 ಲಕ್ಷದ 33 ಸಾವಿರದವರೆಗೆ ರಿಯಾಯಿತಿಯನ್ನು ಪಡೆಯಬಹುದು. ಮತ್ತೊಂದೆಡೆ, ನೀವು ಪೂರ್ಣ ಗಾತ್ರದ SUV ಹ್ಯಾರಿಯರ್‌ನ 2023 ಮಾಡೆಲ್ ಅನ್ನು ಖರೀದಿಸಿದರೆ, ನಿಮಗೆ ಕಂಪನಿಯಿಂದ 1 ಲಕ್ಷ 33 ಸಾವಿರ ರೂಪಾಯಿ ರಿಯಾಯಿತಿ ಸಿಗುತ್ತದೆ.

ಆಟೋಮೊಬೈಲ್​​ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​​ ಮಾಡಿ