ನೆಕ್ಸಾನ್ ಇವಿ, ಟಿಗೋರ್ ಇವಿ ಮತ್ತು ಟಿಯಾಗೋ ಇವಿ ಕಾರುಗಳ ಮೇಲೆ ಸಖತ್ ಆಫರ್

ವರ್ಷಾಂತ್ಯದಲ್ಲಿ ಹಲವು ಕಾರು ಕಂಪನಿಗಳು ಗ್ರಾಹಕರಿಗೆ ಅತ್ಯುತ್ತಮ ಆಫರ್ ಘೋಷಣೆ ಮಾಡಿದ್ದು, ಟಾಟಾ ಮೋಟಾರ್ಸ್ (Tata Motors) ಕಂಪನಿಯು ಸಹ ತನ್ನ ಜನಪ್ರಿಯ ಎಲೆಕ್ಟ್ರಿಕ್ ಕಾರುಗಳ ಖರೀದಿ ಮೇಲೂ ಆಫರ್ ನೀಡುತ್ತಿದೆ. ಟಾಟಾ ಕಂಪನಿಯ ಇಯರ್ ಎಂಡ್ ಆಫರ್ ಗಳಲ್ಲಿ ಗ್ರಾಹಕರಿಗೆ ಕ್ಯಾಶ್ ಡಿಸ್ಕೌಂಟ್, ಎಕ್ಸ್ ಚೆಂಜ್ ಮತ್ತು ಕಾರ್ಪೊರೇಟ್ ಡಿಸ್ಕೌಂಟ್ ನೀಡುತ್ತಿದೆ.

ಹೊಸ ಆಫರ್ ಗಳಲ್ಲಿ ಟಾಟಾ ಮೋಟಾರ್ಸ್ ಕಂಪನಿಯು ಟಿಯಾಗೋ ಇವಿ ಕಾರಿನ ಮೇಲೆ ಒಟ್ಟು ರೂ. 77 ಸಾವಿರ ಮೌಲ್ಯದ ಆಫರ್ ನೀಡುತ್ತಿದ್ದು, ಇದರಲ್ಲಿ ರೂ. 15 ಸಾವಿರ ಮೌಲ್ಯದ ಎಕ್ಸ್ ಚೆಂಜ್, ರೂ. 55 ಸಾವಿರ ಮೌಲ್ಯದ ಗ್ರೀನ್ ಬೋನಸ್ ಮತ್ತು ರೂ. 7 ಸಾವಿರ ಮೌಲ್ಯದ ಕಾರ್ಪೊರೇಟ್ ಡಿಸ್ಕೌಂಟ್ ಪಡೆದುಕೊಳ್ಳಬಹುದಾಗಿದೆ. ಸದ್ಯ ಮಾರುಕಟ್ಟೆಯಲ್ಲಿ ಟಿಯಾಗೋ ಇವಿ ಕಾರು ಎಕ್ಸ್ ಶೋರೂಂ ಪ್ರಕಾರ ರೂ. 8.69 ಲಕ್ಷದಿಂದ ರೂ. 12.49 ಲಕ್ಷ ಬೆಲೆ ಹೊಂದಿದ್ದು, 26kWh ಲೀಥಿಯಂ ಅಯಾನ್ ಬ್ಯಾಟರಿ ಪ್ಯಾಕ್ ಮೂಲಕ ಪ್ರತಿ ಚಾರ್ಜ್ ಗೆ ಗರಿಷ್ಠ 315 ಕಿ.ಮೀ ಮೈಲೇಜ್ ನೀಡುತ್ತದೆ.

ಟಾಟಾ ಮೋಟಾರ್ಸ್ ಕಂಪನಿಯು ಟಿಯಾಗೋ ನಂತರ ಟಿಗೋರ್ ಇವಿ ಕಾರಿನ ಮೇಲೆ ರೂ. 1.10 ಲಕ್ಷ ಮೌಲ್ಯದ ಆಫರ್ ನೀಡುತ್ತಿದೆ. ಇದರಲ್ಲಿ ಗ್ರಾಹಕರು ರೂ. 50 ಸಾವಿರ ತನಕ ಕ್ಯಾಶ್ ಡಿಸ್ಕೌಂಟ್, ರೂ. 50 ಸಾವಿರ ಮೌಲ್ಯದ ಎಕ್ಸ್ ಚೆಂಜ್ ಆಫರ್ ಮತ್ತು ರೂ. 10 ಸಾವಿರ ಮೌಲ್ಯದ ಕಾರ್ಪೊರೇಟ್ ಡಿಸ್ಕೌಂಟ್ ಪಡೆದುಕೊಳ್ಳಬಹುದಾಗಿದ್ದು, ಇದು ಎಕ್ಸ್ ಶೋರೂಂ ಪ್ರಕಾರ ರೂ. 12.49 ಲಕ್ಷದಿಂದ ರೂ. 13.75 ಲಕ್ಷ ಬೆಲೆ ಹೊಂದಿದೆ.

ಇದನ್ನೂ ಓದಿ: ಇವಿಎಕ್ಸ್ ಎಲೆಕ್ಟ್ರಿಕ್ ಬಿಡುಗಡೆ ಮಾಹಿತಿ ಹಂಚಿಕೊಂಡ ಮಾರುತಿ ಸುಜುಕಿ

ಟಿಗೋರ್, ಟಿಯಾಗೋ ನಂತರ ನೆಕ್ಸಾನ್ ಇವಿ ಕಾರಿನ ಮೇಲೆ ಟಾಟಾ ಮೋಟಾರ್ಸ್ ಕಂಪನಿಯು ರೂ. 2.60 ಲಕ್ಷದ ಆಫರ್ ನೀಡುತ್ತಿದೆ. ನೆಕ್ಸಾನ್ ಇವಿ ಕಾರಿನ ಮ್ಯಾಕ್ಸ್ ವೆರಿಯೆಂಟ್ ಮೇಲೆ ಈ ಆಫರ್ ಲಭ್ಯವಿದ್ದು, ಇವು 2023ರ ಮಾದರಿಯಾಗಿವೆ. ಇತ್ತೀಚೆಗೆ ಬಿಡುಗಡೆಯಾದ ನೆಕ್ಸಾನ್ ಇವಿ ಮೇಲೆ ಯಾವುದೇ ರೀತಿಯ ಆಫರ್ ಘೋಷಣೆ ಮಾಡಿಲ್ಲವಾದರೂ ಹಳೆಯ ನೆಕ್ಸಾನ್ ಇವಿ ಕಾರಿನ ಮ್ಯಾಕ್ಸ್ ಮತ್ತು ಫ್ರೈಮ್ ಎರಡು ವೆರಿಯೆಂಟ್ ಗಳ ಮೇಲೂ ಅತ್ಯುತ್ತಮ ಆಫರ್ ಪಡೆಯಬಹುದಾಗಿದೆ.

ನೆಕ್ಸಾನ್ ಇವಿ ಕಾರಿನ ಹೊಸ ಆಫರ್ ಗಳಲ್ಲಿ ಗ್ರಾಹಕರು ಮ್ಯಾಕ್ಸ್ ವೆರಿಯೆಂಟ್ ಗಳ ಮೇಲೆ ರೂ. 2.10 ಲಕ್ಷ ಕ್ಯಾಶ್ ಡಿಸ್ಕೌಂಟ್ ಮತ್ತು ರೂ. 50 ಸಾವಿರ ಎಕ್ಸ್ ಚೆಂಜ್ ಆಫರ್ ಪಡೆದುಕೊಳ್ಳಬಹುದಾಗಿದ್ದರೆ ಫ್ರೈಮ್ ವೆರಿಯೆಂಟ್ ಗಳ ಖರೀದಿ ಮೇಲೆ ರೂ. 1.40 ಲಕ್ಷ ಕ್ಯಾಶ್ ಡಿಸ್ಕೌಂಟ್ ಮತ್ತು ರೂ. 50 ಸಾವಿರ ಎಕ್ಸ್ ಚೆಂಜ್ ಆಫರ್ ಲಭ್ಯವಿದೆ. ಜೊತೆಗೆ ಹೊಸ ನೆಕ್ಸಾನ್ ಇವಿ ಫೇಸ್ ಲಿಫ್ಟ್ ಕಾರಿನ ಖರೀದಿ ಮೇಲೂ ಕೆಲವು ಆಫರ್ ನೀಡಲಾಗಿದ್ದು, ಹೊಸ ಕಾರಿನ ಫಿಯರ್ ಲೆಸ್, ಫಿಯರ್ ಲೆಸ್ ಪ್ಲಸ್ ಎಸ್ ವೆರಿಯೆಂಟ್ ಗಳ ಖರೀದಿಯಲ್ಲಿ ಮಾತ್ರ ರೂ. 35 ಸಾವಿರ ಮೌಲ್ಯ ವಿವಿಧ ಕೊಡುಗೆಗಗಳನ್ನು ಪಡೆದುಕೊಳ್ಳಬಹುದಾಗಿದೆ.

ಇದನ್ನೂ ಓದಿ: ಭಾರತದ ಜನಪ್ರಿಯ ಎಸ್ ಯುವಿ ಕಾರು ಖರೀದಿಸಿದ ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗನ ಪುತ್ರಿ

ಇನ್ನು ಪ್ರಸ್ತುತ ಮಾರುಕಟ್ಟೆಯಲ್ಲಿನ ಇವಿ ಕಾರು ಮಾರಾಟದಲ್ಲಿ ಅಗ್ರಸ್ಥಾನ ಕಾಯ್ದುಕೊಂಡಿರುವ ಟಾಟಾ ಮೋಟಾರ್ಸ್ ಕಂಪನಿಯು ಶೀಘ್ರದಲ್ಲಿಯೇ ಮತ್ತಷ್ಟು ಇವಿ ಕಾರುಗಳನ್ನು ಬಿಡುಗಡೆ ಮಾಡುವ ಯೋಜನೆಯಲ್ಲಿದ್ದು, ಹೊಸ ಇವಿ ಕಾರುಗಳು ಸುಧಾರಿತ ತಂತ್ರಜ್ಞಾನ, ಆಕರ್ಷಕ ಬೆಲೆಗಳು ಮತ್ತು ಭರ್ಜರಿ ಮೈಲೇಜ್ ಮೂಲಕ ಮಾರುಕಟ್ಟೆಯಲ್ಲಿ ಹೊಸ ಸಂಚಲನ ಮೂಡಿಸಲಿವೆ.