ಹಬ್ಬದ ಸೀಸನ್ ಅಕ್ಟೋಬರ್ 2023ರಲ್ಲಿ ಬ್ಯಾಂಕುಗಳಿಗೆ 15 ದಿನ ರಜೆ; ಕರ್ನಾಟಕದಲ್ಲಿ ಯಾವ್ಯಾವತ್ತು ಬ್ಯಾಂಕ್ ಬಂದ್? ಇಲ್ಲಿದೆ ವಿವರ

Bank Holidays In 2023 October, November, December: ಆರ್ಬಿಐ ವೇಳಾಪಟ್ಟಿ ಪ್ರಕಾರ ಭಾರತದ ವಿವಿಧೆಡೆ ಗಾಂಧಿ ಜಯಂತಿ ಸೇರಿದಂತೆ ಅಕ್ಟೋಬರ್ ತಿಂಗಳಲ್ಲಿ 15 ದಿನಗಳು ಬ್ಯಾಂಕುಗಳಿಗೆ ರಜೆ ಇದೆ. ಆದರೆ ಎಲ್ಲಾ ಬ್ಯಾಂಕುಗಳಿಗೂ 15 ದಿನ ಇರೊಲ್ಲ. ಒಂದೊಂದು ಪ್ರದೇಶದಲ್ಲಿ ರಜಾ ದಿನಗಳು ವ್ಯತ್ಯಾಸವಾಗುತ್ತದೆ. ಕರ್ನಾಟಕದಲ್ಲಿ ಶನಿವಾರ ಮತ್ತು ಭಾನುವಾರ ಸೇರಿ 10 ದಿನಗಳ ಕಾಲ ರಜೆ ಇದೆ. ನವೆಂಬರ್ನಲ್ಲಿ ಕರ್ನಾಟಕದಲ್ಲಿ ಬರೋಬ್ಬರಿ 12 ದಿನಗಳ ಕಾಲ ರಜೆ ಇದೆ.

ಬ್ಯಾಂಕ್ ರಜೆ

ಸುಗ್ಗನಹಳ್ಳಿ ವಿಜಯಸಾರಥಿ |
Updated on: Sep 27, 2023 | 12:00 PM

ನವದೆಹಲಿ, ಸೆಪ್ಟೆಂಬರ್ 27: ಸೆಪ್ಟೆಂಬರ್ನಿಂದ ನವೆಂಬರ್ವರೆಗೆ ಮೂರು ತಿಂಗಳು ಭಾರತದಲ್ಲಿ ಹಬ್ಬದ ಸೀಸನ್. ಈಗ ಸೆಪ್ಟೆಂಬರ್ ಮುಗಿಯುತ್ತಿದ್ದು ಅಕ್ಟೋಬರ್ ಶುರುವಾಗುತ್ತಿದೆ. ಈ ತಿಂಗಳು ದಸರಾ ಹಬ್ಬದ (dasara festival) ಸಡಗರ. ಶಾಲಾ ಕಾಲೇಜುಗಳಲ್ಲಿ ದಸರಾ ರಜೆ. ಬ್ಯಾಂಕುಗಳಿಗೂ ಸ್ವಲ್ಪ ಹೆಚ್ಚೇ ರಜೆಗಳು ಅಕ್ಟೋಬರ್ ಮತ್ತು ನವೆಂಬರ್ನಲ್ಲಿ ಇವೆ. ಆರ್ಬಿಐ ವೇಳಾಪಟ್ಟಿ (RBI holiday schedule) ಪ್ರಕಾರ ಗಾಂಧಿ ಜಯಂತಿ ಸೇರಿದಂತೆ ಅಕ್ಟೋಬರ್ ತಿಂಗಳಲ್ಲಿ 15 ದಿನಗಳು ಬ್ಯಾಂಕುಗಳಿಗೆ ರಜೆ ಇದೆ. ಆದರೆ ಎಲ್ಲಾ ಬ್ಯಾಂಕುಗಳಿಗೂ 15 ದಿನ ಇರೊಲ್ಲ. ಒಂದೊಂದು ಪ್ರದೇಶದಲ್ಲಿ ರಜಾ ದಿನಗಳು ವ್ಯತ್ಯಾಸವಾಗುತ್ತದೆ. ಕರ್ನಾಟಕದಲ್ಲಿ ಶನಿವಾರ ಮತ್ತು ಭಾನುವಾರ ಸೇರಿ 10 ದಿನಗಳ ಕಾಲ ರಜೆ ಇದೆ. ನವೆಂಬರ್ನಲ್ಲಿ ರಾಜ್ಯದಲ್ಲಿ ರಜಾ ದಿನಗಳ ಸಂಖ್ಯೆ ಇನ್ನೂ ಎರಡು ಹೆಚ್ಚು.

ಅಕ್ಟೋಬರ್ 2023ರಲ್ಲಿ ಬ್ಯಾಂಕ್ ರಜಾ ದಿನಗಳು

ಅಕ್ಟೋಬರ್ 1: ಭಾನುವಾರ
ಅಕ್ಟೋಬರ್ 2: ಗಾಂಧಿ ಜಯಂತಿ
ಅಕ್ಟೋಬರ್ 8: ಭಾನುವಾರ
ಅಕ್ಟೋಬರ್ 12: ನರಕ ಚತುರ್ದಶಿ
ಅಕ್ಟೋಬರ್ 14: ಎರಡನೇ ಶನಿವಾರ ಮತ್ತು ಮಹಾಲಯ ಅಮಾವಾಸ್ಯ (ಕರ್ನಾಟಕ, ಒಡಿಶಾ, ತ್ರಿಪುರಾ ಮತ್ತು ಪಶ್ಚಿಮ ಬಂಗಾಳದಲ್ಲಿ ರಜೆ)
ಅಕ್ಟೋಬರ್ 15: ಭಾನುವಾರ (ಘಟಸ್ಥಾಪನಾ)
ಅಕ್ಟೋಬರ್ 18: ಕಾಟಿ ಭಿಯು (ಅಸ್ಸಾಮ್)
ಅಕ್ಟೋಬರ್ 19: ಸಂವತ್ಸರಿ ಉತ್ಸವ (ಗುಜರಾತ್)
ಅಕ್ಟೋಬರ್ 21: ದುರ್ಗಾ ಪೂಜಾ, ಮಹಾಸಪ್ತಮಿ
ಅಕ್ಟೋಬರ್ 22: ಭಾನುವಾರ
ಅಕ್ಟೋಬರ್ 23: ಮಹಾನವಮಿ (ಆಯುಧ ಪೂಜೆ)
ಅಕ್ಟೋಬರ್ 24: ವಿಜಯದಶಮಿ
ಅಕ್ಟೋಬರ್ 28: ನಾಲ್ಕನೇ ಶನಿವಾರ
ಅಕ್ಟೋಬರ್ 29: ಭಾನುವಾರ
ಅಕ್ಟೋಬರ್ 31: ಸರ್ದಾರ್ ವಲ್ಲಭಭಾಯ್ ಪಟೇಲ್ (ಗುಜರಾತ್ನಲ್ಲಿ ರಜೆ)

ಇದನ್ನೂ ಓದಿ: Google 25th Birthday:: ಗೂಗಲ್ ಜನ್ಮದಿನ ಇಂದು; ಗೂಗಲ್ ಹೆಸರಿನ ಅರ್ಥ ಏನು? ಗ್ಯಾರೇಜ್ನಿಂದ ಶುರುವಾಗಿ ಇವತ್ತದು ಎಷ್ಟು ಅಗಾಧವಾಗಿ ಬೆಳೆದಿದೆ ನೋಡಿ..!

ಕರ್ನಾಟಕದಲ್ಲಿ ಅಕ್ಟೋಬರ್ 2023ರಲ್ಲಿ ಬ್ಯಾಂಕ್ ರಜೆ ಇರುವ ದಿನಗಳು

ಅಕ್ಟೋಬರ್ 1: ಭಾನುವಾರ
ಅಕ್ಟೋಬರ್ 2: ಗಾಂಧಿ ಜಯಂತಿ
ಅಕ್ಟೋಬರ್ 8: ಭಾನುವಾರ
ಅಕ್ಟೋಬರ್ 14: ಎರಡನೇ ಶನಿವಾರ ಮತ್ತು ಮಹಾಲಯ ಅಮಾವಾಸ್ಯ
ಅಕ್ಟೋಬರ್ 15: ಭಾನುವಾರ
ಅಕ್ಟೋಬರ್ 22: ಭಾನುವಾರ
ಅಕ್ಟೋಬರ್ 23: ಮಹಾನವಮಿ
ಅಕ್ಟೋಬರ್ 24: ವಿಜಯದಶಮಿ
ಅಕ್ಟೋಬರ್ 28: ನಾಲ್ಕನೇ ಶನಿವಾರ, ವಾಲ್ಮೀಕಿ ಜಯಂತಿ
ಅಕ್ಟೋಬರ್ 29: ಭಾನುವಾರ

ಇದನ್ನೂ ಓದಿ: ಸೆಪ್ಟೆಂಬರ್ 30ರವರೆಗೂ ಡೆಡ್ಲೈನ್ ಇರುವ ಹಣಕಾಸು ಕಾರ್ಯಗಳಿವು; ತಪ್ಪದೇ ಮಾಡಿ

2023ರ ನವೆಂಬರ್ ಮತ್ತು ಡಿಸೆಂಬರ್ನಲ್ಲಿರುವ ಸಾರ್ವತ್ರಿಕ ರಜೆಗಳು

ಕರ್ನಾಟಕದಲ್ಲಿ ಭಾನುವಾರ ಹೊರತುಪಡಿಸಿ ಬ್ಯಾಂಕುಗಳಿಗೆ ಇರುವ ಇತರ ಸಾರ್ವತ್ರಿಕ ರಜೆಗಳ ವಿವರ ಇಂತಿದೆ…

ನವೆಂಬರ್ 1: ಕನ್ನಡ ರಾಜ್ಯೋತ್ಸವ
ನವೆಂಬರ್ 11: ಎರಡನೇ ಶನಿವಾರ
ನವೆಂಬರ್ 12: ದೀಪಾವಳಿ
ನವೆಂಬರ್ 25: ನಾಲ್ಕನೇ ಶನಿವಾರ
ನವೆಂಬರ್ 30: ಕನಕದಾಸ ಜಯಂತಿ
ಡಿಸೆಂಬರ್ 9: ಎರಡನೇ ಶನಿವಾರ
ಡಿಸೆಂಬರ್ 23: ನಾಲ್ಕನೇ ಶನಿವಾರ
ಡಿಸೆಂಬರ್ 25: ಕ್ರಿಸ್ಮಸ್ ಹಬ್ಬ

ಇದೇ ವೇಳೆ, ಸೆಪ್ಟೆಂಬರ್ 27 ಮತ್ತು 28ರಂದು ದೇಶಾದ್ಯಂತ ಈದ್ ಮಿಲಾದ್ ಹಬ್ಬ ಆಚರಿಸಲಾಗುತ್ತಿದೆ. ಇದರಲ್ಲಿ ಸೆಪ್ಟೆಂಬರ್ 28ರಂದು ಭಾರತದ ಬಹುತೇಕ ಕಡೆ ಸಾರ್ವತ್ರಿಕ ರಜೆ ಇರುತ್ತದೆ. ಕರ್ನಾಟಕದಲ್ಲೂ ಸೆಪ್ಟೆಂಬರ್ 28ರಂದು ಈದ್ ಮಿಲಾದ್ ಪ್ರಯುಕ್ತ ರಜೆ ಇರುತ್ತದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

LIVETV

Vijaya Sarathy SN

ಹುಟ್ಟೂರು ಹಾಸನ ಜಿಲ್ಲೆಯ ಶ್ರವಣಬೆಳಗೊಳ ಸಮೀಪದ ಒಂದು ಪುಟ್ಟ ಹಳ್ಳಿ. ಬೆಳದದ್ದು ಬೆಂಗಳೂರು ನಗರದಲ್ಲಿ. ಹಲವು ವರ್ಷಗಳಿಂದ ಪತ್ರಿಕಾ ರಂಗದಲ್ಲಿ ನೆಲೆ. ಬರವಣಿಗೆಯ ಆಸಕ್ತಿ ಮತ್ತು ಪರಿಣಿತಿಯ ಕ್ಷೇತ್ರಗಳು ಆರ್ಥಿಕತೆ, ಹಣಕಾಸು, ಅಂತರರಾಷ್ಟ್ರೀಯ ವಿದ್ಯಮಾನ, ಜನಕ್ರಾಂತಿ, ರಾಷ್ಟ್ರೀಯತೆ, ಸಂಸ್ಕೃತಿ, ಮಾನವ ಸಂಬಂಧ, ಕ್ರೀಡೆ ಮೊದಲಾದವು ಇವೆ. ಓದುಗರಿಗೆ ಸುಲಭವಾಗಿ ಅರ್ಥವಾಗುವಂತೆ ಸಾಧ್ಯವಾದಷ್ಟೂ ಸ್ಫುಟವಾಗಿ, ಸರಳವಾಗಿ ಬರೆಯುವ ಇಚ್ಛೆ.