Airtel New Offers: ಏರ್​​ಟೆಲ್​​ನಿಂದ ಎರಡು ಪ್ರಿಪೇಯ್ಡ್ ಪ್ಲಾನ್; ಸಿಗಲಿದೆ ಭರ್ಜರಿ ಡೇಟಾ, ಇಲ್ಲಿದೆ ಮತ್ತಷ್ಟು ವಿವರ

ಭಾರ್ತಿ ಏರ್​ಟೆಲ್ (Bharti Airtel) ಎರಡು ಹೊಸ ಪ್ರಿಪೇಯ್ಡ್ ಪ್ಲಾನ್ (prepaid plans) ಘೋಷಿಸಿದ್ದು, ಗ್ರಾಹಕರಿಗೆ ಹೆಚ್ಚಿನ ಡೇಟಾ, ಅನಿಯಮಿತ ಕರೆ ಹಾಗೂ ಇತರ ಹಲವು ಸೌಲಭ್ಯಗಳು ದೊರೆಯಲಿವೆ. ವಿಶೇಷವೆಂದರೆ ಈ ಬಾರಿ ಪ್ರಿಪೇಯ್ಡ್ ಪ್ಲಾನ್ ಮತ್ತು ಪೋಸ್ಟ್ ಪೇಯ್ಡ್ ಪ್ಲಾನ್​ಗಳ ನಡುವಣ ದರ ವ್ಯತ್ಯಾಸವನ್ನು ಕಡಿಮೆ ಮಾಡಲಾಗಿದೆ. ಹೊಸ ಪ್ಲಾನ್​ ಅಡಿಯಲ್ಲಿ ತಿಂಗಳಿಗೆ 60 ಜಿಬಿವರೆಗೆ ಡೇಟಾ ದೊರೆಯಲಿದೆ. ಕೆಲವು ದಿನಗಳ ಹಿಂದಷ್ಟೇ ಕರ್ನಾಟಕ ಸೇರಿದಂತೆ 8 ಕಡೆಗಳಲ್ಲಿ ತಿಂಗಳ ಕನಿಷ್ಠ ರಿಚಾರ್ಜ್ ದರದಲ್ಲಿ ಶೇ 57ರಷ್ಟು ಹೆಚ್ಚಳ ಮಾಡಿದ್ದ ಏರ್​ಟೆಲ್, 155 ರೂ. ನಿಗದಿ ಮಾಡಿತ್ತು. ಇದೀಗ ಹೊಸದಾಗಿ ಘೋಷಿಸಿರುವ ಎರಡು ಪ್ರಿಪೇಯ್ಡ್ ಯೋಜನೆಗಳ ವಿವರ ಇಲ್ಲಿ ನೀಡಲಾಗಿದೆ.

ಏರ್​​ಟೆಲ್ 489 ರೂ. ಪ್ಲಾನ್

489 ರೂ. ಪ್ರಿಪೇಯ್ಡ್ ಪ್ಲಾನ್ ಅನ್ನು ಏರ್​ಟೆಲ್ ಪರಿಚಯಿಸಿದೆ. ಇದರಲ್ಲಿ ಅನಿಯಮಿತ ಸ್ಥಳೀಯ, ಎಸ್​ಟಿಡಿ ಹಾಗೂ ರೋಮಿಂಗ್​ ಕರೆ ಸೌಲಭ್ಯ ನೀಡಲಾಗಿದೆ. ಜತೆಗೆ 30 ದಿನಗಳ ವ್ಯಾಲಿಡಿಟಿಯೊಂದಿಗೆ 300 ಉಚಿತ ಎಸ್​ಎಂಎಸ್​​ ಮಾಡಬಹುದಾಗಿದೆ. 50 ಜಿಬಿ ಡೇಟಾ ದೊರೆಯಲಿದೆ. ಹೆಚ್ಚುವರಿಯಾಗಿ ಉಚಿತ ವಿಂಕ್ ಮ್ಯೂಸಿಕ್ ಸಬ್​ಸ್ಕ್ರಿಪ್ಷನ್, ಉಚಿತ ಹಲೋ ಟ್ಯೂನ್ಸ್, ಅಪೋಲೊ 24 by 7 ಸರ್ಕಲ್ ಮತ್ತು ಫಾಸ್ಟ್​​ಟ್ಯಾಗ್ ರಿಚಾರ್ಜ್​ಗೆ ಕ್ಯಾಶ್​​​ಬ್ಯಾಕ್ ಆಯ್ಕೆಯನ್ನೂ ನೀಡಿದೆ.

ಏರ್​​ಟೆಲ್ 509 ರೂ. ಪ್ಲಾನ್

ಏರ್​ಟೆಲ್ ಪರಿಚಯಿಸಿರುವ ಮತ್ತೊಂದು ಪ್ಲಾನ್ 509 ರೂ.ನದ್ದು. ಇದರಲ್ಲಿ ಅನಿಯಮಿತ ಸ್ಥಳೀಯ, ಎಸ್​ಟಿಡಿ ಹಾಗೂ ರೋಮಿಂಗ್​ ಕರೆ ಸೌಲಭ್ಯ ನೀಡಲಾಗಿದೆ. ಈ ಪ್ಲಾನ್​ಗೆ 30 ದಿನಗಳ ವ್ಯಾಲಿಡಿಟಿ ಇದೆ. 300 ಉಚಿತ ಎಸ್​ಎಂಎಸ್ ಹಾಗೂ 60 ಜಿಬಿ ಡೇಟಾ ದೊರೆಯಲಿದೆ. ಹೆಚ್ಚುವರಿಯಾಗಿ ಉಚಿತ ವಿಂಕ್ ಮ್ಯೂಸಿಕ್ ಸಬ್​ಸ್ಕ್ರಿಪ್ಷನ್, ಉಚಿತ ಹಲೋ ಟ್ಯೂನ್ಸ್, ಅಪೋಲೊ 24 by 7 ಸರ್ಕಲ್ ಮತ್ತು ಫಾಸ್ಟ್​​ಟ್ಯಾಗ್ ರಿಚಾರ್ಜ್​ಗೆ ಕ್ಯಾಶ್​​​ಬ್ಯಾಕ್ ಆಯ್ಕೆ ಈ ಪ್ಲಾನ್​ನಲ್ಲೂ ಲಭ್ಯವಿದೆ.

ಇದನ್ನೂ ಓದಿ: Airtel Recharge Price Hike: ಕರ್ನಾಟಕ ಸೇರಿ 8 ಕಡೆಗಳಲ್ಲಿ ಏರ್​ಟೆಲ್ ತಿಂಗಳ ಕನಿಷ್ಠ ರಿಚಾರ್ಜ್ ದರ ಭಾರೀ ಹೆಚ್ಚಳ

ಈ ಮಧ್ಯೆ ಕನಿಷ್ಠ ರಿಚಾರ್ಜ್ ದರವನ್ನು ಏರ್​ಟೆಲ್ ಹೆಚ್ಚಿಸಿದ್ದು, 155 ರೂ.ಗೆ ನಿಗದಿಪಡಿಸಿದೆ. ಹರಿಯಾಣ ಮತ್ತು ಒಡಿಶಾಗಳಲ್ಲಿ ನವೆಂಬರ್​​ನಲ್ಲಿ ಪ್ರಾಯೋಗಿಕವಾಗಿ ಈ ಪ್ಲಾನ್ ಜಾರಿಮಾಡಲಾಗಿತ್ತು. ಇದೀಗ ಕರ್ನಾಟಕ ಸೇರಿ 8 ಪ್ರದೇಶಗಳಲ್ಲಿ ಅನುಷ್ಠಾನಗೊಳಿಸಲಾಗಿದೆ.

155 ರೂ. ಪ್ಲಾನ್ ವಿವರ ಇಲ್ಲಿದೆ

ಈ ಪ್ಲಾನ್ 28 ದಿನಗಳ ವ್ಯಾಲಿಡಿಟಿ ಹೊಂದಿದೆ. 1 ಜಿಬಿ ಮೊಬೈಲ್ ಡೇಟಾ ಮತ್ತು ಅನಿಯಮಿತ ಕರೆ ಸೌಲಭ್ಯ ಈ ಪ್ಲಾನ್​ನಲ್ಲಿದೆ. 300 ಎಸ್​ಎಂಎಸ್​ ಕೂಡ ಇರಲಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ