Bitcoin Price Today: ಎವರ್​ಗ್ರ್ಯಾಂಡ್​ ಹೊಡೆತಕ್ಕೆ ಬಿಟ್​ಕಾಯಿನ್​ ಸೇರಿದಂತೆ ಕ್ರಿಪ್ಟೋಕರೆನ್ಸಿ ಮಾರುಕಟ್ಟೆಯೇ ಥಂಡಾ ಥಂಡಾ

ಕ್ರಿಪ್ಟೋಕರೆನ್ಸಿ ಬಿಟ್​ಕಾಯಿನ್​ ದರದಲ್ಲಿ ಇಳಿಕೆಯಾಗಿ, 42,155 ಯುಎಸ್​ಡಿಯಲ್ಲಿ ವಹಿವಾಟು ನಡೆಸಿತು. ಕಳೆದ 24 ಗಂಟೆಯಲ್ಲಿ ಶೇ 1.68ರಷ್ಟು ಕುಸಿತ ಕಂಡಿದೆ. ಈ ಕ್ರಿಪ್ಟೋಕರೆನ್ಸಿಯ ಜಾಗತಿಕ ಮಾರುಕಟ್ಟೆ ಮೌಲ್ಯ 789.89 ಬಿಲಿಯನ್ ಯುಎಸ್​ಡಿ ಇದೆ ಎಂದು coinsmarketcap.com ತಿಳಿಸಿದೆ. ಚೀನಾದ ರಿಯಲ್​ ಎಸ್ಟೇಟ್ ಕಂಪೆನಿ ಎವರ್​ಗ್ರ್ಯಾಂಡ್​ ಬಿಕ್ಕಟ್ಟಿನ ಪರಿಣಾಮ ಈ ಇಳಿಕೆ ಮೇಲೆ ಆಗಿದೆ. ಅಂದಹಾಗೆ ಎವರ್​ಗ್ರ್ಯಾಂಡ್​ ಪ್ರಭಾವ ಜಾಗತಿಕವಾಗಿ ಎಲ್ಲ ಮಾರ್ಕೆಟ್​ ಮೇಲೂ ಆಗಿದೆ. ಈ ಕುಸಿತದ ಹಾದಿಯು ಬಿಟ್​ಕಾಯಿನ್​ಗೆ ಮಾತ್ರ ಸೀಮಿತವಾಗಿಲ್ಲ. ಇತರ ಕ್ರಿಪ್ಟೋಕರೆನ್ಸಿಗಳಾದ ಎಥೆರಿಯಂ, Dogecoin ಮುಂತಾದವುಗಳ ಸಹ ಬೆಲೆ ಕಳೆದುಕೊಂಡಿವೆ. ಬಿಟ್​ಕಾಯಿನ್​ನ ಪ್ರತಿಸ್ಪರ್ಧಿಯಾದ ಎಥೆರಿಯಂ ಶೇ 5.23ರಷ್ಟು ಕುಸಿತ ಕಂಡು, 2,870.42 ಯುಎಸ್​ಡಿಯಲ್ಲಿ ವಹಿವಾಟು ನಡೆಸುತ್ತಿತ್ತು. ಮತ್ತು ಇದರ ಜಾಗತಿಕ ಮಾರುಕಟ್ಟೆ ಮೌಲ್ಯ 336.02 ಬಿಲಿಯನ್ ಇದೆ. ಇನ್ನು ಕಾರ್ಡಾನೋ ಬಗ್ಗೆ ಹೇಳುವುದಾದರೆ ಶೇ 4.31ರಷ್ಟು ಇಳಿದು, 2.05 ಡಾಲರ್​ನಲ್ಲಿ ವ್ಯವಹಾರ ಮಾಡುತ್ತಿದೆ. ಈ ಕ್ರಿಪ್ಟೋಕರೆನ್ಸಿ ಕಳೆದ ಒಂದು ವಾರದಲ್ಲಿ ಶೇ 14.32ರಷ್ಟು ಕುಸಿದಿದೆ. ಇದೇ ಹಾದಿಯನ್ನು ಅನುಸರಿಸಿರುವ ಬಿನಾನ್ಸ್ ಕಾಯಿನ್ ಶೇ 3.05ರಷ್ಟು ಇಳಿಕೆ ಕಂಡು, 354.96 ಯುಎಸ್​ಡಿಯಲ್ಲಿ ವಹಿವಾಟು ನಡೆಸಿದೆ. ಆದರೆ ಕಳೆದ ಒಂದು ವಾರದಲ್ಲಿ ಶೇ 14.48ರಷ್ಟು ಕುಸಿತ ಕಂಡಿದೆ.

“ಚೀನಾದ ಎವರ್​ಗ್ರ್ಯಾಂಡ್​ ಪ್ರಾಪರ್ಟಿ ಸಮೂಹದ ವೈಫಲ್ಯಕ್ಕೆ ಕಳೆದ 24 ಗಂಟೆಯಲ್ಲಿ ಮಾರುಕಟ್ಟೆಗಳು ಅಲುಗಾಡುತ್ತಿವೆ. ಅಂದಹಾಗೆ ಈಕ್ವಿಟಿ ಮಾರುಕಟ್ಟೆ ಹಾಗೂ ಕ್ರಿಪ್ಟೋ ಮಾರುಕಟ್ಟೆಗೂ ಸಂಬಂಧ ಇದ್ದು, ರೀಟೇಲ್ ಹೂಡಿಕೆದಾರರು ಭಾರೀ ಏರಿಳಿತದ ಕ್ರಿಪ್ಟೋದಿಂದ ವೇಗವಾಗಿ ಹೊರಬರುತ್ತಿದ್ದಾರೆ. ಎಥೆರಿಯಂ 3000 ಯುಎಸ್​ಡಿ ಮಟ್ಟದಿಂದ ಕೆಳಗೆ ಇಳಿದಿದೆ. ಅತಿದೊಡ್ಡ ಕ್ರಿಪ್ಟೋಕರೆನ್ಸಿ ಬಿಟ್​ಕಾಯಿನ್ 42,000 ಯುಎಸ್​ಡಿ ಮಟ್ಟದಲ್ಲಿ ಸುತ್ತಾಡುತ್ತಿದೆ. ಇತರ ಸಣ್ಣ-ಪುಟ್ಟ ಪರ್ಯಾಯ ಆಯ್ಕೆಯ ಕ್ರಿಪ್ಟೋಕರೆನ್ಸಿಗಳು ಕೂಡ ಇಳಿಕೆ ಹಾದಿಯಲ್ಲೇ ಇವೆ,” ಎನ್ನುತ್ತಾರೆ ವಿಶ್ಲೇಷಕರು.

ಬಿಟ್​ಕಾಯಿನ್​ಗೆ 40,000 ಯುಎಸ್​ಡಿ ಪ್ರಮುಖವಾದ ಸಪೋರ್ಟ್​ ಮಟ್ಟ ಮತ್ತು ಎಥೆರಿಯಂಗೆ 2850 ಯುಎಸ್​ಡಿ. ಜಾಗತಿಕ ಮಟ್ಟದಲ್ಲಿ ಕ್ರಿಪ್ಟೋ ಮಾರುಕಟ್ಟೆ ಬಂಡವಾಳ ಶೇ 4.47ರಷ್ಟು ಕುಸಿದಿದ್ದು, 1.86 ಲಕ್ಷ ಕೋಟಿ ಡಾಲರ್ ಸಮೀಪ ಇದೆ. ಈ ಹಿಂದಿನ ದಿನದ ವಹಿವಾಟು ಪರಿಮಾಣವನ್ನು ಹೋಲಿಸಿದರೆ ಕಡಿಮೆ ಇದೆ. ಭಯದಲ್ಲಿ ಮಾರಾಟ ಮಾಡುವ ಪ್ರವೃತ್ತಿಯಿಂದ ಹೊರಬಂದಿರುವುದು ಮಾತ್ರ ಗೊತ್ತಾಗುತ್ತದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ. ಚೀನಾದ ಲೆಹ್ಮನ್ ಬ್ರದರ್ಸ್ ಎಂದು ಕರೆಸಿಕೊಂಡಿರುವ ಎವರ್​ಗ್ರ್ಯಾಂಡ್​ ಬಿಕ್ಕಟ್ಟು ಜಾಗತಿಕ ಕ್ರಿಪ್ಟೋಕರೆನ್ಸಿ ಮಾರುಕಟ್ಟೆ ಮೇಲೆ ಪರಿಣಾಮ ಬೀರಿದೆ. ಚೀನಾ ಕಂಪೆನಿಯ ಬಿಕ್ಕಟ್ಟು ವಿಶ್ವದಾದ್ಯಂತ ಷೇರು ಮಾರುಕಟ್ಟೆಗಳ ಅನಿಶ್ಚಿತತೆಗೂ ಕಾರಣ ಆಗಿದೆ.

ಪ್ರಮುಖ ಕ್ರಿಪ್ಟೋಕರೆನ್ಸಿಗಳ ದರದ ವಿವರ ಸೆ.19ಕ್ಕೆ ಅನ್ವಯಿಸುವಂತೆ ಹೀಗಿದೆ:
ಬಿಟ್​ಕಾಯಿನ್​- 42,155 ಯುಎಸ್​ಡಿ (ಶೇ -1.68) ಕಳೆದ 24 ಗಂಟೆಯಲ್ಲಿ
ಎಥೆರ್ – 2,870 ಯುಎಸ್​ಡಿ (ಶೇ -5.23) ಕಳೆದ 24 ಗಂಟೆಯಲ್ಲಿ
ಕಾರ್ಡಾನೋ- 2.05 ಯುಎಸ್​ಡಿ (ಶೇ -4.31) ಕಳೆದ 24 ಗಂಟೆಯಲ್ಲಿ
ಬಿನಾನ್ಸ್ ಕಾಯಿನ್- 354.96 ಯುಎಸ್​ಡಿ (ಶೇ -3.05) ಕಳೆದ 24 ಗಂಟೆಯಲ್ಲಿ
Tether – 1.00 ಯುಎಸ್​ಡಿ (ಶೇ 0.01) ಕಳೆದ 24 ಗಂಟೆಯಲ್ಲಿ
XRP- 0.9078 ಯುಎಸ್​ಡಿ (ಶೇ -3.99) ಕಳೆದ 24 ಗಂಟೆಯಲ್ಲಿ
ಸೊಲಾನ- 131.18 ಯುಎಸ್​ಡಿ (ಶೇ -6.01) ಕಳೆದ 24 ಗಂಟೆಯಲ್ಲಿ
Polkadot- 27.62 ಯುಎಸ್​ಡಿ (ಶೇ -5.99) ಕಳೆದ 24 ಗಂಟೆಯಲ್ಲಿ
Dogecoin – 0.2066 ಯುಎಸ್​ಡಿ (ಶೇ -1.84) ಕಳೆದ 24 ಗಂಟೆಯಲ್ಲಿ

ಇದನ್ನೂ ಓದಿ: Evergrande Collapse: 22.15 ಲಕ್ಷ ಕೋಟಿ ರೂ. ಚೀನಾದ ಎವರ್​ಗ್ರ್ಯಾಂಡ್ ರಿಯಲ್​ ಎಸ್ಟೇಟ್ ಕುಸಿತದಿಂದ ಜಗತ್ತೇ ತಲ್ಲಣ

(Cryptocurrencies Including Bitcoin Hit Hard By China’s Evergrande Crisis Here Is The Today Price Of Major Cryptos)