ಕಳೆದ 9 ತಿಂಗಳಲ್ಲಿ 15 ಲಕ್ಷ ಕೋಟಿ ರೂ ಜಿಎಸ್ಟಿ ಸಂಗ್ರಹ; ಡಿಸೆಂಬರ್ನಲ್ಲಿ ಕಲೆಕ್ಷನ್ 1.6 ಲಕ್ಷಕೋಟಿ ರೂ
GST Collection in December 2023: ಭಾರತದಲ್ಲಿ ಡಿಸೆಂಬರ್ ತಿಂಗಳಲ್ಲಿ 1,66,882 ಕೋಟಿ ರೂನಷ್ಟು ಜಿಎಸ್ಟಿ ತೆರಿಗೆ ಸಂಗ್ರಹವಾಗಿದೆ. ಕಳೆದ 9 ತಿಂಗಳಲ್ಲಿ 14.97 ಲಕ್ಷ ಕೋಟಿ ಟ್ಯಾಕ್ಸ್ ಸಿಕ್ಕಿದೆ. ಜಿಎಸ್ಟಿಯಲ್ಲಿ ಸಿಕ್ಕಿರುವ ಐಜಿಎಸ್ಟಿಯಲ್ಲಿ ಕೇಂದ್ರಕ್ಕೆ 40 ಸಾವಿರ ಹಾಗೂ ರಾಜ್ಯಗಳಿಗೆ 33 ಸಾವಿರ ಕೋಟಿ ರೂನಷ್ಟು ಪಾಲು ಹಂಚಲಾಗಿದೆ. ಡಿಸೆಂಬರ್ನಲ್ಲಿ ಸಂಗ್ರಹವಾದ ಒಟ್ಟಾರೆ ಜಿಎಸ್ಟಿಯಲ್ಲಿ ಕರ್ನಾಟಕದಿಂದ 11,759 ಕೋಟಿ ರೂ ಸಂಗ್ರಹವಾಗಿದೆ. ಮಹಾರಾಷ್ಟ್ರದಲ್ಲಿ 26,814 ಜಿಎಸ್ಟಿ ಸಂಗ್ರಹವಿದೆ.
Updated on: Jan 01, 2024 | 6:17 PM
ನವದೆಹಲಿ, ಜನವರಿ 1: ಸರಕು ಮತ್ತು ಸೇವಾ ತೆರಿಗೆಯ ಸಂಗ್ರಹ (GST collection) ಡಿಸೆಂಬರ್ ತಿಂಗಳಲ್ಲಿ 1.6 ಲಕ್ಷ ಕೋಟಿ ರೂ ಗಡಿ ದಾಟಿದೆ. ಹಣಕಾಸು ಸಚಿವಾಲಯ ಬಿಡುಗಡೆ ಮಾಡಿದ ಮಾಹಿತಿ ಪ್ರಕಾರ ಈ ಹಣಕಾಸು ವರ್ಷದ ಆರಂಭದಿಂದ ಹಿಡಿದು ಡಿಸೆಂಬರ್ವರೆಗೆ 9 ತಿಂಗಳ ಅವಧಿಯಲ್ಲಿ 14.97 ಲಕ್ಷ ಕೋಟಿ ರೂನಷ್ಟು ಜಿಎಸ್ಟಿ ಕಲೆಕ್ಷನ್ ಆಗಿದೆ. ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಶೇ. 12ರಷ್ಟು ಹೆಚ್ಚು ತೆರಿಗೆ ಸಂಗ್ರಹವಾಗಿದೆ. ಇದರೊಂದಿಗೆ ಈ 9 ತಿಂಗಳಲ್ಲಿ ಮಾಸಿಕ ಸರಾಸರಿ 1.66 ಲಕ್ಷ ಕೋಟಿ ರೂನಷ್ಟು ಜಿಎಸ್ಟಿ ತೆರಿಗೆ ಸಂಗ್ರಹ ಇದೆ. ಇನ್ನು, ಡಿಸೆಂಬರ್ ತಿಂಗಳಲ್ಲಿ 1,66,882 ಕೋಟಿ ರೂನಷ್ಟು ತೆರಿಗೆಯು ಸರ್ಕಾರದ ಕೈ ಸೇರಿದೆ. ನವೆಂಬರ್ ತಿಂಗಳಿಗೆ ಹೋಲಿಸಿದರೆ ಡಿಸೆಂಬರ್ನಲ್ಲಿ ತೆರಿಗೆ ಸಂಗ್ರಹ ತುಸು ಕಡಿಮೆ ಆಗಿದೆ.
ಡಿಸೆಂಬರ್ ತಿಂಗಳ ಜಿಎಸ್ಟಿ ಸಂಗ್ರಹ ವಿವರ
2023ರ ಡಿಸೆಂಬರ್ನಲ್ಲಿ ಒಟ್ಟು ತೆರಿಗೆ ಸಂಗ್ರಹ: 1,66,882 ಕೋಟಿ ರೂ
- ಸಿಜಿಎಸ್ಟಿ: 30,443 ಕೋಟಿ ರೂ
- ಎಸ್ಜಿಎಸ್ಟಿ: 37,935 ಕೋಟಿ ರೂ
- ಐಜಿಎಸ್ಟಿ: 84,255 ಕೋಟಿ ರೂ
- ಸೆಸ್: 12,249 ಕೋಟಿ ರೂ
ಐಜಿಎಸ್ಟಿಯಲ್ಲಿ ಕೇಂದ್ರ ಮತ್ತು ರಾಜ್ಯಗಳಿಗೆ ಹಂಚಿಕೆ ಆಗಿರುವುದು ಹೀಗೆ:
- ಸಿಜಿಎಸ್ಟಿ: 40,057 ಕೋಟಿ ರೂ
- ಎಸ್ಜಿಎಸ್ಟಿ: 33,652 ಕೋಟಿ ರೂ
ಇದನ್ನೂ ಓದಿ: Gold: ಒಂದು ವರ್ಷದಲ್ಲಿ ಚಿನ್ನದ ಬೆಲೆ ಹೆಚ್ಚಾಗಿದ್ದು ಎಷ್ಟು? ಹೂಡಿಕೆ ಮಾಡಿದವರಿಗೆ ಎಷ್ಟು ಲಾಭ?
ಡಿಸೆಂಬರ್ ತಿಂಗಳಲ್ಲಿ ಹೆಚ್ಚು ಜಿಎಸ್ಟಿ ಕಲೆಕ್ಷನ್ ಕಂಡ ರಾಜ್ಯಗಳು
ಜಿಎಸ್ಟಿ ಸಂಗ್ರಹದಲ್ಲಿ ಮಹಾರಾಷ್ಟ್ರ ಮುಂಚೂಣಿಯಲ್ಲಿ ಮುಂದುವರಿದಿದೆ. ಕರ್ನಾಟಕ ನಂತರದ ಸ್ಥಾನದಲ್ಲಿದೆ. ತಮಿಳುನಾಡು, ಗುಜರಾತ್, ಹರ್ಯಾಣ ಮತ್ತು ಉತ್ತರಪ್ರದೇಶ ರಾಜ್ಯಗಳು 8,000 ಕೋಟಿ ರೂಗಿಂತ ಹೆಚ್ಚು ತೆರಿಗೆ ಸಂಗ್ರಹ ಮಾಡಿವೆ.
- ಮಹಾರಾಷ್ಟ್ರ: 26,814 ಕೋಟಿ ರೂ
- ಕರ್ನಾಟಕ: 11,759 ಕೋಟಿ ರೂ
- ತಮಿಳುನಾಡು: 9,888 ಕೋಟಿ ರೂ
- ಗುಜರಾತ್: 9,874 ಕೋಟಿ ರೂ
- ಹರ್ಯಾಣ: 8,130 ಕೋಟಿ ರೂ
- ಉತ್ತರಪ್ರದೇಶ: 8,011 ಕೋಟಿ ರೂ
- ದೆಹಲಿ: 5,121 ಕೋಟಿ ರೂ
- ಪಶ್ಚಿಮ ಬಂಗಾಳ: 5,019 ಕೋಟಿ ರೂ
- ತೆಲಂಗಾಣ: 4,753 ಕೋಟಿ ರೂ
- ಒಡಿಶಾ: 4,351 ಕೋಟಿ ರೂ
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
