1st November Rules Change 2021: ನವೆಂಬರ್ 1ರಿಂದ ಆಗಲಿರುವ 5 ಪ್ರಮುಖ ಬದಲಾವಣೆಗಳಿವು

ನವೆಂಬರ್ 1, 2021ರಿಂದ (ಸೋಮವಾರ) ಹಲವು ವಲಯಗಳಲ್ಲಿ ಬದಲಾವಣೆ ಆಗಲಿದೆ. ದೈನಂದಿನ ವ್ಯವಹಾರಗಳಲ್ಲಿ ಇವುಗಳ ಪರಿಣಾಮ ಇರಲಿದೆ. ಈ ಬೆಳವಣಿಗೆಯಿಂದ ಜನಸಾಮಾನ್ಯರ ಮೇಲೆ ಪರಿಣಾಮ ಬೀರಲಿದ್ದು, ಮತ್ತೆ ಕೆಲವರಿಗೆ ಹಣ ಗಳಿಸುವ ಅವಕಾಶ ಆಗಲಿದೆ. ಇಡೀ ದೇಶದಲ್ಲಿ ದೀಪಾವಳಿ ಆಚರಿಸುವ ಕೆಲವೇ ದಿನಗಳ ಮುಂಚೆ ಬದಲಾವಣೆಗಳು ಲಾಗೂ ಆಗುತ್ತವೆ. ನಿಮಗೆ ಗೊತ್ತಿರಲಿ, ತಾಂತ್ರಿಕ ವಿಚಾರದಲ್ಲೂ ಬದಲಾವಣೆ ಆಗುತ್ತಿದೆ. ಅದು ಇನ್​ಸ್ಟಂಟ್ ಮೆಸೇಜಿಂಗ್ ಸರ್ವೀಸ್ ವಾಟ್ಸಾಪ್​ನಿಂದ ಪ್ರಮುಖ ಬದಲಾವಣೆ ಆಗಲಿದೆ. ಇದರಿಂದಾಗಿ ದೇಶದಾದ್ಯಂತ ಹಲವಾರು ಬಳಕೆದಾರರ ಮೇಲೆ ಪರಿಣಾಮ ಆಗಲಿದೆ. ಆ ಬದಲಾವಣೆಗಳ ಬಗ್ಗೆ ವಿವರಗಳು ಇಲ್ಲವೆ.

ಎಲ್​ಪಿಜಿ ದರಗಳ ಏರಿಕೆ ನವೆಂಬರ್ ಒಂದರಿಂದ ಅನ್ವಯ ಆಗುವಂತೆ ವಾಣಿಜ್ಯ ಸಿಲಿಂಡರ್​ಗಳ ಬೆಲೆಯು ದೆಹಲಿಯಲ್ಲಿ ಅನ್ವಯ ಆಗುವಂತೆ ರೂ. 265 ಏರಿಕೆ ಆಗಿದೆ. ಮನೆ ಬಳಕೆಗಾಗಿ ಬಳಸುವ ಅಡುಗೆ ಅನಿಲ ಸಿಲಿಂಡರ್ ಬೆಲೆ ಕೂಡ ಹೆಚ್ಚಾಗುವ ಸಾಧ್ಯತೆ ಇದೆ. ಆದರೆ ಈ ಹೆಚ್ಚಳವು ಸರ್ಕಾರ ನೀಡುವ ಅನುಮತಿ ಮೇಲೆ ಅವಲಂಬಿತ ಆಗಿರುತ್ತದೆ ಎಂದು ಪಿಟಿಐ ವರದಿ ತಿಳಿಸಿದೆ. ಒಂದು ವೇಳೆ ಅವಕಾಶ ನೀಡಿದರೆ ಇದು ಐದನೇ ಏರಿಕೆ ಆಗುತ್ತದೆ. ಸದ್ಯಕ್ಕೆ ದೆಹಲಿಯಲ್ಲಿ ಎಲ್​ಪಿಜಿ ಸಿಲಿಂಡರ್ ಬೆಲೆ ರೂ. 899.50 ಇದೆ.

ಪೆನ್ಷನ್​ದಾರರಿಗೆ ನಿರಾಳ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ನವೆಂಬರ್ 1ರಿಂದ ಹೊಸ ಸೇವೆ ಆರಂಭಿಸಲಿದೆ. ಅದರ ಅಡಿಯಲ್ಲಿ ಪೆನ್ಷನ್​ದಾರರು ಬ್ಯಾಂಕ್​ ಶಾಖೆಗೆ ತೆರಳಿ ತಮ್ಮ ಜೀವಿತ ಪ್ರಮಾಣಪತ್ರ ನೀಡಬೇಕು ಅಂತಿಲ್ಲ. ಪೆನ್ಷನ್​ದಾರರು ವಿಡಿಯೋ ಕರೆ ಮೂಲಕವೇ ಸಲ್ಲಿಕೆ ಮಾಡಬಹುದು.

ಹೂಡಿಕೆದಾರರಿಗೆ ಶುಭ ಸುದ್ದಿ ಪಾಲಿಸಿಬಜಾರ್ ಐಪಿಒ ನವೆಂಬರ್ 1ರಿಂದ ಶುರು ಆಗುತ್ತದೆ. ನವೆಂಬರ್ 8ಕ್ಕೆ ಪೇಟಿಎಂ ಐಪಿಒ ಆರಂಭವಾಗುತ್ತದೆ. ಪಾಲಿಸಿಬಜಾರ್ ಹೊರತುಪಡಿಸಿ ಎಸ್​ಜೆಎಸ್​ ಎಂಟರ್​ಪ್ರೈಸ್, ರಾಸಾಯನಿಕ ತಯಾರಕ ಸಿಗಚಿ ಇಂಡಸ್ಟ್ರೀಸ್ ಐಪಿಒ ಬರಲಿದೆ. Nykaaದ ಐಪಿಒ ನವೆಂಬರ್ 1ಕ್ಕೆ ಕೊನೆಯಾಗುತ್ತದೆ.

ಹಬ್ಬದ ಋತುವಿಗೆ ವಿಶೇಷ ರೈಲುಗಳು ದೀಪಾವಳಿ, ಛಾತ್ ಸಂದರ್ಭಕ್ಕೆ ವಿಶೇಷ ರೈಲುಗಳನ್ನು ನವೆಂಬರ್ ತಿಂಗಳಲ್ಲಿ ಭಾರತೀಯ ರೈಲ್ವೆಯಿಂದ ಓಡಿಸಲಾಗುತ್ತಿದೆ. ಈ ರೈಲುಗಳ ಸಂಚಾರ ನವೆಂಬರ್ 1ರಿಂದ ಶುರುವಾಗುತ್ತದೆ. ಇತರವು ಇಡೀ ತಿಂಗಳು ಬೇರೆ ಬೇರೆ ದಿನಗಳಲ್ಲಿ ಸಂಚರಿಸುತ್ತವೆ. ಇದರ ಹೊರತಾಗಿ ಅಕ್ಟೋಬರ್ 25ರಂದು ದಕ್ಷಿಣ ರೈಲ್ವೆಯಿಂದ ಘೋಷಣೆ ಮಾಡಿದಂತೆ, ನವೆಂಬರ್ 1ರಿಂದ ಸಂಚರಿಸುವುದಾಗಿ ತಿಳಿಸಿತ್ತು.

ವಾಟ್ಸಾಪ್​ನಿಂದ ಕೆಲವು ಆಂಡ್ರಾಯಿಡ್ ಮತ್ತು ಐಒಎಸ್ ಬಳಕೆದಾರರಿಗೆ ಸೇವೆ ಸಿಗಲ್ಲ ವಾಟ್ಸಾಪ್ ನೀಡಿರುವ ಮಾಹಿತಿ ಪ್ರಕಾರ, ಆಂಡ್ರಾಯಿಡ್ ಮತ್ತು ಐಒಎಸ್ ಬಳಕೆದಾರರಿಗೆ ನವೆಂಬರ್ 1ನೇ ತಾರೀಕಿನಿಂದ ಲಭ್ಯ ಇರುವುದಿಲ್ಲ. ಯಾವ ಬಳಕೆದಾರರು ಆಪರೇಟಿಂಗ್ ಸಿಸ್ಟಮ್ಸ್ ಅಪ್​ಡೇಟ್ ಆಗಿರುವುದಿಲ್ಲವೋ ಅವುಗಳು ನವೆಂಬರ್ 1ರೊಳಗೆ ಆಗಬೇಕು.

ಇದನ್ನೂ ಓದಿ: Diwali Festival: ದೀಪಾವಳಿ ಹಬ್ಬಕ್ಕೆ ಜ್ಯುವೆಲ್ಲರಿಗಳಿಂದ ಆಕರ್ಷಕ ಆಫರ್​ಗಳು