HSBC Mutual Fund: ಎಚ್​ಎಸ್​ಬಿಸಿ ಫೈನಾನ್ಷಿಯಲ್ ಸರ್ವಿಸಸ್ ಫಂಡ್ ಎನ್​​ಎಫ್​ಒ ಆಫರ್ ಫೆಬ್ರುವರಿ 20ಕ್ಕೆ ಮುಕ್ತಾಯ

ನವದೆಹಲಿ, ಫೆಬ್ರುವರಿ 16: ಎಚ್​ಎಸ್​ಬಿಸಿ ಮ್ಯೂಚುವಲ್ ಫಂಡ್​ನಿಂದ ಹೊಸ ಎನ್​ಎಫ್​ಒ ಆರಂಭವಾಗಿದೆ. ಎಚ್​ಎಸ್​ಬಿಸಿ ಸರ್ವಿಸಸ್ ಫಂಡ್ ಎನ್ನುವ ಓಪನ್ ಎಂಡೆಡ್ ಈಕ್ವಿಟಿ ಸ್ಕೀಮ್ ಇತ್ತೀಚೆಗೆ ಶುರುವಾಗಿದೆ. ಈ ಎನ್​ಎಫ್​ಒ 2025ರ ಫೆಬ್ರುವರಿ 20ಕ್ಕೆ ಮುಕ್ತಾಯಗೊಳ್ಳುತ್ತದೆ. ಸರ್ಕಾರದ ಆಡಳಿತಾತ್ಮಕ ನೀತಿಗಳು, ಡಿಜಿಟಲೀಕರಣ ಇತ್ಯಾದಿ ಕಾರಣದಿಂದಾಗಿ ಭಾರತದಲ್ಲಿ ಹಣಕಾಸು ಸೇವಾ ವಲಯ ಪ್ರಬಲವಾಗಿ ಬೆಳವಣಿಗೆ ಹೊಂದುತ್ತಿದೆ. ಈ ಹಿನ್ನೆಲೆಯಲ್ಲಿ ಈ ವಲಯದಲ್ಲಿ ಹೂಡಿಕೆ ಮಾಡುವುದು ಸಹಜವಾಗಿ ಲಾಭಕಾರಿ ಎನಿಸಲಿದೆ. ದೀರ್ಘಾವಧಿ ಸಂಪತ್ತು ಬೆಳಸಲು ಇಚ್ಛಿಸುವವರಿಗೆ ಈ ಸೆಕ್ಟರ್​ನಲ್ಲಿನ ಹೂಡಿಕೆ ಹೇಳಿ ಮಾಡಿಸಿದಂತಿದೆ ಎನ್ನುವುದು ತಜ್ಞರ ಅಭಿಪ್ರಾಯ.

ಎಚ್​ಎಸ್​ಬಿಸಿ ಮ್ಯೂಚುವಲ್ ಫಂಡ್ ಸಂಸ್ಥೆ ಹೇಳುವ ಪ್ರಕಾರ ಅದರ ಫೈನಾನ್ಷಿಯಲ್ ಸರ್ವಿಸಸ್ ಫಂಡ್​ನಲ್ಲಿ ಸಾಂಪ್ರದಾಯಿಕ ಸಾಲ ನೀಡುವ ಮತ್ತು ಇತರ ಹಣಕಾಸು ಸೇವೆ ನೀಡುವ ಸಂಸ್ಥೆಗಳ ಮಿಶ್ರಣ ಇರುತ್ತದೆ. ಬಿಎಸ್​ಇ ಫೈನಾನ್ಷಿಯಲ್ ಸರ್ವಿಸಸ್ ಇಂಡೆಕ್ಸ್ ಟಿಆರ್​ಐ ಅನ್ನು ಈ ಫಂಡ್ ಟ್ರ್ಯಾಕ್ ಮಾಡುತ್ತದೆ.

ಬ್ಯಾಂಕ್​ಗಳು, ಬ್ಯಾಂಕೇತರ ಹಣಕಾಸು ಸಂಸ್ಥೆಗಳು, ಷೇರು ಬ್ರೋಕರ್, ಎಎಂಸಿ, ಡೆಪಾಸಿಟರಿ, ಕ್ರೆಡಿಟ್ ರೇಟಿಂಗ್ ಏಜೆನ್ಸಿ, ಫಿನ್​ಟೆಕ್, ಎಕ್ಸ್​ಚೇಂಜ್ ಮತ್ತು ಡಾಟಾ ಪ್ಲಾಟ್​ಫಾರ್ಮ್, ಇನ್ವೆಸ್ಟ್​​ಮೆಂಟ್ ಬ್ಯಾಂಕಿಂಗ್, ವೆಲ್ತ್ ಮ್ಯಾನೇಜ್ಮೆಂಟ್ ಕಂಪನಿಗಳು, ಇನ್ಷೂರೆನ್ಸ್ ಕಂಪನಿಗಳು, ಹೌಸಿಂಗ್ ಫೈನಾನ್ಸಿಂಗ್ ಕಂಪನಿಗಳು, ಪೇಮೆಂಟ್ ಕಂಪನಿಗಳು ಇತ್ಯಾದಿ ಸಂಸ್ಥೆಗಳ ಷೇರುಗಳಲ್ಲಿ ಎಚ್​ಎಸ್​ಬಿಸಿ ಫೈನಾನ್ಷಿಯಲ್ ಸರ್ವಿಸಸ್ ಫಂಡ್ ಹೂಡಿಕೆ ಮಾಡಲಿದೆ. ಇದರಿಂದಾಗಿ ಹೂಡಿಕೆದಾರರಿಗೆ ಹೆಚ್ಚಿನ ಸುರಕ್ಷತೆ ಮತ್ತು ರಿಟರ್ನ್ಸ್ ನಿರೀಕ್ಷಿಸಬಹುದು ಎಂದು ಹೇಳಲಾಗಿದೆ.

ಇದನ್ನೂ ಓದಿ: BSNL: 17 ವರ್ಷಗಳ ಬಳಿಕ ನಷ್ಟದಿಂದ ಮೇಲೆದ್ದ ಬಿಎಸ್​ಎನ್​ಎಲ್; ಈ ಬಾರಿ 262 ಕೋಟಿ ರೂ. ಲಾಭ

ಭಾರತದ ಹಣಕಾಸು ವಲಯ ಜಿಡಿಪಿ ದರದ ಎರಡು ಪಟ್ಟು ವೇಗವಾಗಿ ಬೆಳವಣಿಗೆ ಹೊಂದುವ ನಿರೀಕ್ಷೆ ಇದೆ. 2047ರ ವಿಕಸಿತ ಭಾರತ ನಿರ್ಮಿಸುವ ಗುರಿಯನ್ನು ಈಡೇರಿಸಲು ಈ ವಲಯದ ಪಾತ್ರ ದೊಡ್ಡದಿರುತ್ತದೆ. ತಂತ್ರಜ್ಞಾನದ ಅಳವಡಿಕೆ ಮತ್ತು ಹೂಡಿಕೆದಾರ ಮನಸ್ಥಿತಿ ಗಟ್ಟಿಗೊಂಡಿರುವುದು ದೇಶದ ಹಣಕಾಸು ವಾತಾವರಣವನ್ನೇ ಬದಲಿಸಿದೆ. ಇದನ್ನು ತಮ್ಮ ಫಂಡ್ ಚೆನ್ನಾಗಿ ಬಳಸಿ ಹೂಡಿಕೆದಾರರಿಗೆ ಲಾಭ ತರಬಲ್ಲುದು ಎಂದು ಎಚ್​ಎಸ್​ಬಿಸಿ ಮ್ಯೂಚುವಲ್ ಫಂಡ್​ನ ಸಿಇಒ ಕೈಲಾಶ್ ಕುಲಕರ್ಣಿ ಹೇಳುತ್ತಾರೆ.

ಎಚ್​ಎಸ್​ಬಿಸಿ ಮ್ಯೂಚುವಲ್ ಫಂಡ್​ನ ಚೀಫ್ ಇನ್ವೆಸ್ಟ್​ಮೆಂಟ್ ಆಫೀಸರ್ ಆದ ವೇಣುಗೋಪಾಲ್ ಮಂಘಾಟ್ ಅವರ ಪ್ರಕಾರ, ತಮ್ಮ ಫೈನಾನ್ಷಿಯಲ್ ಸರ್ವಿಸಸ್ ಫಂಡ್​ನಲ್ಲಿ ದೀರ್ಘಾವಧಿ ಆಲ್ಫಾದ ತಂತ್ರಾತ್ಮಕ ಹೂಡಿಕೆ ಮಾಡಲಾಗುವುದು. ಪ್ರಮುಖವಾದ ಮಾನದಂಡಗಳನ್ನು ಇಟ್ಟುಕೊಂಡು ಸ್ಟಾಕ್​ಗಳನ್ನು ಆಯ್ದುಕೊಳ್ಳಲಾಗುವುದು ಎಂದಿದ್ದಾರೆ.

ಇದನ್ನೂ ಓದಿ: ಸತತ 8ನೇ ದಿನ ಸೆನ್ಸೆಕ್ಸ್, ನಿಫ್ಟಿಗೆ ಕೆಂಪು ಬಣ್ಣ; ಎರಡು ವರ್ಷದಲ್ಲಿ ಇದೇ ಅತಿದೊಡ್ಡ ಹಿನ್ನಡೆ

2024ರ ಡಿಸೆಂಬರ್ 31ರವರೆಗಿನ ಮಾಹಿತಿ ಪ್ರಕಾರ ಎಚ್​ಎಸ್​ಬಿಸಿ ಮ್ಯೂಚುವಲ್ ಫಂಡ್​ನಲ್ಲಿ 1.25 ಲಕ್ಷ ಕೋಟಿ ರೂ ನಿರ್ವಹಿತ ಆಸ್ತಿ ಹೊಂದಿದೆ. 44 ಓಪನ್ ಎಂಡೆಡ್ ಫಂಡ್​ಗಳನ್ನು ನಿರ್ವಹಿಸುತ್ತಿದೆ. ಇದರಲ್ಲಿ ಈಕ್ವಿಟಿ, ಡೆಟ್, ಹೈಬ್ರಿಡ್, ಇಂಡೆಕ್ಸ್ ಫಂಡ್​ಗಳಿವೆ.

ಹೆಚ್ಚಿನ ಮಾಹಿತಿಗೆ ಈ ವೆಬ್​ಸೈಟ್ ಸಂಪರ್ಕಿಸಬಹುದು: www.global.assetmanagement.hsbc.com/

(ಗಮನಿಸಿ: ಮ್ಯೂಚುವಲ್ ಫಂಡ್ ಹೂಡಿಕೆಗಳು ಮಾರುಕಟ್ಟೆ ಅಪಾಯಕ್ಕೆ ಒಳಪಡುತ್ತವೆ. ಹೂಡಿಕೆ ಮಾಡುವ ಮುನ್ನ ಯೋಜನೆಯ ಎಲ್ಲಾ ದಾಖಲೆ ಮತ್ತು ವಿವರಗಳನ್ನು ತಪ್ಪದೇ ಓದಿರಿ.)