ಐಡಿಬಿಐ ಬ್ಯಾಂಕ್ನಿಂದ MSME, ಕೃಷಿ ವಲಯದ ಉತ್ಪನ್ನಗಳಿಗೆ ಆಟೋಮೆಟೆಡ್ ಸಾಲ ಪ್ರಕ್ರಿಯೆ ವ್ಯವಸ್ಥೆ
ಐಡಿಬಿಐ ಬ್ಯಾಂಕ್ನಿಂದ MSME (ಕಿರು, ಸಣ್ಣ ಮತ್ತು ಮಧ್ಯಮ ಸಂಸ್ಥೆಗಳು), ಕೃಷಿ ವಲಯದ ಉತ್ಪನ್ನಗಳಿಗೆ ಆಟೋಮೆಟೆಡ್ ಸಾಲ ಪ್ರಕ್ರಿಯೆ ವ್ಯವಸ್ಥೆಯನ್ನು ಆರಂಭಿಸಲಾಗಿದೆ.
Updated on: May 19, 2021 | 2:19 PM
ಐಡಿಬಿಐ ಬ್ಯಾಂಕ್ ಲಿಮಿಟೆಡ್ನಿಂದ ಪೂರ್ತಿಯಾಗಿ ಡಿಜಿಟೈಸ್ ಆದ, ಮೊದಲಿಂದ ಕೊನೆಯ ತನಕದ, ಸಾಲ ಪ್ರಕ್ರಿಯೆ ವ್ಯವಸ್ಥೆ (LPS) ಆರಂಭಿಸಲಾಗಿದೆ. ಎಂಎಸ್ಎಂಇ (ಕಿರು, ಸಣ್ಣ, ಮಧ್ಯಮ ಸಂಸ್ಥೆಗಳು) ಹಾಗೂ ಕೃಷಿ ಪ್ರಾಡಕ್ಟ್ಗಳಿಗೆ ಇದು ಅನ್ವಯ ಆಗುತ್ತದೆ ಎಂದು ಮಾಹಿತಿ ನೀಡಲಾಗಿದೆ. ಈ ಹೊಸ ಸಾಲ ಪ್ರಕ್ರಿಯೆ ವ್ಯವಸ್ಥೆಯು ಯಾವುದೇ ಸಮಸ್ಯೆ ಆಗದಂತೆ ಹಲವು ಅಂಶಗಳನ್ನು ಒಗ್ಗೂಡಿಸುತ್ತದೆ. ಡೇಟಾ ಫೈನಾನ್ಷಿಯಲ್ ಟೆಕ್ಗಳು, ಬ್ಯೂರೋ ವ್ಯಾಲಿಡೇಷನ್, ದಾಖಲಾತಿಗಳ ಸಂಗ್ರಹ/ರಿಟ್ರೀವಲ್, ಖಾತೆ ತೆರೆಯುವುದು/ನಿರ್ವಹಣೆ, ಗ್ರಾಹಕರಿಗೆ ನೋಟಿಫಿಕೇಷನ್ಗಳು ಮತ್ತು ಪೋರ್ಟ್ಫೋಲಿಯೋ ಮ್ಯಾನೇಜ್ಮೆಂಟ್ ಸಾಮರ್ಥ್ಯದ ಜತೆಗೆ ನಿಯಮಾವಳಿಗಳು/ಅರ್ಹತಾ ಮಾನದಂಡಗಳನ್ನು ಸಹ ಗಮನಿಸುತ್ತದೆ.
ಪೂರ್ಣ ಡಿಜಿಟೈಸ್ಡ್ ಮತ್ತು ಆಟೋಮೆಟೆಡ್ ಸಾಲ ಪ್ರಕ್ರಿಯೆ ವ್ಯವಸ್ಥೆಯು ಎಂಎಸ್ಎಂಇ ಮತ್ತು ಕೃಷಿಗೆ ಸಂಬಂಧಿಸಿದ ಗ್ರಾಹಕರಿಗೆ ಉತ್ಕೃಷ್ಟ ಮಟ್ಟದ ತಂತ್ರಜ್ಞಾನ ಆಧಾರಿತ ಅನುಭವ ನೀಡುವ ಗುರಿಯನ್ನು ಹೊಂದಿದೆ. ಈ ಪ್ಲಾಟ್ಫಾರ್ಮ್ ಅನ್ನು ಹೇಗೆ ರೂಪಿಸಲಾಗಿದೆ ಅಂದರೆ, ಉತ್ಕೃಷ್ಟ ಮಟ್ಟದಲ್ಲಿ ಅಂಡರ್ರೈಟಿಂಗ್ ಗುಣಮಟ್ಟದ ಸಾಲ ಮೀತಿಯ ಅರ್ಹತೆಗಳನ್ನು ಮತ್ತು ಮಾನದಂಡಗಳನ್ನು ಪರಿಶೀಲಿಸುವಂತಿರಬೇಕು ಹಾಗೆ ಇದೆ.
ಐಡಿಬಿಐ ಬ್ಯಾಂಕ್ನ ಡೆಪ್ಯುಟಿ ಮ್ಯಾನೇಜಿಂಗ್ ಡೈರೆಕ್ಟರ್ ಸುರೇಶ್ ಖತನ್ಹಾರ್ ಮಾತನಾಡಿ, ಎಲ್ಪಿಎಸ್ ಒಟ್ಟು 50ಕ್ಕೂ ಹೆಚ್ಚು ಪ್ರಾಡಕ್ಟ್ಗಳನ್ನು ನಿರ್ವಹಣೆ ಮಾಡುತ್ತದೆ. 35ಕ್ಕೂ ಹೆಚ್ಚು ಇಂಟರ್ಫೇಸ್ ಟಚ್ ಪಾಯಿಂಟ್ ಜತೆಗೆ ಹಲವು ಸ್ಯಾಟಲೈಟ್ ವ್ಯವಸ್ಥೆಗೆ ಯಾವುದೇ ಸಮಸ್ಯೆ ಇಲ್ಲದಂತೆ ಸಾಲ ದೊರೆಯುವಂತೆ ಮಾಡುತ್ತದೆ. ಎಲ್ಪಿಎಸ್ ಅನ್ನು ಈಗಿರುವ ಮುಖ್ಯ ಡೇಟಾಬೇಸ್, ಮಾನವ ಸಂಪನ್ಮೂಲ ನಿರ್ವಹಣೆ ವ್ಯವಸ್ಥೆ, ಬ್ಯಾಂಕ್ನ ಇತರ ಅಪ್ಲಿಕೇಷನ್ಗಳ ಜತೆಗೆ ಒಗ್ಗೂಡಿಸಲಾಗುತ್ತದೆ. ಇದರಿಂದ ಗ್ರಾಹಕರಿಗೆ ಬಹಳ ವೇಗವಾದ ಸೇವೆ ದೊರೆಯುತ್ತದೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ಸರ್ಕಾರಿ ಸ್ವಾಮ್ಯದ ಮತ್ತೊಂದು ಸಂಸ್ಥೆ ಮಾರಾಟಕ್ಕೆ!
(IDBI launches end to end digitised loan process system for MSME’s and agriculture products)
