India’s Exports: ಒಂದು ವರ್ಷದಲ್ಲಿ 825 ಟ್ರಿಲಿಯನ್ ಡಾಲರ್ ರಫ್ತು; ಭಾರತಕ್ಕೆ ಹೊಸ ದಾಖಲೆ

ನವದೆಹಲಿ, ಮೇ 2: ಕಳೆದ ಹಣಕಾಸು ವರ್ಷದಲ್ಲಿ (2024-25) ಭಾರತದ ಒಟ್ಟಾರೆ ರಫ್ತು ಶೇ. 6ರಷ್ಟು ಹೆಚ್ಚಳವಾಗಿದೆ. ಸರಕು ಮತ್ತು ಸೇವಾ ಕ್ಷೇತ್ರಗಳೆರಡೂ ಸೇರಿ ಭಾರತವು 824.9 ಬಿಲಿಯನ್ ಡಾಲರ್​​ನಷ್ಟು ಮೌಲ್ಯದ ರಫ್ತು ಮಾಡಿದೆ. ಇದು ಭಾರತದ ಇತಿಹಾಸದಲ್ಲೇ ಹೊಸ ದಾಖಲೆ ಎನಿಸಿದೆ. ಯಾವುದೇ ವರ್ಷದಲ್ಲಿ ಇಷ್ಟೊಂದು ಮೊತ್ತದ ರಫ್ತನ್ನು ಭಾರತ ಮಾಡಿದ್ದಿಲ್ಲ. ಸರಕು ಕ್ಷೇತ್ರಕ್ಕಿಂತ ಸರ್ವಿಸ್ ರಫ್ತು ಗಣನೀಯವಾಗಿ ಹೆಚ್ಚಿದೆ. ಇದು ಒಟ್ಟಾರೆ ರಫ್ತು ಏರುವಂತೆ ಮಾಡಿದೆ.

‘2025ರ ಮಾರ್ಚ್​​​ನಲ್ಲಿ ಸರ್ವಿಸ್ ರಫ್ತು 35.6 ಬಿಲಿಯನ್ ಡಾಲರ್ ಇದೆ. ಹಿಂದಿನ ವರ್ಷದ (2024) ಮಾರ್ಚ್​​​ನಲ್ಲಿ 30 ಬಿಲಿಯನ್ ಡಾಲರ್ ಸರ್ವಿಸ್ ಎಕ್ಸ್​​ಪೋರ್ಟ್ ಇತ್ತು. ಅದಕ್ಕೆ ಹೋಲಿಸಿದರೆ ಬರೋಬ್ಬರಿ ಶೇ. 18.6ರಷ್ಟು ರಫ್ತು ಹೆಚ್ಚಳವಾಗಿದೆ. ಇನ್ನು ಇಡೀ ಹಣಕಾಸು ವರ್ಷದಲ್ಲಿ ಸರ್ವಿಸ್ ಸೆಕ್ಟರ್​​ನಿಂದ 387.5 ಬಿಲಿಯನ್ ಡಾಲರ್ ರಫ್ತಾಗಿದೆ. ಹಿಂದಿನ ವರ್ಷದ 341.5 ಬಿಲಿಯನ್ ಡಾಲರ್​​ಗೆ ಹೋಲಿಸಿದರೆ ಈ ಬಾರಿಯ ಸರ್ವಿಸ್ ರಫ್ತು ಶೇ. 13.6ರಷ್ಟು ಏರಿದೆ’ ಎಂದು ವಾಣಿಜ್ಯ ಮತ್ತು ಉದ್ಯಮ ಸಚಿವಾಲಯ ಶುಕ್ರವಾರ ಹೇಳಿಕೆ ನೀಡಿದೆ.

ಇದನ್ನೂ ಓದಿ: ಕೇರಳದಲ್ಲಿ ವಿಳಿಂಜಂ ಬಂದರು ಅನಾವರಣ; ಇದು ಭಾರತದ ಮೊದಲ ಟ್ರಾನ್ಸ್​​ಶಿಪ್​ಮೆಂಟ್ ಹಬ್

2024-25ರಲ್ಲಿ ಭಾರತದ ರಫ್ತು ವಿವರ

ಒಟ್ಟು ರಫ್ತು: 824.9 ಬಿಲಿಯನ್ ಡಾಲರ್ (ಶೇ. 6 ಏರಿಕೆ)

• ಸರಕು ರಫ್ತು: 437.42 ಬಿಲಿಯನ್ ಡಾಲರ್ (ಶೇ. 0.08 ಏರಿಕೆ)
• ಸೇವಾ ರಫ್ತು: 387.5 ಬಿಲಿಯನ್ ಡಾಲರ್ (ಶೇ. 13.6 ಏರಿಕೆ)

ರಫ್ತು ಹೆಚ್ಚಿದರೂ ವ್ಯಾಪಾರ ಕೊರತೆಯಲ್ಲೂ ಹೆಚ್ಚಳ

ಭಾರತದ ರಫ್ತು ಹೊಸ ದಾಖಲೆ ಬರೆದರೂ 2024-25ರಲ್ಲಿ ದೇಶದ ಟ್ರೇಡ್ ಡೆಫಿಸಿಟ್ ಕೂಡ ಏರಿಕೆ ಆಗಿದೆ. ಹಿಂದಿನ ವರ್ಷದಲ್ಲಿ 241.14ರಷ್ಟಿದ್ದ ಟ್ರೇಡ್ ಡೆಫಿಸಿಟ್ 2024-25ರಲ್ಲಿ 282.82 ಬಿಲಿಯನ್ ಡಾಲರ್​​​ಗೆ ಏರಿದೆ. ಆಮದು ಪ್ರಮಾಣ ಗಣನೀಯವಾಗಿ ಏರಿಕೆ ಆದ ಫಲವಾಗಿ ಟ್ರೇಡ್ ಡೆಫಿಸಿಟ್ ಹೆಚ್ಚಿದೆ.

ಇದನ್ನೂ ಓದಿ: ಜಿಎಸ್​​​ಟಿ ಕಲೆಕ್ಷನ್ ಏಪ್ರಿಲ್​​ನಲ್ಲಿ 2.37 ಲಕ್ಷ ರೂ; ಹೊಸ ದಾಖಲೆ ಬರೆದ ತೆರಿಗೆ ಸಂಗ್ರಹ; ಕರ್ನಾಟಕ ಟಾಪ್-2

ಮ್ಯಾನುಫ್ಯಾಕ್ಚರಿಂಗ್ ಪಿಎಂಐ ಏರಿಕೆ

ಇದೇ ವೇಳೆ, ಸರ್ಕಾರದಿಂದ ಬಿಡುಗಡೆ ಆದ ಮತ್ತೊಂದು ಪ್ರಮುಖ ದತ್ತಾಂಶದ ಪ್ರಕಾರ ಏಪ್ರಿಲ್ ತಿಂಗಳಲ್ಲಿ ಭಾರತದ ಮ್ಯಾನುಫ್ಯಾಕ್ಚರಿಂಗ್ ಸೆಕ್ಟರ್​ ಬೆಳೆದಿರುವುದು ಕಂಡು ಬಂದಿದೆ. ಎಚ್​​ಎಸ್​​ಬಿಸಿ ಇಂಡಿಯಾ ಮ್ಯಾನುಫ್ಯಾಕ್ಚರಿಂಗ್ ಪಿಎಂಐ ಇಂಡೆಕ್ಸ್ ಮಾರ್ಚ್​​​ನಲ್ಲಿ 58.1 ಇದ್ದದ್ದು ಏಪ್ರಿಲ್​​​ನಲ್ಲಿ 58.2ಕ್ಕೆ ಏರಿದೆ. ಇದು ಗಣನೀಯ ಏರಿಕೆ ಅಲ್ಲವಾದರೂ ಕಳೆದ 10 ತಿಂಗಳಲ್ಲೇ ಗರಿಷ್ಠ ಪಿಎಂಐ ಮಟ್ಟವಾಗಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ