IRCTC Down: ಐಆರ್ಸಿಟಿಸಿ ವೆಬ್ಸೈಟ್ ಮತ್ತು ಆ್ಯಪ್ನಲ್ಲಿ ಸಮಸ್ಯೆ; ರೈಲ್ವೆ ಟಿಕೆಟ್ ಬುಕಿಂಗ್ಗೆ ಪರ್ಯಾಯವೇನು? ಇಲ್ಲಿದೆ ಪಟ್ಟಿ
Alternative For Train Ticket Booking: ಭಾರತೀಯ ರೈಲ್ವೆ ಇಲಾಖೆಯ ಟ್ರೈನ್ ಟಿಕೆಟ್ ಬುಕಿಂಗ್ ಸರ್ವಿಸ್ ನೀಡುವ ಐಆರ್ಸಿಟಿಸಿಯ ವೆಬ್ ಮತ್ತು ಆ್ಯಪ್ನಲ್ಲಿ ತಾಂತ್ರಿಕ ತೊಂದರೆ ಎದುರಾಗಿದೆ. ಟಿಕೆಟ್ ಬುಕಿಂಗ್ಗೆ ಪರ್ಯಾಯ ಆ್ಯಪ್ಗಳನ್ನು ಬಳಸಬಹುದು.
Updated on: Jul 25, 2023 | 11:45 AM
ಬೆಂಗಳೂರು, ಜುಲೈ 25: ಆನ್ಲೈನ್ನಲ್ಲಿ ರೈಲು ಟಿಕೆಟ್ ಬುಕ್ ಮಾಡುವ ಐಆರ್ಸಿಟಿಸಿ (IRCTC) ಸಂಸ್ಥೆಯ ವೆಬ್ಸೈಟ್ ಮತ್ತು ಮೊಬೈಲ್ ಆ್ಯಪ್ ಎರಡೂ ಕೂಡ ಡೌನ್ ಆಗಿವೆ. ಟ್ರೈನ್ ಟಿಕೆಟ್ ಬುಕ್ ಮಾಡಲು ಸಾಧ್ಯವಾಗುತ್ತಿಲ್ಲ. ಸೋಷಿಯಲ್ ಮೀಡಿಯಾದಲ್ಲಿ ಈ ಬಗ್ಗೆ ಬಹಳಷ್ಟು ಜನರು ಸಮಸ್ಯೆ ತೋಡಿಕೊಂಡಿದ್ದಾರೆ. ಬೆಳಗ್ಗೆಯಿಂದಲೂ ಐಆರ್ಸಿಟಿಸಿ ಸಮಸ್ಯೆ ಎದುರಿಸುತ್ತಿರುವುದು ಕಂಡುಬಂದಿದೆ. ಐಆರ್ಸಿಟಿಸಿ ಸೋಷಿಯಲ್ ಮೀಡಿಯಾದಲ್ಲಿ ಈ ಬಗ್ಗೆ ಸ್ಪಂದಿಸಿದ್ದು, ತಮ್ಮ ತಾಂತ್ರಿಕ ತಂಡದಿಂದ ಸಮಸ್ಯೆ ನಿವಾರಣೆಗೆ ಪ್ರಯತ್ನವಾಗುತ್ತಿದೆ. ಈ ಸಮಸ್ಯೆ ಪರಿಹಾರವಾದ ಬಳಿಕ ನಾವು ನೋಟಿಫೈ ಮಾಡುತ್ತೇವೆ ಎಂದು ಹೇಳಿದೆ.
ಬೆಳಗ್ಗೆ 10ಗಂಟೆಯಿಂದ ಈ ಸಮಸ್ಯೆ ಇದೆ. ಕುತೂಹಲವೆಂದರೆ ಬೆಳಗ್ಗೆ 10 ಗಂಟೆಗೆ ತತ್ಕಾಲ್ ಟಿಕೆಟ್ ಬುಕಿಂಗ್ ಸೇವೆ ಆರಂಭವಾಗುತ್ತದೆ. ಬಹಳ ತುರ್ತಾಗಿ ಟಿಕೆಟ್ ಅಗತ್ಯ ಇರುವವರಿಗೆಂದು ತತ್ಕಾಲ್ ಯೋಜನೆ ಇರುವುದು. ಈ ಸಮಯದಲ್ಲೇ ಇ-ಟಿಕೆಟ್ ಸರ್ವಿಸ್ ಅಲಭ್ಯ ಇರುವುದು ಹಲವರನ್ನು ನಿರಾಸೆಗೊಳಿಸಿದೆ.
Due to technical reasons the ticketing service is not available. Our technical team is resolving the issue. We will notify as soon as the technical issue is fixed.
— IRCTC (@IRCTCofficial) July 25, 2023
ರೈಲು ಟಿಕೆಟ್ ಬುಕಿಂಗ್ಗೆ ಪರ್ಯಾಯ ಮಾರ್ಗಗಳು
ಐಆರ್ಸಿಟಿಸಿಯಲ್ಲಿ ತಾಂತ್ರಿಕ ಸಮಸ್ಯೆಯಾಗಿರುವುದರಿಂದ ಅಮೇಜಾನ್, ಮೇಕ್ ಮೈ ಟ್ರಿಪ್ ಮೊದಲಾದ ಆ್ಯಪ್ಗಳ ಮೂಲಕ ಟಿಕೆಟ್ ಬುಕ್ ಮಾಡಿ ಎಂದು ಐಆರ್ಸಿಟಿಸಿ ಟ್ವೀಟ್ ಮಾಡಿದೆ.
ಇಲ್ಲಿ ಸಮಸ್ಯೆಯಾಗಿರುವ ಐಆರ್ಸಿಟಿಸಿಯಲ್ಲಿ ಬುಕ್ ಮಾಡುವ ಇಟಿಕೆಟ್ಗೆ ಮಾತ್ರ. ರೈಲ್ವೆ ಕೌಂಟರುಗಳಲ್ಲಿ ಟಿಕೆಟ್ ಬುಕಿಂಗ್ ಮಾಡಲು ಸಾಧ್ಯ.
Due to technical reasons, the ticketing service is not available on IRCTC site and App. Technical team of CRIS is resolving the issue.
Alternatively tickets can be booked through other B2C players like Amazon, Makemytrip etc.
— IRCTC (@IRCTCofficial) July 25, 2023
ಹಾಗೆಯೇ, ಐಆರ್ಸಿಟಿಸಿಯದ್ದೇ ಪ್ಲಾಟ್ಫಾರ್ಮ್ ಬಳಸಿ ರೈಲ್ವೆ ಟಿಕೆಟ್ ಬುಕಿಂಗ್ ಸೇವೆ ಬೇರೆ ಹಲವು ಆ್ಯಪ್ಗಳಲ್ಲೂ ಲಭ್ಯ ಇವೆ. ಗೋ ಐಬಿಬೋ, ಮೇಕ್ ಮೈ ಟ್ರಿಪ್, ಪೇಟಿಎಂ, ಟ್ರೈನ್ಮ್ಯಾನ್, ಇಕ್ಸಿಗೋ, ರೆಡ್ರೈಲ್ ಇತ್ಯಾದಿ ಮೂಲಕ ಟ್ರೈನ್ ಟಿಕೆಟ್ ಬುಕ್ ಮಾಡಬಹುದು.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
