ಜಿಯೋಬ್ಲ್ಯಾಕ್ರಾಕ್ ಮ್ಯುಚುವಲ್ ಫಂಡ್ನ ಎನ್ಎಫ್ಒಗೆ ಭರ್ಜರಿ ಸ್ಪಂದನೆ; 17,800 ಕೋಟಿ ರೂ ಹೂಡಿಕೆ ಸಂಗ್ರಹ
JioBlackRock Mutual Fund gets good response for its NFO: ಜಿಯೋಬ್ಲ್ಯಾಕ್ರಾಕ್ ಮ್ಯೂಚುವಲ್ ಫಂಡ್ನ ಚೊಚ್ಚಲ ಮೂರು ಸ್ಕೀಮ್ಗಳ ನ್ಯೂಫಂಡ್ ಆಫರ್ಗನಲ್ಲಿ ಸಾರ್ವಜನಿಕವಾಗಿ 17,800 ಕೋಟಿ ರೂ ಹೂಡಿಕೆಯಾಗಿದೆ. ಜಿಯೋಬ್ಲ್ಯಾಕ್ರಾಕ್ ಓವರ್ನೈಟ್ ಫಂಡ್, ಜಿಯೋಬ್ಲ್ಯಾಕ್ರಾಕ್ ಲಿಕ್ವಿಡ್ ಫಂಡ್ ಮತ್ತು ಜಿಯೋಬ್ಲ್ಯಾಕ್ರಾಕ್ ಮನಿ ಮಾರ್ಕೆಟ್ ಫಂಡ್ನ ಎನ್ಎಫ್ಒ ಬಿಡುಗಡೆ ಆಗಿದೆ. ಜೂನ್ 30ರಂದು ಆರಂಭವಾಗಿ ಜುಲೈ 2ಕ್ಕೆ ಈ ಆಫರ್ ಇತ್ತು.
ನವದೆಹಲಿ, ಜುಲೈ 7: ಜಿಯೋ ಬ್ಲ್ಯಾಕ್ರಾಕ್ ಮ್ಯುಚುವಲ್ ಫಂಡ್ನ ನ್ಯೂ ಫಂಡ್ ಆಫರ್ ಅಥವಾ ಎನ್ಎಫ್ಒಗೆ (JioBlackRock mutual fund NFO) ಒಳ್ಳೆಯ ಸ್ಪಂದನೆ ಸಿಕ್ಕಿದೆ. ಈ ಹೊಸ ಮ್ಯೂಚುವಲ್ ಫಂಡ್ನ ಚೊಚ್ಚಲ ಎನ್ಎಫ್ಒ ಮೂಲಕ ಒಟ್ಟಾರೆ 17,800 ಕೋಟಿ ರೂ ಹೂಡಿಕೆ ಬಂದಿದೆ. ಓವರ್ನೈಟ್ ಫಂಡ್, ಲಿಕ್ವಿಡ್ ಫಂಡ್ ಮತ್ತು ಮನಿ ಮಾರ್ಕೆಟ್ ಫಂಡ್ ಎನ್ನುವ ಮೂರು ಫಂಡ್ ಸ್ಕೀಮ್ಗಳಲ್ಲಿ ಈ ಬಂಡವಾಳ ಹರಿದು ಬಂದಿದೆ.
ಜೂನ್ 30ರಂದು ಆರಂಭವಾದ ಮೂರು ದಿನಗಳ ಜಿಯೋಬ್ಲ್ಯಾಕ್ರಾಕ್ ಎನ್ಎಫ್ಒ ಜುಲೈ 2ಕ್ಕೆ ಮುಗಿದಿತ್ತು. 90ಕ್ಕೂ ಅಧಿಕ ಸಾಂಸ್ಥಿಕ ಹೂಡಿಕೆದಾರರು ಈ ಮೂರು ಸ್ಕೀಮ್ಗಳಲ್ಲಿ ಹೂಡಿಕೆ ಮಾಡಿದ್ದಾರೆ. ರೀಟೇಲ್ ಹೂಡಿಕೆದಾರರಿಂದಲೂ ಉತ್ತಮ ಸ್ಪಂದನೆ ಸಿಕ್ಕಿದೆ. ವರದಿ ಪ್ರಕಾರ 67,000 ವ್ಯಕ್ತಿಗಳು ಈ ಮೂರು ಫಂಡ್ಗಳಲ್ಲಿ ಹೂಡಿಕೆ ಮಾಡಿದ್ದಾರೆ.
ಇದನ್ನೂ ಓದಿ: ಷೇರುಮಾರುಕಟ್ಟೆಯಲ್ಲಿ ಜೇನ್ ಸ್ಟ್ರೀಟ್ನಂತಹ ವಂಚಕರ ಮಧ್ಯೆ ಟ್ರೇಡಿಂಗ್ ಮತ್ತು ಹೂಡಿಕೆ ಮಾಡುವ ತಂತ್ರ ತಿಳಿದಿರಿ…
ಕ್ಯಾಷ್ ಮತ್ತು ಡೆಟ್ ಫಂಡ್ ಸೆಗ್ಮೆಂಟ್ನಲ್ಲಿ ಜಿಯೋ ಬ್ಲ್ಯಾಕ್ರಾಕ್ ಮ್ಯುಚುವಲ್ ಫಂಡ್ನದ್ದು ಅತಿದೊಡ್ಡ ಎನ್ಎಫ್ಒ ಎನಿಸಿದೆ. ಡೆಟ್ ಫಂಡ್ ಸೆಗ್ಮೆಂಟ್ನಲ್ಲಿರುವ 47 ಮ್ಯೂಚುವಲ್ ಫಂಡ್ ಸಂಸ್ಥೆಗಳ ಪೈಕಿ ಜಿಯೋಬ್ಲ್ಯಾಕ್ರಾಕ್ ಎಎಂಸಿ ಟಾಪ್-15 ಪಟ್ಟಿಗೆ ಸೇರಿಹೋಗಿದೆ.
ಏನಿದು ಎನ್ಎಫ್ಒ?
ಎನ್ಎಫ್ಒ ಎಂದರೆ ನ್ಯೂ ಫಂಡ್ ಆಫರ್. ಒಂದು ಮ್ಯೂಚುವಲ್ ಫಂಡ್ ಎಎಂಸಿ ಸಂಸ್ಥೆಯು ಹೊಸ ಸ್ಕೀಮ್ ಆರಂಭಿಸಿದಾಗ ಎನ್ಎಫ್ಒ ಆಫರ್ ಮಾಡುತ್ತದೆ. ಇದು ಮೊದಲ ಬಾರಿಗೆ ಸಾರ್ವಜನಿಕರಿಂದ ಬಂಡವಾಳ ಸಂಗ್ರಹಿಸಲು ಇರುವ ಯೋಜನೆ. ನಿರ್ದಿಷ್ಟ ಆರಂಭ ಬೆಲೆಗೆ ಸ್ಕೀಮ್ನ ಯುನಿಟ್ಗಳನ್ನು ಸಾರ್ವಜನಿಕರಿಗೆ ಮಾರಲಾಗುತ್ದೆ. ಸಾಮಾನ್ಯವಾಗಿ ಎನ್ಎಫ್ಒದಲ್ಲಿ ಒಂದು ಯುನಿಟ್ಗೆ 10 ರೂ ಬೆಲೆ ಇರುತ್ತದೆ. ಜಿಯೋಬ್ಲ್ಯಾಕ್ರಾಕ್ ಫಂಡ್ಗಳ ಒಂದು ಯುನಿಟ್ ಬೆಲೆ 1,000 ರೂ ನಿಗದಿಯಾಗಿದೆ.
ಇದನ್ನೂ ಓದಿ: ಷೇರುಮಾರುಕಟ್ಟೆಗೆ ಚಳ್ಳೆಹಣ್ಣು ತಿನ್ನಿಸಿ 36,500 ಕೋಟಿ ರೂ ಪಂಗನಾಮ ಹಾಕಿತಾ ಜೇನ್ ಸ್ಟ್ರೀಟ್; ಅದರ ಕುತಂತ್ರದ ಕಥೆ ಕೇಳಿ…
ಜಿಯೋಫೈನಾನ್ಸ್ ಆ್ಯಪ್ ಮೂಲಕ ಹೂಡಿಕೆ ಮಾಡಿ…
ನೀವು ಜಿಯೋಬ್ಲ್ಯಾಕ್ರಾಕ್ ಎನ್ಎಫ್ಒದಲ್ಲಿ ಪಾಲ್ಗೊಳ್ಳಲಿಲ್ಲವೆನ್ನುವ ನಿರಾಸೆಯಲ್ಲಿದ್ದರೆ ಯೋಚಿಸುವ ಅಗತ್ಯ ಇಲ್ಲ. ಯಾವಾಗ ಬೇಕಾದರೂ ಫಂಡ್ನಲ್ಲಿ ಹೂಡಿಕೆ ಮಾಡಬಹುದು. ಬ್ರೋಕರ್ ಪ್ಲಾಟ್ಫಾರ್ಮ್ಗಳಲ್ಲಿ ಹೋಗಿ ಈ ಫಂಡ್ನ ಮೂರು ಪ್ಲಾನ್ಗಳಲ್ಲಿ ಯಾವುದರಲ್ಲಾದರೂ ಹೂಡಿಕೆ ಮಾಡಬಹುದು. ಕನಿಷ್ಠ ಹೂಡಿಕೆ 1,000 ರೂ ಇದೆ. ಜಿಯೋಫೈನಾನ್ಸ್ ಆ್ಯಪ್ಗೆ ಹೋಗಿ ಅಲ್ಲಿಂದಲೂ ಹೂಡಿಕೆ ಮಾಡಬಹುದು.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 4:17 pm, Mon, 7 July 25