Jio Plans: ಜಿಯೋ ಫೈಬರ್ ಪ್ರೀಪೇಯ್ಡ್ ಬ್ರಾಡ್ಬ್ಯಾಂಡ್ ಪ್ಲಾನ್; ತಿಂಗಳಿಗೆ 3,300 ಜಿಬಿ ಡಾಟಾ, ಭರ್ಜರಿ ಇಂಟರ್ನೆಟ್ ಸ್ಪೀಡ್
JioFiber Prepaid Broadband Plans: ಎಲ್ಲಾ ರೀತಿಯ ಗ್ರಾಹಕರಿಗೂ ಹೊಂದಿಕೆಯಾಗುವ ಪ್ಲಾನ್ಗಳು ಜಿಯೋಫೈಬರ್ನಲ್ಲಿವೆ. ತಿಂಗಳಿಗೆ 399 ರೂ ನಿಂದ ಆರಂಭವಾಗಿ ವರ್ಷಕ್ಕೆ 1 ಲಕ್ಷಕ್ಕೂ ಹೆಚ್ಚು ಮೊತ್ತದ ಪ್ಲಾನ್ಗಳೂ ಜಿಯೋ ಫೈಬರ್ನಲ್ಲಿವೆ.
ಮುಖ್ಯಾಂಶಗಳು
- ಜಿಯೋಫೈಬರ್ 1,197 ರೂ ಪ್ರೀಪೇಯ್ಡ್ ಬ್ರಾಡ್ಬ್ಯಾಂಡ್ ಪ್ಲಾನ್ನಲ್ಲಿ 3 ತಿಂಗಳು ಮಾಸಿಕ 3.3 ಟಿಬಿ ಡಾಟಾ ಸಿಗುತ್ತದೆ
- 2,997 ರೂ ಪ್ಲಾನ್ನಲ್ಲಿ ಡಾಟಾ ಸ್ಪೀಡ್ 150 ಎಂಬಿಪಿಎಸ್, 16 ಓಟಿಟಿಗಳ ಸಬ್ಸ್ಕ್ರಿಪ್ಷನ್ ಸಿಗುತ್ತದೆ.
- 1ಜಿಬಿಪಿಎಸ್ ಡಾಟಾ ಸ್ಪೀಡ್ ಇರುವ ಹಾಗು ಬಹುತೇಕ ಎಲ್ಲಾ ಪ್ರಮುಖ ಒಟಿಟಿ ಸಬ್ಸ್ಕ್ರಿಪ್ಷನ್ ಕೊಡುವ ಪ್ಲಾನ್ಗಳು ಜಿಯೋದಲ್ಲಿವೆ.
ರಿಲಾಯನ್ಸ್ ಜಿಯೋ (Reliance Jio) ಎಂದರೆ ಅದರ ಕಡಿಮೆ ಬೆಲೆಯ ಡಾಟಾ ಮತ್ತು ಕಾಲ್ ಆಫರ್ಗಳೇ ನೆನಪಾಗುತ್ತದೆ. ಟಿಲಿಕಾಂ ಕ್ಷೇತ್ರಕ್ಕೆ ಅಡಿ ಇಡುತ್ತಲೇ ಸಂಚಲನ ರೂಪಿಸಿದ್ದ ಜಿಯೋ ಇದೀಗ ಫೈಬರ್ ಇಂಟರ್ನೆಟ್ ಕ್ಷೇತ್ರದಲ್ಲಿ ಒಳ್ಳೆಯ ಪ್ಲಾನ್ಗಳ ಮೂಲಕ ಜನರನ್ನು ಆಕರ್ಷಿಸುತ್ತಿವೆ. ಎಲ್ಲಾ ರೀತಿಯ ಗ್ರಾಹಕರಿಗೂ ಹೊಂದಿಕೆಯಾಗುವ ಪ್ಲಾನ್ಗಳು ಜಿಯೋಫೈಬರ್ನಲ್ಲಿವೆ. ತಿಂಗಳಿಗೆ 399 ರೂ ನಿಂದ ಆರಂಭವಾಗಿ ವರ್ಷಕ್ಕೆ 1 ಲಕ್ಷಕ್ಕೂ ಹೆಚ್ಚು ಮೊತ್ತದ ಪ್ಲಾನ್ಗಳೂ ಜಿಯೋ ಫೈಬರ್ನಲ್ಲಿವೆ. ಇಲ್ಲಿ ಜಿಯೋದ ತ್ರೈಮಾಸಿಕ ಕಾಲಾವಧಿಯ ಕೆಲ ಪ್ರಮುಖ ಪ್ರೀಪೇಯ್ಡ್ ಪ್ಲಾನ್ಗಳ (JioFiber Prepaid Plans) ವಿವರ ಇಲ್ಲಿದೆ.
ಜಿಯೋಫೈಬರ್ 1,197 ರೂ ಪ್ಲಾನ್
1,197 ರೂನ ಜಿಯೋಫೈಬರ್ ಪ್ರೀಪೇಯ್ಡ್ ಪ್ಲಾನ್ 90 ದಿನ ವ್ಯಾಲಿಟಿಡಿ ಹೊಂದಿದೆ. ಜಿಎಸ್ಟಿ ಸೇರಿಸಿದರೆ ಪ್ಲಾನ್ ಬೆಲೆ 1,200 ರೂಗಿಂತ ತುಸು ಹೆಚ್ಚಾಗಬಹುದು. ಪ್ರತೀ ತಿಂಗಳು ನಿಮಗೆ 3.3 ಟಿಬಿ (ಟೆರಾಬೈಟ್) ಡಾಟಾ ಸಿಗುತ್ತದೆ. ಒಂದು ಟಿಬಿ ಎಂದರೆ 1,000 ಜಿಬಿ. ನಿಮಗೆ ತಿಂಗಳಿಗೆ 3,300 ಜಿಬಿಯಷ್ಟು ಡಾಟಾ ಸಿಗುತ್ತದೆ. ಅದೂ 30ಎಂಬಿಪಿಎಸ್ ಸ್ಪೀಡ್ನಲ್ಲಿ. 4ಜಿಯಲ್ಲಿ ನಮಗೆ 2 ಎಂಬಿಪಿಎಸ್ ಸಿಕ್ಕರೆ ಹೆಚ್ಚು. 30 ಎಂಬಿಪಿಎಸ್ ಸ್ಪೀಡ್ನಲ್ಲಿ ನಮಗೆ ತಿಂಗಳಿಗೆ 3,300 ಜಿಬಿ ಡಾಟಾ ಬಳಸುವ ಅವಕಾಶ ಸಿಕ್ಕರೆ ಹೇಗೆ? ಇಂಥದ್ದು 3 ತಿಂಗಳು ನಮಗೆ ಲಾಭ ಕೊಡುತ್ತದೆ ಜಿಯೋಫೈಬರ್ನ 1,197 ರೂ ಪ್ಲಾನ್.
ಇದನ್ನೂ ಓದಿ: PM Kisan: ಪಿಎಂ ಕಿಸಾನ್ ಯೋಜನೆ; ಒಂದೇ ಕುಟುಂಬದ ಇಬ್ಬರು ವರ್ಷಕ್ಕೆ 6,000 ರೂ ಪಡೆಯಬಹುದಾ?
ಉಚಿತ ಒಟಿಟಿ ಸಬ್ಸ್ಕ್ರಿಪ್ಚನ್ ಕೊಡುವ ಜಿಯೋ ಬ್ರಾಡ್ಬ್ಯಾಂಡ್ ಪ್ಲಾನ್ಗಳು
ಜಿಯೋಫೈಬರ್ನ 1,197 ರೂ ಪ್ಲಾನ್ ನಮಗೆ ಭರ್ಜರಿ ಕಾಲಿಂಗ್ ಮತ್ತು ಡಾಟಾ ಆಫರ್ ಕೊಡುತ್ತದೆ. ಆದರೆ, ಒಟಿಟಿ ಸಬ್ಸ್ಕ್ರಿಪ್ಚನ್ ಸಿಗುವುದಿಲ್ಲ. ಹೆಚ್ಚುವರಿ ದುಡ್ಡು ಕೊಟ್ಟು ವಿವಿಧ ಒಟಿಟಿಗಳಿಗೆ ಚಂದಾದಾರಬೇಕಾಗುತ್ತದೆ. ಆದರೆ, ಮೇಲಿನ ಭರ್ಜರಿ ಡಾಟಾ ಜೊತೆಗೆ ಒಟಿಟಿ ಸಬ್ಸ್ಕ್ರಿಪ್ಷನ್ಗಳನ್ನೂ ಕೊಡುವ ಪ್ಲಾನ್ಗಳಿವೆಯಾದರೂ ಅದಕ್ಕೆ ಹೆಚ್ಚು ಹಣ ಬೇಕು. ಅಂತಹ ಪ್ಲಾನ್ಗಳು ಯಾವುವು?
ಜಿಯೋಫೈಬರ್ 2,997 ರೂ ಪ್ರೀಪೇಯ್ಡ್ ಪ್ಲಾನ್: ಇದರ ವ್ಯಾಲಿಡಿಟಿ 90 ದಿನ ಇದ್ದು ಪ್ರೈಮ್ ವಿಡಿಯೋ, ಡಿಸ್ನಿ ಹಾಟ್ಸ್ಟಾರ್, ಜಿಯೋಸಿನಿಮಾ ಸೇರಿದಂತೆ 16 ಓಟಿಟಿಗಳನ್ನು ಉಚಿತವಾಗಿ ನೋಡಬಹುದು. ಇದರ ಡೇಟಾ ಸ್ಪೀಡ್ 150 ಎಂಬಿಪಿಎಸ್.
ಜಿಯೋಫೈಬರ್ 4,497 ರೂ ಪ್ರೀಪೇಯ್ಡ್ ಪ್ಲಾನ್: ನಿಮಗೆ 150 ಎಂಬಿಪಿಎಸ್ಗಿಂತಲೂ ಹೆಚ್ಚು ಡಾಟಾ ಸ್ಪೀಡ್ ಬೇಕೆಂದರೆ 4,497 ರೂ ಪ್ಲಾನ್ ಪಡೆಯಬಹುದು. ಇಂಟರ್ನೆಟ್ ಸ್ಪೀಡ್ 300 ಎಂಬಿಪಿಎಸ್ ಇರುತ್ತದೆ. ನೆಟ್ಫ್ಲಿಕ್ಸ್ ಸೇರಿದಂತೆ 17 ಓಟಿಟಿ ಪ್ಲಾಟ್ಫಾರ್ಮ್ಗಳನ್ನು ಗ್ರಾಹಕರು ಉಚಿತವಾಗಿ ವೀಕ್ಷಿಸಬಹುದು.
ನಿಮಗೆ 1ಜಿಬಿಪಿಎಸ್ ಸ್ಪೀಡ್ನಲ್ಲಿ ಇಂಟರ್ನೆಟ್ ಸೇವೆ ಒದಗಿಸುವ ಬ್ರಾಡ್ಬ್ಯಾಂಡ್ ಪ್ಲಾನ್ಗಳೂ ಜಿಯೋ ಫೈಬರ್ನಲ್ಲಿವೆ.