PAN: ಆನ್ಲೈನ್ನಲ್ಲಿ ಪ್ಯಾನ್ ಕಾರ್ಡ್ ಹೆಸರು, ಜನ್ಮದಿನಾಂಕ ಬದಲಿಸುವುದು ಹೇಗೆ? ಇಲ್ಲಿದೆ ವಿಧಾನ
Steps To Change Name In PAN Card: ಎನ್ಎಸ್ಡಿಎಲ್ ಅಥವಾ ಯುಟಿಐಟಿಎಸ್ಎಲ್ ಪೋರ್ಟಲ್ಗಳ ಮೂಲಕ ನಿಮ್ಮ ಪ್ಯಾನ್ ಕಾರ್ಡ್ನಲ್ಲಿರುವ ವಿವರಗಳನ್ನು ಬದಲಾಯಿಸಲು ಸಾಧ್ಯ. ಅಪ್ಲಿಕೇಶನ್ ಶುಲ್ಕ ಸೇರಿದಂತೆ ಈ ಕಾರ್ಯ ಸಾಧಿಸುವ ಕ್ರಮಗಳು ಇಲ್ಲಿವೆ.
ಪರ್ಮನೆಂಟ್ ಅಕೌಂಟ್ ನಂಬರ್ (PAN) ಈಗ ಭಾರತದಲ್ಲಿ ಮಹತ್ವದ ದಾಖಲೆಗಳಲ್ಲೊಂದಾಗಿದೆ. ಆದಾಯ ತೆರಿಗೆ ಪಾವತಿಸಲು ಇದು ಅತ್ಯಗತ್ಯ. ಇತರ ಹಣಕಾಸು ಚಟುವಟಿಕೆಗಳಿಗೆ ಪ್ಯಾನ್ ಅಗತ್ಯ ಇದೆ. ಇದರಲ್ಲಿರುವ ವಿವರಗಳೂ ಬಹಳ ಮುಖ್ಯ ಎನಿಸುತ್ತವೆ. ಹೀಗಾಗಿ, ಪ್ಯಾನ್ ಕಾರ್ಡ್ನಲ್ಲಿರುವ ವಿವರ ಸರಿ ಇಲ್ಲ ಎನಿಸಿದಲ್ಲಿ ಆದಷ್ಟೂ ಬೇಗ ಬದಲಾವಣೆ ಮಾಡುವುದು ಅಗತ್ಯ. ಪ್ಯಾನ್ ಕಾರ್ಡ್ನಲ್ಲಿ ಇರುವ ನಮ್ಮ ಹೆಸರು, ತಂದೆಯ ಫೋಟೋ, ಲಿಂಗ, ನಿವಾಸ, ಸಂಪರ್ಕ ವಿಳಾಸ, ಸಹಿ ಇತ್ಯಾದಿಯನ್ನು ಬದಲಾಯಿಸಬಹುದು. ಆನ್ಲೈನ್ನಲ್ಲೇ ಈ ಕೆಲ ಬದಲಾವಣೆ ಮಾಡಲು ಸಾಧ್ಯ. ಇದು ಹೇಗೆ ಮಾಡಬಹುದು, ಇಲ್ಲಿದೆ ವಿವರ:
ಆನ್ಲೈನ್ ಮೂಲಕ ಪ್ಯಾನ್ ಕಾರ್ಡ್ನಲ್ಲಿ ನಮ್ಮ ಹೆಸರು ಮತ್ತು ಜನ್ಮದಿನಾಂಕ ಬದಲಿಸುವ ಕ್ರಮಗಳಿವು:
- ಪ್ಯಾನ್ ಕಾರ್ಡ್ನ ಅಧಿಕೃತ ನಿರ್ವಾಹಕ ಪೋರ್ಟಲ್, www.protean-tinpan.com ಇಲ್ಲಿಗೆ ಭೇಟಿ ನೀಡಿ
- ಸರ್ವಿಸಸ್ ಸೆಕ್ಷನ್ ಅಡಿಯಲ್ಲಿ ಇರುವ PAN ಕ್ಲಿಕ್ ಮಾಡಿ
- ‘ಅಪ್ಡೇಟ್/ಕರೆಕ್ಷನ್ ಇನ್ ದಿ ಪ್ಯಾನ್’ ಈ ಆಯ್ಕೆ ಮೇಲೆ ಕ್ಲಿಕ್ ಮಾಡಿ.
- ಹೆಸರು, ಪ್ಯಾನ್ ನಂಬರ್, ಇಮೇಲ್ ಐಡಿ, ಸಂಪರ್ಕ ಸಂಖ್ಯೆ ಇತ್ಯಾದಿ ವಿವರ ಭರ್ತಿ ಮಾಡಿ ನೊಂದಾಯಿಸಿಕೊಳ್ಳಿ
- ನಿಮ್ಮ ಇಮೇಲ್ ಐಡಿಗೆ ಒಂದು ಟೋಕನ್ ನಂಬರ್ ಕಳುಹಿಸಲಾಗುತ್ತದೆ. ಈ ಟೋಕನ್ ನಂಬರ್ ಮೂಲಕ ಪ್ಯಾನ್ ಅರ್ಜಿಯ ಕರಡು ಪ್ರತಿ ತೆರೆಯಿರಿ.
- ಬಳಿಕ ಕಂಟಿನ್ಯೂ ಆಯ್ಕೆ ಮಾಡಿ
- ಈಗ ನಿಮಗೆ 3 ಆಯ್ಕೆಗಳು ಸಿಗುತ್ತವೆ. ಈ ಪೈಕಿ ಇ–ಕೆವೈಸಿ ಅಂಡ್ ಇ–ಸೈನ್ ಆಯ್ಕೆ ತೆಗೆದುಕೊಳ್ಳಿ. ಇದು ಆಧಾರ್ ಓಟಿಪಿ ಮೂಲಕ ಮುಂದುವರಿಯುವ ಆಯ್ಕೆ
- ನಿಮ್ಮ ಆಧಾರ್ ಕಾರ್ಡ್ ವಿವರ ತುಂಬಿರಿ
ಇದನ್ನೂ ಓದಿ: Success: ಮಣಿಪಾಲದಲ್ಲಿ ಓದಿದ್ದೇ ಟರ್ನಿಂಗ್ ಪಾಯಿಂಟ್; ವಿಜ್ಞಾನಿ ಮುರಳಿ ದಿವಿ 1.3 ಲಕ್ಷ ಕೋಟಿ ಕಂಪನಿ ಒಡೆಯರಾದ ಕಥೆ
- ನೀವು ಅಪ್ಡೇಟ್ ಮಾಡಬೇಕೆಂದಿರುವ ಕೆಟಗರಿಯನ್ನು ಆರಿಸಿ.
- ನೀವು ಬದಲಾಯಿಸಬೇಕೆಂದಿರುವ ಮಾಹಿತಿಗೆ ಪೂರಕವಾದ ದಾಖಲೆಗಳನ್ನು ಲಗತ್ತಿಸಿ.
- ಆಧಾರ್ ನಂಬರ್ ಇತ್ಯಾದಿ ನಮೂದಿಸಿ, ಹಾಗೂ ಎಲ್ಲಾ ಅಗತ್ಯ ದಾಖಲೆಗಳನ್ನು ಅಪ್ಲೋಡ್ ಮಾಡಿ.
- ಬಳಿಕ ಅರ್ಜಿ ಶುಲ್ಕ ಹಣ ಪಾವತಿಸಿ
- ಕೆವೈಸಿ ಪ್ರಕ್ರಿಯೆ ಮುಗಿಸಿ ಇ–ಸೈನ್ ಸಲ್ಲಿಸಿ
- ಇದಾದ ಬಳಿಕ ನಿಮ್ಮ ಅರ್ಜಿಯ ಸ್ವೀಕೃತಿ ಪ್ರತಿ ನಿಮಗೆ ಸಿಗುತ್ತದೆ.
ಇದನ್ನೂ ಓದಿ: PM Kisan: ಪಿಎಂ ಕಿಸಾನ್ 14ನೇ ಕಂತು ಸದ್ಯದಲ್ಲೇ; ಫಲಾನುಭವಿಗಳ ಪಟ್ಟಿಯಲ್ಲಿ ನಿಮ್ಮ ಹೆಸರಿದೆಯಾ ತಿಳಿಯಿರಿ
ಎಲ್ಲವೂ ಸಮರ್ಪಕವಾಗಿದ್ದಲ್ಲಿ ನಿಮ್ಮ ಇಮೇಲ್ ಐಡಿಗೆ ಪರಿಷ್ಕೃತ ಪ್ಯಾನ್ ಕಾರ್ಡ್ ಬರುತ್ತದೆ. ಇಲ್ಲಿ ಅಪ್ಲಿಕೇಶನ್ ಶುಲ್ಕಕ್ಕೆ ಸುಮಾರು 96 ರೂ ಆಗಿರುತ್ತದೆ.
ಎನ್ಎಸ್ಡಿಎಲ್ನ ಪೋರ್ಟಲ್ ಮಾತ್ರವಲ್ಲ ಯುಟಿಐಟಿಎಸ್ಎಲ್ ಪೋರ್ಟಲ್ ಮೂಲಕವೂ ಪ್ಯಾನ್ ಕಾರ್ಡ್ ವಿವರ ಬದಲಾಯಿಸಿಕೊಳ್ಳಬಹುದು. ಆನ್ಲೈನ್ನಲ್ಲಿ ಮಾಡುವುದು ಗೊಂದಲ ಎನಿಸಿದಲ್ಲಿ ಪ್ಯಾನ್ ಸೆಂಟರ್ಗಳಿಗೆ ಹೋಗಿ ಅರ್ಜಿ ಮತ್ತು ದಾಖಲೆಗಳನ್ನು ಕೊಟ್ಟು ಮಾಡಿಸಬಹುದು.