Patanjali: ಜುಲೈನಲ್ಲಿ ಷೇರು ಧಮಾಕ ಸೃಷ್ಟಿಸಿರುವ ಪತಂಜಲಿ ಫೂಡ್ಸ್; ಅದರ ತ್ರೈಮಾಸಿಕ ವರದಿ ಎಲ್ಲರ ಚಿತ್ತ
Patanjali Foods quarterly results for Q1 to be released: ಪತಂಜಲಿ ಫುಡ್ಸ್ ಲಿಮಿಟೆಡ್ ಸಂಸ್ಥೆ ಈ ವರ್ಷದ ತನ್ನ ಮೊದಲ ತ್ರೈಮಾಸಿಕ ಫಲಿತಾಂಶಗಳ ಪ್ರಕಟಣೆಯ ಕುರಿತು ಹೊಸ ಅಪ್ಡೇಟ್ ನೀಡಿದೆ. ಸ್ಟಾಕ್ ಎಕ್ಸ್ಚೇಂಜ್ಗೆ ನೀಡಿದ ಮಾಹಿತಿ ಪ್ರಕಾರ ಸ್ವಾತಂತ್ರ್ಯ ದಿನೋತ್ಸವಕ್ಕೆ ಒಂದು ದಿನ ಮುಂಚೆ ಅದರ ಕ್ವಾರ್ಟರ್ಲಿ ರಿಸಲ್ಟ್ ಸಿಗಲಿದೆ. ಇದರ ಜೊತೆಗೆ ಪತಂಜಲಿ ಫುಡ್ಸ್ ಷೇರುದಾರರಿಗೆ ಬೋನಸ್ ಷೇರುಗಳನ್ನೂ ಘೋಷಿಸಬಹುದು.
ನವದೆಹಲಿ, ಆಗಸ್ಟ್ 7: ಬಾಬಾ ರಾಮದೇವ್ ಅವರ ನೇತೃತ್ವದ ಪತಂಜಲಿ ಫುಡ್ಸ್ ಲಿಮಿಟೆಡ್ ಕಂಪನಿಯ ಷೇರು (share market) ಜುಲೈನಲ್ಲಿ ಸೂಪರ್ ಲಾಭ ನೀಡಿವೆ. ಈಗ ಎಲ್ಲರ ಚಿತ್ರವು ಅದರ ತ್ರೈಮಾಸಿಕ ವರದಿಯತ್ತ ನೆಟ್ಟಿದೆ. ಈ ಹಣಕಾಸು ವರ್ಷದ ಮೊದಲ ಕ್ವಾರ್ಟರ್ ಆದ ಏಪ್ರಿಲ್ನಿಂದ ಜೂನ್ವರೆಗಿನ ಮೂರು ತಿಂಗಳ ಅವಧಿಯ ಲಾಭ ನಷ್ಟದ ವರದಿ ಅಥವಾ ಕ್ವಾರ್ಟರ್ಲಿ ರಿಪೋರ್ಟ್ ಸದ್ಯದಲ್ಲೇ ಬಿಡುಗಡೆ ಆಗಲಿದೆ. ಕಂಪನಿ ನೀಡಿರುವ ಮಾಹಿತಿ ಪ್ರಕಾರ ಅದರ ಮೊದಲ ಕ್ವಾರ್ಟರ್ನ ತ್ರೈಮಾಸಿಕ ವರದಿ 2025ರ ಆಗಸ್ಟ್ 14ರಂದು ರಿಲೀಸ್ ಆಗಲಿದೆ.
ಮೊದಲ ತ್ರೈಮಾಸಿಕದ ಹಣಕಾಸು ಫಲಿತಾಂಶಗಳನ್ನು ಚರ್ಚಿಸಲು ಮತ್ತು ಅನುಮೋದಿಸಲು ನಿರ್ದೇಶಕರ ಮಂಡಳಿಯು ಆಗಸ್ಟ್ 14 ರಂದು ಸಭೆ ಸೇರಲಿದೆ ಎಂದು ಪತಂಜಲಿ ಫುಡ್ಸ್ ಕಂಪನಿಯು ಷೇರು ವಿನಿಮಯ ಕೇಂದ್ರಕ್ಕೆ ತಿಳಿಸಿದೆ.
ಇದನ್ನೂ ಓದಿ: Patanjali-LIC: ಎಲ್ಐಸಿಗೆ ಭಾರೀ ನಷ್ಟ ತಂದಿತ್ತ ಟಾಟಾ, ಅಂಬಾನಿ; ಕೈಹಿಡಿದ ಪತಂಜಲಿ
ಫಲಿತಾಂಶಗಳ ನಂತರ ಟ್ರೇಡಿಂಗ್ ವಿಂಡೋ ತಾತ್ಕಾಲಿಕವಾಗಿ ಇರೋದಿಲ್ಲ
ಆಗಸ್ಟ್ 14 ರಂದು ಹಣಕಾಸು ಫಲಿತಾಂಶಗಳನ್ನು ಪ್ರಕಟಿಸಿದ ನಂತರದ 48 ಗಂಟೆಗಳವರೆಗೂ ಟ್ರೇಡಿಂಗ್ ವಿಂಡೋ ಮುಚ್ಚಿರುತ್ತದೆ. ಅಂದರೆ, ಈ ಸಮಯದಲ್ಲಿ ಕಂಪನಿಗೆ ಸಂಬಂಧಿಸಿದ ಯಾವುದೇ ಒಳಗಿನವರು ಷೇರುಗಳನ್ನು ಖರೀದಿಸಲು ಅಥವಾ ಮಾರಾಟ ಮಾಡಲು ಸಾಧ್ಯವಾಗುವುದಿಲ್ಲ ಎಂದು ತಿಳಿಸಲಾಗಿದೆ. ಸೆಬಿಯ ಇನ್ಸೈಡರ್ ಟ್ರೇಡಿಂಗ್ ಬ್ಯಾನ್ ನಿಯಮಗಳು ಹಾಗೂ ಪತಂಜಲಿಯ ನೀತಿ ಸಂಹಿತೆ ಪ್ರಕಾರ ಈ ನಿಯಮಗಳು ಜಾರಿಯಲ್ಲಿ ಇರಲಿವೆ.
ಪತಂಜಲಿ ಷೇರುದಾರರಿಗೆ ಬೋನಸ್ ಭಾಗ್ಯ?
ಪತಂಜಲಿ ಫುಡ್ಸ್ ತನ್ನ ಹೂಡಿಕೆದಾರರಿಗೆ ಬೋನಸ್ ಷೇರುಗಳನ್ನು ನೀಡಲಿದೆ. ಕಂಪನಿಯು ಜುಲೈ 17, 2025 ರಂದು 2:1 ಬೋನಸ್ ಷೇರುಗಳನ್ನು ನೀಡುವ ಪ್ರಸ್ತಾಪವನ್ನು ಅದರ ನಿರ್ದೇಶಕರ ಮಂಡಳಿಯು ಅನುಮೋದಿಸಿದೆ ಎಂದು ಘೋಷಿಸಿತು. ಇದರರ್ಥ ನೀವು ಕಂಪನಿಯ 1 ಪಾಲನ್ನು ಹೊಂದಿದ್ದರೆ, ನೀವು ಪ್ರತಿಯಾಗಿ 2 ಹೆಚ್ಚುವರಿ ಷೇರುಗಳನ್ನು ಉಚಿತವಾಗಿ ಪಡೆಯುತ್ತೀರಿ. ಆದಾಗ್ಯೂ, ಬೋನಸ್ ಷೇರುಗಳಿಗೆ ದಾಖಲೆಯ ದಿನಾಂಕವನ್ನು ಇನ್ನೂ ಘೋಷಿಸಲಾಗಿಲ್ಲ.
ಇದನ್ನೂ ಓದಿ: Patanjali: ರೈತರಿಗೆ ಬಲ ನೀಡುತ್ತಿರುವ ಪತಂಜಲಿ ‘ಕಿಸಾನ್ ಸಮೃದ್ಧಿ ಯೋಜನೆ’
ನಾಲ್ಕನೇ ತ್ರೈಮಾಸಿಕದಲ್ಲಿ ಲಾಭದಲ್ಲಿ ಏರಿಕೆ
ಹಿಂದಿನ ತ್ರೈಮಾಸಿಕದಲ್ಲಿ (ಜನವರಿಯಿಂದ ಮಾರ್ಚ್) ಪತಂಜಲಿ ಫುಡ್ಸ್ ಉತ್ತಮ ಫಲಿತಾಂಶಗಳನ್ನು ವರದಿ ಮಾಡಿದೆ. ಕಂಪನಿಯ ನಿವ್ವಳ ಲಾಭವು ವರ್ಷದಿಂದ ವರ್ಷಕ್ಕೆ ಶೇ. 76.3 ರಷ್ಟು ಏರಿಕೆಯಾಗಿ 358.5 ಕೋಟಿ ರೂ.ಗಳಿಗೆ ತಲುಪಿದ್ದು, ಕಳೆದ ವರ್ಷದ ಇದೇ ಅವಧಿಯಲ್ಲಿ ಇದು 206.3 ಕೋಟಿ ರೂ.ಗಳಷ್ಟಿತ್ತು. ಕಂಪನಿಯ ಆದಾಯವು ಶೇ. 17.8 ರಷ್ಟು ಏರಿಕೆಯಾಗಿ 9,692.2 ಕೋಟಿ ರೂ.ಗಳಿಗೆ ತಲುಪಿದೆ. ಕಂಪನಿಯ EBITDA ಕೂಡ ಅತ್ಯುತ್ತಮವಾಗಿದ್ದು, ಕಳೆದ ವರ್ಷದ ಹಿಂದಿನ 376.5 ಕೋಟಿ ರೂ.ಗಳಿಂದ ಶೇ. 37.1 ರಷ್ಟು ಏರಿಕೆಯಾಗಿ 516.2 ಕೋಟಿ ರೂ.ಗಳಿಗೆ ತಲುಪಿದೆ. ಉತ್ತಮ ವೆಚ್ಚ ನಿಯಂತ್ರಣ ಮತ್ತು ಹೆಚ್ಚುತ್ತಿರುವ ಪ್ರಮಾಣದ ಕಾರಣದಿಂದಾಗಿ, ಕಂಪನಿಯ ಕಾರ್ಯಾಚರಣೆಯ ಲಾಭವು ಸಹ 4.6% ರಿಂದ 5.3% ಕ್ಕೆ ಏರಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ