ಶೇ. 8ರವರೆಗೂ ಬಡ್ಡಿ; ಈ ಮೂರು ಬ್ಯಾಂಕ್ಗಳ ಸ್ಪೆಷಲ್ ಠೇವಣಿ ಪ್ಲಾನ್ಗಳಿಗೆ ಡಿಸೆಂಬರ್ 31 ಡೆಡ್ಲೈನ್
SBI, IDBI, Indian Bank Special FD Plans: ಎಸ್ಬಿಐನ ಅಮೃತ್ ಕಲಶ್ ವಿಶೇಷ ಎಫ್ಡಿ ಸ್ಕೀಮ್ 400 ದಿನದ ಅವಧಿಯದ್ದಾಗಿದೆ. ಹಿರಿಯ ನಾಗರಿಕರಿಗೆ ವರ್ಷಕ್ಕೆ ಶೇ. 7.60ರಷ್ಟು ಬಡ್ಡಿ ಸಿಗುತ್ತದೆ. ಐಡಿಬಿಐ ಬ್ಯಾಂಕ್ನ 375 ಮತ್ತು 444 ದಿನದ ಎರಡು ಸ್ಪೆಷಲ್ ಡೆಪಾಸಿಟ್ ಪ್ಲಾನ್ಗಳಿದ್ದು, ಬಡ್ಡಿದರ ಶೇ. 7.75ರವರೆಗೂ ಇದೆ. ಇಂಡಿಯನ್ ಬ್ಯಾಂಕ್ನ 400 ದಿನದ ವಿಶೇಷ ಠೇವಣಿ ಯೋಜನೆಯಲ್ಲಿ ಸೂಪರ್ ಸೀನಿಯರ್ ಜನರಿಗೆ ಶೇ. 8ರಷ್ಟು ಬಡ್ಡಿ ಸಿಗುತ್ತದೆ. ಸಾಮಾನ್ಯ ಗ್ರಾಹಕರಿಗೆ ಶೇ. 7.25ರಷ್ಟು ಬಡ್ಡಿ ದೊರಕುತ್ತದೆ.
ಬೆಂಗಳೂರು, ಡಿಸೆಂಬರ್ 13: ಬ್ಯಾಂಕುಗಳಲ್ಲಿ ನಿಶ್ಚಿತ ಠೇವಣಿ ಪ್ಲಾನ್ಗಳು ಸದಾ ಲಭ್ಯ ಇರುತ್ತವೆ. ಆದರೆ, ಕೆಲವೊಂದು ಅವಧಿಯ ವಿಶೇಷ ಪ್ಲಾನ್ಗಳನ್ನು (Special FD plans) ಬ್ಯಾಂಕುಗಳು ಆಫರ್ ಮಾಡುವುದಿದೆ. ಇವು ಸೀಮಿತ ಅವಧಿಯವರೆಗೆ ಮಾತ್ರ ಲಭ್ಯ ಇರುತ್ತವೆ. ತಮ್ಮಲ್ಲಿರುವ ಇತರ ಎಫ್ಡಿಗಳಿಗಿಂತ ಈ ವಿಶೇಷ ಪ್ಲಾನ್ಗಳಿಗೆ ಇವು ಹೆಚ್ಚಿನ ಬಡ್ಡಿ ಆಫರ್ ಮಾಡುತ್ತವೆ. ಈ ಪೈಕಿ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ, ಐಡಿಬಿಐ ಬ್ಯಾಂಕ್ ಮತ್ತು ಇಂಡಿಯನ್ ಬ್ಯಾಂಕ್ನ ಸ್ಪೆಷಲ್ ಫಿಕ್ಸೆಡ್ ಡೆಪಾಸಿಟ್ ಪ್ಲಾನ್ಗಳಿಗೆ ಡಿಸೆಂಬರ್ 31ರಂದು ಡೆಡ್ಲೈನ್ ಇದೆ. ಇನ್ನೆರಡು ವಾರ ಮಾತ್ರ ಇವುಗಳನ್ನು ಪಡೆಯಲು ಕಾಲಾವಕಾಶ ಇರುವುದು. ಈ ಪೈಕಿ ಇಂಡಿಯನ್ ಬ್ಯಾಂಕ್ನ ಎಫ್ಡಿ ಪ್ಲಾನ್ನಲ್ಲಿ ಶೇ. 8ರವರೆಗೂ ಬಡ್ಡಿ ಸಿಗುತ್ತದೆ.
ಎಸ್ಬಿಐ ಅಮೃತ್ ಕಲಶ್ ಠೇವಣಿ ಯೋಜನೆ
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಈ ವರ್ಷದ ಆರಂಭದಲ್ಲಿ ಅಮೃತ್ ಕಳಶ್ ಡೆಪಾಸಿಟ್ ಸ್ಕೀಮ್ ಪ್ರಕಟಿಸಿತ್ತು. ಇದು ಈಗ ಡಿಸೆಂಬರ್ 31ರವರೆಗೂ ವಿಸ್ತರಣೆ ಆಗಿದೆ. ಇದು 400 ದಿನದ ಅವಧಿಯ ಡೆಪಾಸಿಟ್ ಸ್ಕೀಮ್ ಆಗಿದೆ. ಸಾಮಾನ್ಯ ಗ್ರಾಹಕರಿಗೆ ಶೇ. 7.10ರಷ್ಟು ಬಡ್ಡಿ ಸಿಗುತ್ತದೆ. ಹಿರಿಯ ನಾಗರಿಕರಿಗೆ, ಎಸ್ಬಿಐ ಸಿಬ್ಬಂದಿ ಮತ್ತು ಎಸ್ಬಿಐ ಪಿಂಚಣಿದಾರರಿಗೆ 50 ಬೇಸಿಸ್ ಪಾಯಿಂಟ್ಗಳಷ್ಟು ಹೆಚ್ಚು ಬಡ್ಡಿ ಸಿಗುತ್ತದೆ.
ಇದನ್ನೂ ಓದಿ: ಎಫ್ಡಿಯಿಂದ ಮಾಸಿಕ ಆದಾಯ ಸೃಷ್ಟಿಸಲು ಸಾಧ್ಯವೇ? ನಿಶ್ಚಿತ ಠೇವಣಿ ಬಗ್ಗೆ ತಿಳಿಯಬೇಕಾದ ಕೆಲ ಸಂಗತಿಗಳು
ಐಡಿಬಿಐ ಉತ್ಸವ್ ಎಫ್ಡಿ ಪ್ಲಾನ್
ಐಡಿಬಿಐ ಬ್ಯಾಂಕ್ 375 ದಿನ ಹಾಗೂ 444 ದಿನದ ಉತ್ಸವ್ ಎಫ್ಡಿ ಪ್ಲಾನ್ ಆಫರ್ ಇದ್ದು, ಡಿಸೆಂಬರ್ 31ಕ್ಕೆ ಅದು ನಿಂತುಹೋಗುತ್ತದೆ. 375 ದಿನದ ಠೇವಣಿ ಸ್ಕೀಮ್ನಲ್ಲಿ ಸಾಮಾನ್ಯ ಗ್ರಾಹಕರಿಗೆ ಶೇ. 7.10ರಷ್ಟು ಬಡ್ಡಿ ಸಿಕ್ಕರೆ, ಹಿರಿಯ ನಾಗರಿಕರಿಗೆ ಶೇ. 7.60ರಷ್ಟು ಬಡ್ಡಿ ಕೊಡಲಾಗುತ್ತದೆ.
ಇನ್ನು, 444 ದಿನದ ಎಫ್ಡಿ ಸ್ಕೀಮ್ನಲ್ಲಿ ಸಾಮಾನ್ಯರಿಗೆ ಶೇ. 7.25, ಹಿರಿಯ ನಾಗರಿಕರಿಗೆ ಶೇ 7.75ರಷ್ಟು ಬಡ್ಡಿ ಪ್ರಾಪ್ತವಾಗುತ್ತದೆ.
ಇದನ್ನೂ ಓದಿ: Bank Nominee: ನಾಮಿನಿ ಯಾಕೆ ಬೇಕು? ಹತ್ತು ನಿಮಿಷ ಕೆಲಸಕ್ಕೆ ಹತ್ತಾರು ದಿನ ಅಲೆದಾಡಬೇಕಾದೀತು ಹುಷಾರ್
ಇಂಡಿಯನ್ ಬ್ಯಾಂಕ್ 400 ದಿನದ ಎಫ್ಡಿ ಸ್ಕೀಮ್
ಇಂಡಿಯನ್ ಬ್ಯಾಂಕ್ನ ಇಂಡ್ ಸೂಪರ್ 400 ಡೇಸ್ ಎಂಬ ವಿಶೇಷ ಡೆಪಾಸಿಟ್ ಸ್ಕೀಮ್ ಇದೆ. 400 ದಿನಗಳ ಈ ಠೇವಣಿ ಯೋಜನೆಯಲ್ಲಿ ಸಾಮಾನ್ಯ ಗ್ರಾಹಕರು ಶೇ. 7.25ರಷ್ಟು ಪಡೆಯಬಹುದು. ಹಿರಿಯ ನಾಗರಿಕರಿಗೆ ಶೇ. 7.75 ಬಡ್ಡಿ, ಸೂಪರ್ ಸೀನಿಯರ್ ಸಿಟಿಜನ್ಗಳಿಗೆ ಶೇ. 8ರಷ್ಟು ಬಡ್ಡಿ ಸಿಗುತ್ತದೆ.
ಇಂಡಿಯನ್ ಬ್ಯಾಂಕ್ನ ಈ ಎಫ್ಡಿಯಲ್ಲಿ ಕನಿಷ್ಠ ಮೊತ್ತ 10,000 ರೂ ಇದ್ದು, ಗರಿಷ್ಠ 2 ಕೋಟಿ ರೂವರೆಗೂ ಹೂಡಿಕೆ ಮಾಡಬಹುದು.
ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ