ಎಫ್​ಡಿಯಿಂದ ಮಾಸಿಕ ಆದಾಯ ಸೃಷ್ಟಿಸಲು ಸಾಧ್ಯವೇ? ನಿಶ್ಚಿತ ಠೇವಣಿ ಬಗ್ಗೆ ತಿಳಿಯಬೇಕಾದ ಕೆಲ ಸಂಗತಿಗಳು

ಭಾರತದಲ್ಲಿ ಅತಿ ಸಾಮಾನ್ಯವಾಗಿ ಬಳಕೆ ಆಗುವ ಹೂಡಿಕೆ ಮಾರ್ಗಗಳಲ್ಲಿ ಫಿಕ್ಸೆಡ್ ಡೆಪಾಸಿಟ್ (fixed deposit) ಪ್ರಮುಖವಾದುದು. ಮಾರುಕಟ್ಟೆ ವೈಪರೀತ್ಯಕ್ಕೆ ಒಳಪಡದ ಅವಧಿ ಠೇವಣಿ ಸ್ಕೀಮ್ ಇದಾದ್ದರಿಂದ ಆದಾಯ ಸ್ಥಿರ ಹಾಗೂ ನಿಶ್ಚಿತವಾಗಿರುತ್ತದೆ. ಸಾಮಾನ್ಯವಾಗಿ ಎಫ್​ಡಿಯಲ್ಲಿ ನಿಶ್ಚಿತ ಮೊತ್ತದ ಠೇವಣಿಯನ್ನು ನಿಶ್ಚಿತ ಅವಧಿಯವರೆಗೆ ಠೇವಣಿ ಇಡಲಾಗುತ್ತದೆ. ಮೆಚ್ಯೂರಿಟಿ ಬಳಿಕ ಬಡ್ಡಿ ಸೇರಿ ರಿಟರ್ನ್ ಸಿಗುತ್ತದೆ. ಆದರೆ, ಎಫ್​ಡಿಯಿಂದ ಮಾಸಿಕ ಆದಾಯವನ್ನೂ (FD monthly income) ಸೃಷ್ಟಿಸಲು ಸಾಧ್ಯವಿದೆ. ಎಫ್​ಡಿ ಮಾಸಿಕ ಆದಾಯ ಪ್ಲಾನ್​ನಿಂದ ಇದು ಸಾಧ್ಯವಾಗುತ್ತದೆ.

ಏನಿದು ನಿಶ್ಚಿತ ಠೇವಣಿ ಮಾಸಿಕ ಆದಾಯ ಯೋಜನೆ?

ನೀವು ಎಫ್​ಡಿ ಮಾಡಿಸುವಾಗ ಎರಡು ಆಯ್ಕೆಗಳಿರುತ್ತವೆ. ಒಂದು, ಕ್ಯುಮುಲೇಟಿವ್ ಎಫ್​ಡಿ; ಮತ್ತೊಂದು ನಾನ್ ಕ್ಯುಮುಲೇಟಿವ್ ಎಫ್​ಡಿ. ಕ್ಯುಮುಲೇಟಿವ್ ಎಫ್​ಡಿಯಲ್ಲಿ ಠೇವಣಿ ಹಣವು ಮೆಚ್ಯೂರಿಟಿ ಬಳಿಕ ಅಸಲು ಮತ್ತು ಬಡ್ಡಿ ಸಮೇತ ಮರಳುತ್ತದೆ.

ನಾನ್ ಕ್ಯುಮುಲೇಟಿವ್ ಎಫ್​ಡಿ ಪ್ಲಾನ್​ನಲ್ಲಿ ನಿಯಮಿತವಾಗಿ ನಿರ್ದಿಷ್ಟ ಮೊತ್ತದ ಹಣವನ್ನು ಖಾತೆದಾರರಿಗೆ ವರ್ಗಾಯಿಸಲಾಗುತ್ತದೆ. ಈ ಪೇಔಟ್ ಅವಧಿಯನ್ನು ತಿಂಗಳಿಗೊಮ್ಮೆಯೋ, ಮೂರು ತಿಂಗಳಿಗೊಮ್ಮೆಯೋ, ಆರು ತಿಂಗಳಿಗೊಮ್ಮೆಯೋ ಅಥವಾ ವರ್ಷಕ್ಕೊಮ್ಮೆಯೋ ಎಂದು ನಿಗದಿ ಮಾಡಬಹುದು. ಈ ಮೂಲಕ ಮಾಸಿಕ ಆದಾಯ ಸೃಷ್ಟಿಸಿಕೊಳ್ಳಬಹುದು.

ಇದನ್ನೂ ಓದಿ: Bank Nominee: ನಾಮಿನಿ ಯಾಕೆ ಬೇಕು? ಹತ್ತು ನಿಮಿಷ ಕೆಲಸಕ್ಕೆ ಹತ್ತಾರು ದಿನ ಅಲೆದಾಡಬೇಕಾದೀತು ಹುಷಾರ್

ಎಫ್​ಡಿ ಬಗ್ಗೆ ಈ ಕೆಲ ವಿಚಾರ ತಿಳಿದಿರಲಿ…

• ಟ್ಯಾಕ್ಸ್ ಸೇವರ್ ಎಫ್​ಡಿ ಖಾತೆಯನ್ನು ತೆರೆದರೆ ವರ್ಷಕ್ಕೆ ಒಂದೂವರೆ ಲಕ್ಷ ರೂವರೆಗಿನ ಹಣಕ್ಕೆ ತೆರಿಗೆ ವಿನಾಯಿತಿ ಪಡೆಯಬಹುದು.
• ಒಂದು ಹಣಕಾಸು ವರ್ಷದಲ್ಲಿ ಬಡ್ಡಿ ಆದಾಯ 40,000 ರೂಗಿಂತ ಹೆಚ್ಚಿದ್ದರೆ ಬ್ಯಾಂಕ್ ನೇರವಾಗಿ ಆ ಹಣಕ್ಕೆ ಶೇ. 10ರಷ್ಟು ಟಿಡಿಎಸ್ ಮುರಿದುಕೊಳ್ಳುತ್ತದೆ.
• ಎಫ್​ಡಿ ಆರಂಭಿಸುವುದು ಬಹಳ ಸುಲಭ. ಆನ್​ಲೈನ್​ನಲ್ಲೂ ಮಾಡಬಹುದು. ಪ್ರೋಸಸಿಂಗ್ ಶುಲ್ಕ ಇರುವುದಿಲ್ಲ.
• ಫಿಕ್ಸೆಡ್ ಡೆಪಾಸಿಟ್ ಹಣದ ಮೇಲೆ ಸಾಲ ಸೌಲಭ್ಯ ಸಿಗುತ್ತದೆ.
• ಅಗತ್ಯಿಬಿದ್ದರೆ ಒಂದಷ್ಟು ಶುಲ್ಕ ಅಥವಾ ದಂಡ ಪಾವತಿಸಿ ಎಫ್​ಡಿ ಖಾತೆಯನ್ನು ಅವಧಿಗೆ ಮುನ್ನ ನಿಲ್ಲಿಸಿ, ಹಣ ಪಡೆಯಬಹುದು.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ