SBI Scheme: ಎಸ್ಬಿಐನಲ್ಲಿ ಎನ್ಪಿಎಸ್ ಖಾತೆ ತೆರೆಯುವುದರಿಂದ ಹಲವು ಲಾಭಗಳು
Retirement Plan: ನ್ಯಾಷನಲ್ ಪೆನ್ಷನ್ ಸ್ಕೀಮ್ ಅನ್ನು ಕೇಂದ್ರ ಸರ್ಕಾರ ಮೊದಲಿಗೆ ತನ್ನ ಉದ್ಯೋಗಿಗಳಿಗೆಂದು ರೂಪಿಸಿದ್ದು. ಬಳಿಕ ಸಮಸ್ತ ನಾಗರಿಕರಿಗೂ ಈ ಸೌಲಭ್ಯ ವಿಸ್ತರಿಸಿದೆ. ಇದರಲ್ಲಿ ಸಿಗುವ ಲಾಭ ಸಂಪೂರ್ಣವಾಗಿ ತೆರಿಗೆ ಮುಕ್ತವಾಗಿರುತ್ತದೆ. ಟಯರ್ 1 ಖಾತೆಯಲ್ಲಿ ನೀವು ಹೂಡಿಕೆ ಮಾಡಿರುವ ಮೊತ್ತಕ್ಕೆ ಟ್ಯಾಕ್ಸ್ ಡಿಡಕ್ಷನ್ ಪಡೆಯಬಹುದು.
Updated on:Mar 24, 2023 | 6:21 PM
ನ್ಯಾಷನಲ್ ಪೆನ್ಷನ್ ಸ್ಕೀಮ್ ಬಗ್ಗೆ ನೀವು ಕೇಳಿರಬಹುದು. ಕೇಂದ್ರ ಸರ್ಕಾರ ಎಲ್ಲಾ ನಾಗರಿಕರ ಉಪಯೋಗಕ್ಕೆ ಮತ್ತು ಅವರ ಭವಿಷ್ಯದ ಭದ್ರತೆಗೆಂದು ರೂಪಿಸಿರುವ ಪಿಂಚಣಿ ವ್ಯವಸ್ಥೆಯಾಗಿದೆ. ಕೇಂದ್ರ ಸರ್ಕಾರಿ ಸ್ವಾಮ್ಯದ ಪೆನ್ಷನ್ ಫಂಡ್ ರೆಗ್ಯುಲೇಟರಿ ಡೆವಲಪ್ಮೆಂಟ್ ಅಥಾರಿಟಿ (PFRDA) ಈ ನ್ಯಾಷನಲ್ ಪೆನ್ಷನ್ ಸ್ಕೀಮ್ ಅನ್ನು ನಿರ್ವಹಿಸುತ್ತದೆ. ಈ ಯೋಜನೆಯನ್ನು ಹೊಂದಿರುವವರು ನಿಯಮಿತವಾಗಿ ಹಣ ಹೂಡಿಕೆ ಮಾಡಿ, ನಿವೃತ್ತರಾದ ಬಳಿಕ ಅದನ್ನು ಪಿಂಚಣಿಯಾಗಿ ಪಡೆದುಕೊಳ್ಳಬಹುದು. ನ್ಯಾಷನಲ್ ಪೆನ್ಷನ್ ಸ್ಕೀಮ್ (National Pension Scheme) ಅನ್ನು ವಿವಿಧ ಬ್ಯಾಂಕು ಮತ್ತು ಹಣಕಾಸು ಸಂಸ್ಥೆಗಳು ಒದಗಿಸುತ್ತವೆ. ಇದರಲ್ಲಿ ಎಸ್ಬಿಐನ ನ್ಯಾಷನಲ್ ಪೆನ್ಷನ್ ಸ್ಕೀಮ್ ಬಹಳ ಮಂದಿಯ ನೆಚ್ಚಿನ ಯೋಜನೆ ಎನಿಸಿದೆ. ಇದರಲ್ಲಿ ತೆರಿಗೆ ವಿನಾಯಿತಿ ಮತ್ತು ಅಧಿಕ ಬಡ್ಡಿ ಸೇರಿದಂತೆ ಹಲವು ಲಾಭಗಳನ್ನು ಸದಸ್ಯರು ಪಡೆಯಬಹುದಾಗಿದೆ.
ಎಸ್ಬಿಐನಲ್ಲಿಯಷ್ಟೇ ಅಲ್ಲ ಯಾವುದೇ ಎನ್ಪಿಎಸ್ ಖಾತೆಯಾದರೂ ಎರಡು ವಿಧ ಇರುತ್ತದೆ. ಟಯರ್ 1 ಮತ್ತು ಟಯರ್ 2 ಇರುತ್ತದೆ. ಎಸ್ಬಿಐನಲ್ಲಿ ಟಯರ್ 1 ಎನ್ಪಿಎಸ್ ಖಾತೆ ತೆರೆದರೆ ತೆರಿಗೆ ಲಾಭ ಸಿಗುತ್ತದೆ. ಇಲ್ಲಿ ಖಾತೆ ತೆರೆಯಲು ಬೇಕಾದ ಕನಿಷ್ಠ ಮೊತ್ತ 500 ರೂ ಇದೆ. ಒಂದು ವರ್ಷದಲ್ಲಿ ಕನಿಷ್ಠ 1,000 ರೂ ಆದರೂ ಹೂಡಿಕೆ ಮಾಡಬೇಕು.
ಇದನ್ನೂ ಓದಿ: Hallmark Gold: ಏಪ್ರಿಲ್ 1ರಿಂದ HUID ಸಂಖ್ಯೆ ಇಲ್ಲದ ಒಡವೆಗಳ ಮಾರಾಟ ಇಲ್ಲ; ಏನಿದು ಹೊಸ ಹಾಲ್ಮಾರ್ಕ್?
ಇನ್ನು ಎನ್ಪಿಎಸ್ನ ಟಯರ್ 2 ಖಾತೆ ಒಂದು ರೀತಿಯಲ್ಲಿ ಹೂಡಿಕೆಗೆಂದು ಮಾಡಿರುವ ವ್ಯವಸ್ಥೆ. ಇದು ತೆರಿಗೆ ಉಳಿತಾಯಕ್ಕೆ ಅವಕಾಶ ತರುವುದಿಲ್ಲ. ಈ ಟಯರ್ 2 ಎನ್ಪಿಎಸ್ ಖಾತೆ ತೆರೆಯಲು ಕನಿಷ್ಠ 1,000 ರೂ ಬೇಕು. ಈ ಟಯರ್ 2ಖಾತೆಯ ಪ್ರಯೋಜನ ಎಂದರೆ ನಾವು ಯಾವಾಗ ಬೇಕಾದರೂ ನಮ್ಮ ಹೂಡಿಕೆಯನ್ನು ವಾಪಸ್ ಪಡೆಯಬಹುದು.
ಟಯರ್ 2 ಎನ್ಪಿಎಸ್ ಖಾತೆಯ ತೆರಿಗೆ ಪ್ರಯೋಜನ ತಿಳಿದಿರಿ
ನ್ಯಾಷನಲ್ ಪೆನ್ಷನ್ ಸ್ಕೀಮ್ ಅನ್ನು ಕೇಂದ್ರ ಸರ್ಕಾರ ಮೊದಲಿಗೆ ತನ್ನ ಉದ್ಯೋಗಿಗಳಿಗೆಂದು ರೂಪಿಸಿದ್ದು. ಬಳಿಕ ಸಮಸ್ತ ನಾಗರಿಕರಿಗೂ ಈ ಸೌಲಭ್ಯ ವಿಸ್ತರಿಸಿದೆ. ಇದರಲ್ಲಿ ಸಿಗುವ ಲಾಭ ಸಂಪೂರ್ಣವಾಗಿ ತೆರಿಗೆ ಮುಕ್ತವಾಗಿರುತ್ತದೆ. ಟಯರ್ 1 ಖಾತೆಯಲ್ಲಿ ನೀವು ಹೂಡಿಕೆ ಮಾಡಿರುವ ಮೊತ್ತಕ್ಕೆ ಟ್ಯಾಕ್ಸ್ ಡಿಡಕ್ಷನ್ ಪಡೆಯಬಹುದು.
ಎಸ್ಬಿಐನ ಟಯರ್ 1 ಎನ್ಪಿಎಸ್ ಸ್ಕೀಮ್ನಲ್ಲಿ ಶೇ. 8.70ರಷ್ಟು ವಾರ್ಷಿಕ ಬಡ್ಡಿ ಸಿಗುತ್ತದೆ. ಇದು 5 ವರ್ಷದ ಅವಧಿಯಲ್ಲಿ ವರ್ಷವಾರು ಸಿಗುವ ಬಡ್ಡಿ.
ಎನ್ಪಿಎಸ್ ಖಾತೆ ಯಾರು ತೆರೆಯಬಹುದು?
ಆಗಲೇ ಹೇಳಿದಂತೆ ನ್ಯಾಷನಲ್ ಪೆನ್ಷನ್ ಸ್ಕೀಮ್ ಎಲ್ಲಾ ನಾಗರಿಕರಿಗೂ ಇರುವ ಯೋಜನೆಯಾಗಿದೆ. ಭಾರತೀಯ ಪ್ರಜೆಗಳೆಲ್ಲರೂ ಈ ಖಾತೆ ತೆರೆಯಬಹುದು. ಎನ್ಆರ್ಐಗಳೂ ಕೂಡ ಎನ್ಪಿಎಸ್ ಖಾತೆ ಹೊಂದರಬಹುದು. ವಯೋಮಿತಿ ಕನಿಷ್ಠ 18 ವರ್ಷ, ಗರಿಷ್ಠ 70 ವರ್ಷ ಇರಬೇಕು.
ಎನ್ಪಿಎಸ್ ಖಾತೆ ಯಾವಾಗ ನಿಲ್ಲಿಸಬಹುದು?
ನ್ಯಾಷನಲ್ ಪೆನ್ಷನ್ ಸ್ಕೀಮ್ನ ಸದಸ್ಯರು 60 ವರ್ಷ ವಯಸ್ಸಿನೊಳಗೆ ಎನ್ಪಿಎಸ್ ಖಾತೆಯಿಂದ ಹಣ ಹಿಂಪಡೆಯಲು ಸಾಧ್ಯ. ಆದರೆ, ಎನ್ಪಿಎಸ್ ಖಾತೆ ತೆರೆದು ಕನಿಷ್ಠ 5 ವರ್ಷ ಆಗಿರಬೇಕು. ನಿಧಿಯಲ್ಲಿರುವ ಒಟ್ಟು ಹಣದಲ್ಲಿ ಶೇ. 20ರಷ್ಟನ್ನು ಒಟ್ಟಿಗೆ ವಿತ್ಡ್ರಾ ಮಾಡಿಕೊಳ್ಳಬಹುದು. ಉಳಿದವನ್ನು ವಾರ್ಷಿಕ ಯೋಜನೆಗೆ ಹೂಡಿಕೆಯಾಗುತ್ತದೆ. ಈ ನಿಧಿಯಲ್ಲಿ 2.5 ಲಕ್ಷಕ್ಕಿಂತ ಕಡಿಮೆ ಹಣ ಇದ್ದರೆ ಆಗ ಎಲ್ಲವನ್ನೂ ಒಟ್ಟಿಗೆ ಹಿಂಪಡೆಯುವ ಅವಕಾಶ ಇರುತ್ತದೆ.
ಇದನ್ನೂ ಓದಿ: 7th Pay Commission: ಸರ್ಕಾರಿ ನೌಕರರಿಗೆ ಇನ್ನೊಂದು ವಾರಕ್ಕೆ ಖುಷಿ ಸುದ್ದಿ; ಕನಿಷ್ಠ ವೇತನದಲ್ಲಿ ಭರ್ಜರಿ ಏರಿಕೆ ಸಾಧ್ಯತೆ
ಇನ್ನು ಎನ್ಪಿಎಸ್ ಖಾತೆದಾರರ ವಯಸ್ಸು 60 ವರ್ಷ ಮುಟ್ಟಿದ್ದರೆ ಆಗ ಶೇ. 40ರಷ್ಟು ಹಣವನ್ನು ಆ್ಯನುಟಿ ಸ್ಕೀಮ್ಗೆ ಹೂಡಿಕೆ ಮಾಡಬೇಕಾಗುತ್ತದೆ. ಉಳಿದ ಹಣವನ್ನು ಬೇಕಿದ್ದರೆ ಒಟ್ಟಿಗೆ ವಿತ್ಡ್ರಾ ಮಾಡಿಕೊಳ್ಳಬಹುದು. ಅಥವಾ 75 ವರ್ಷ ವಯಸ್ಸಿನ ತನಕ ಹಂತ ಹಂತವಾಗಿ ಹಿಂಪಡೆಯಲು ಅವಕಾಶ ಇರುತ್ತದೆ. ಇದ್ಯಾವುದಕ್ಕೂ ತೆರಿಗೆ ಅನ್ವಯ ಆಗುವುದಿಲ್ಲ.
ಒಂದು ವೇಳೆ 60 ವರ್ಷ ವಯಸ್ಸಿನ ಚಂದಾದಾರರ ಎನ್ಪಿಎಸ್ ಖಾತೆಯಲ್ಲಿ 5 ಲಕ್ಷಕ್ಕಿಂತ ಕಡಿಮೆ ಹಣ ಇದ್ದರೆ ಅವರು ಆ ಇಡೀ ಮೊತ್ತವನ್ನು ಹಿಂಪಡೆಯಲು ಸಾಧ್ಯ.
ಇನ್ನಷ್ಟು ವ್ಯವಹಾರ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 6:21 pm, Fri, 24 March 23
