FD Interest rate: ಹಿರಿಯ ನಾಗರಿಕರ ಎಫ್ಡಿಗೆ ಶೇಕಡಾ 9ರ ವರೆಗೆ ಬಡ್ಡಿ ನೀಡುತ್ತಿದೆ ಈ ಬ್ಯಾಂಕ್
FD Interest rate; ಹಿರಿಯ ನಾಗರಿಕರ ಎಫ್ಡಿಗೆ ಶೇಕಡಾ 8.5ರ ವರೆಗೂ ಕೆಲವು ಬ್ಯಾಂಕ್ಗಳು ಬಡ್ಡಿ ನೀಡುತ್ತಿವೆ. ಆದರೆ, ಈ ಬ್ಯಾಂಕ್ ಹಿರಿಯ ನಾಗರಿಕರ ಎಫ್ಡಿ ಬಡ್ಡಿ ದರವನ್ನು ಶೇಕಡಾ 9ರ ವರೆಗೆ ಹೆಚ್ಚಳ ಮಾಡಿದೆ.
ಸ್ಥಿರ ಠೇವಣಿಯ (Fixed Deposit) ಬಡ್ಡಿ ದರವನ್ನು (Interest rate) ಇತ್ತೀಚೆಗಷ್ಟೇ ಅನೇಕ ಬ್ಯಾಂಕ್ಗಳು ಹೆಚ್ಚಿಸಿವೆ. ಎಲ್ಲ ಬ್ಯಾಂಕ್ಗಳೂ ಸಾಮಾನ್ಯ ಗ್ರಾಹಕರಿಗಿಂತ ಹಿರಿಯ ನಾಗರಿಕರಿಗೆ ಹೆಚ್ಚಿನ ಬಡ್ಡಿ ನೀಡುತ್ತಿವೆ. ಹಿರಿಯ ನಾಗರಿಕರ ಎಫ್ಡಿಗೆ ಶೇಕಡಾ 8.5ರ ವರೆಗೂ ಕೆಲವು ಬ್ಯಾಂಕ್ಗಳು ಬಡ್ಡಿ ನೀಡುತ್ತಿವೆ. ಆದರೆ, ಯುನಿಟಿ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಹಿರಿಯ ನಾಗರಿಕರ ಎಫ್ಡಿ ಬಡ್ಡಿ ದರವನ್ನು ಶೇಕಡಾ 9ರ ವರೆಗೆ ಹೆಚ್ಚಳ ಮಾಡಿದೆ. ಇತ್ತೀಚೆಗೆ ಆರಂಭಿಸಿದ್ದ ‘ಶಕುನ್’ ಸ್ಥಿರ ಠೇವಣಿ ಹೂಡಿಕೆ ಯೋಜನೆಯ ಯಶಸ್ಸಿನಿಂದ ಪ್ರೇರಣೆಗೊಂಡು ಬಡ್ಡಿ ದರ ಹೆಚ್ಚಳ ಮಾಡಿದೆ ಎಂದು ಬ್ಯಾಂಕ್ನ ಮೂಲಗಳು ತಿಳಿಸಿವೆ.
ಒಂದೇ ತಿಂಗಳಲ್ಲಿ ಎರಡನೇ ಬಾರಿ ಬಡ್ಡಿ ಹೆಚ್ಚಳ
ಒಂದು ವರ್ಷದ ವರೆಗೆ ಅಥವಾ 181 ಮತ್ತು 501 ದಿನಗಳ ಅವಧಿಯ ಹಿರಿಯ ನಾಗರಿಕರ ಎಫ್ಡಿಗೆ ಯುನಿಟಿ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ಈಗ ಶೇಕಡಾ 9ರ ಬಡ್ಡಿ ನೀಡುತ್ತಿದೆ. ಇತರ ಗ್ರಾಹಕರಿಗೆ 181 ಮತ್ತು 501 ದಿನಗಳ ಅವಧಿಯ ಎಫ್ಡಿಗೆ ಶೇಕಡಾ 8.50ರ ಬಡ್ಡಿ ದರದ ಕೊಡುಗೆ ನೀಡಿದೆ. ಇದರೊಂದಿಗೆ ಯುನಿಟಿ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ನವೆಂಬರ್ನಲ್ಲಿ ಎರಡನೇ ಬಾರಿ ಬಡ್ಡಿ ದರದಲ್ಲಿ ಪರಿಷ್ಕರಣೆ ಮಾಡಿದಂತಾಗಿದೆ.
2 ಕೋಟಿ ರೂ.ಗಿಂತ ಹೆಚ್ಚಿನ ಮೊತ್ತದ ಠೇವಣಿಗಳ ಬಡ್ಡಿ ದರವನ್ನೂ ಬ್ಯಾಂಕ್ ಹೆಚ್ಚಿಸಿದೆ. ಕಾಲೇಬಲ್ ಬಲ್ಕ್ ಡೆಪಾಸಿಟ್ಗಳಿಗೆ ವರ್ಷದ ಅವಧಿಗೆ ಶೇಕಡಾ 8ರ ಬಡ್ಡಿ ನೀಡುತ್ತಿದೆ. ನಾನ್ ಕಾಲೇಬಲ್ ಬಲ್ಕ ಡೆಪಾಸಿಟ್ಗಳಿಗೆ ಶೇಕಡಾ 8.10ರ ಬಡ್ಡಿ ನೀಡುತ್ತಿದೆ.
ಉಳಿತಾಯ ಖಾತೆಗೂ ಹೆಚ್ಚಿನ ಬಡ್ಡಿ
ಉಳಿತಾಯ ಖಾತೆಯಲ್ಲಿರುವ ಹಣಕ್ಕೂ ಈ ಬ್ಯಾಂಕ್ ವಾರ್ಷಿಕ ಶೇಕಡಾ 7ರ ಬಡ್ಡಿ ನೀಡುತ್ತಿದೆ. 1 ಲಕ್ಷ ರೂ.ಗಿಂತ ಹೆಚ್ಚಿನ ಮೊತ್ತದ ಉಳಿತಾಯಕ್ಕೆ ವಾರ್ಷಿಕ ಶೇಕಡಾ 6ರಷ್ಟು ಬಡ್ಡಿ ನೀಡುತ್ತಿದೆ.
ಅವಧಿಗೂ ಮುನ್ನ ವಿತ್ಡ್ರಾ ಮಾಡುವುದಾದರೆ…
ಅವಧಿಗೂ ಮುನ್ನ ಎಫ್ಡಿ ಹಿಂಪಡೆಯುವುದಾದರೆ ಬಡ್ಡಿ ದರದಲ್ಲಿ ಶೇಕಡಾ 1ರಷ್ಟು ಕಡಿತ ಮಾಡಲಾಗುವುದು. ಎಲ್ಲಿಯವರೆಗೆ ಠೇವಣಿ ಇಟ್ಟಿರುತ್ತೇವೆಯೋ ಆ ಅವಧಿಯ ವರೆಗೆ ಲೆಕ್ಕಾಚಾರ ಹಾಕಿ ಬಡ್ಡಿಯಲ್ಲಿ ಶೇಕಡಾ 1ರ ಕಡಿತ ಮಾಡಲಾಗುತ್ತದೆ ಯುನಿಟಿ ಬ್ಯಾಂಕ್ ಪ್ರಕಟಣೆ ತಿಳಿಸಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿ ಓದಲು ಇಲ್ಲಿ ಕ್ಲಿಕ್ ಮಾಡಿ