ಭಾರತದಲ್ಲಿ ಸ್ಟಾರ್ಟಪ್ಗಳಿಗೆಂದೇ ಹೊಸ ಅಡ್ಡೆ ನಿರ್ಮಿಸಲು ಪ್ಲಾನ್; ಸ್ಟಾರ್ಟಪ್ ನಗರಿ ಎಂಬ ಬೆಂಗಳೂರಿನ ಗರಿ ಕಳಚುತ್ತಾ?
Piyush Goyal wants new township to be built for startups: ಭಾರತದಲ್ಲಿ ಅತಿಹೆಚ್ಚು ಸ್ಟಾರ್ಟಪ್ಗಳಿರುವ ಮತ್ತು ಪ್ರಮುಖ ಉದ್ದಿಮೆಗಳು ನೆಲಸಿರುವ ಬೆಂಗಳೂರು ಬಿಟ್ಟು ಬೇರೆಡೆ ಹೊಚ್ಚಹೊಸ ಸ್ಟಾರ್ಟಪ್ ಟೌನ್ಶಿಪ್ ನಿರ್ಮಿಸುವ ಆಲೋಚನೆಯನ್ನು ಕೇಂದ್ರ ಸಚಿವ ಪೀಯೂಶ್ ಗೋಯಲ್ ತೋರ್ಪಡಿಸಿದ್ದಾರೆ. ಈ ಅಡ್ಡೆಯಲ್ಲಿ ಯಾವುದೇ ಸ್ಟಾರ್ಟಪ್ ಐಡಿಯಾ ಇರುವವರು ಬಂದು ನೆರವು ಪಡೆಯಲು ಸಾಧ್ಯವಾಗುವಂತಾಗಬೇಕು ಎನ್ನುವುದು ಸಚಿವರ ಅನಿಸಿಕೆ.
ನವದೆಹಲಿ, ಸೆಪ್ಟೆಂಬರ್ 17: ಭಾರತದಲ್ಲಿ ಸ್ಟಾರ್ಟಪ್ಗಳ ಅನುಕೂಲತೆಗೆ ಹೊಸ ಟೌನ್ಶಿಪ್ ಸ್ಥಾಪಿಸಲು ಸರ್ಕಾರ ಯೋಜಿಸುತ್ತಿದೆ. ನಿನ್ನೆ ಸೋಮವಾರ ದೆಹಲಿಯಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಮಾತನಾಡುತ್ತಿದ್ದ ಕೇಂದ್ರ ವಾಣಿಜ್ಯ ಮತ್ತು ಉದ್ಯಮ ಸಚಿವ ಪೀಯೂಶ್ ಗೋಯಲ್, ಹೊಚ್ಚ ಹೊಸ ಸ್ಥಳದಲ್ಲಿ ಸ್ಟಾರ್ಟಪ್ಗಳಿಗೆ ಸರ್ವೋಪಯೋಗಿ ಎನಿಸುವ ಅಡ್ಡೆಯೊಂದನ್ನು ನಿರ್ಮಿಸುವ ಪ್ರಸ್ತಾಪ ಮಾಡಿದ್ದಾರೆ. ಭಾರತದ್ದೇ ಒಂದು ಸಿಲಿಕಾನ್ ವ್ಯಾಲಿ ನಿರ್ಮಿಸುವ ಮಾತುಗಳನ್ನಾಡಿದ್ದಾರೆ. ಹಾಗಾದರೆ, ಸಿಲಿಕಾನ್ ಸಿಟಿ ಎನಿಸಿರುವ ಬೆಂಗಳೂರು ಪ್ರಾಧಾನ್ಯತೆ ಕಳೆದುಕೊಳ್ಳುತ್ತಾ?
‘ನಾವು ಸೀಮೆ ದಾಟಿ ಹೋಗುವುದು ಆಕಾಂಕ್ಷೆಯಾಗಬೇಕು. ನಮ್ಮದೇ ಆದಂಥ ಸಿಲಿಕಾನ್ ವ್ಯಾಲಿ ಸ್ಥಾಪಿಸಲು ಬಯಸಬೇಕು. ಬೆಂಗಳೂರು ಭಾರತದ ಸಿಲಿಕಾನ್ ವ್ಯಾಲಿ ಎನಿಸಿರುವುದು ನನಗೆ ಗೊತ್ತು. ಆದರೆ, ನ್ಯಾಷನಲ್ ಇನ್ಫ್ರಾಸ್ಕ್ರಕ್ಚರ್ ಕಾರಿಡಾರ್ ಡೆವಲಪ್ಮೆಂಟ್ ಕಾರ್ಪೊರೇಶನ್ ಜೊತೆಗೂಡಿ ಆಂಟ್ರಪ್ರನ್ಯೂರ್ಗಳು, ಸ್ಟಾರ್ಟಪ್ಗಳು, ಇನ್ನೋವೇಟರ್ಗಳು ಮತ್ತು ಡಿಸ್ರಪ್ಟರ್ಗಳಿಗೆಂದೇ ಕೇಂದ್ರಿತವಾಗಿರುವ ಹೊಸ ಟೌನ್ಶಿಪ್ವೊಂದನ್ನು ಸ್ಥಾಪಿಸಲು ಯೋಜಿಸುವ ಸಮಯ ಬಂದಿದೆ’ ಎಂದು ಪಿಯೂಶ್ ಗೋಯಲ್ ಹೇಳಿದ್ದಾರೆ.
ಇದನ್ನೂ ಓದಿ: ಅನಿಲ್ ಅಂಬಾನಿಯ ಎರಡು ಕಂಪನಿಗಳ ಷೇರುಬೆಲೆ ಏರುಗತಿಯಲ್ಲಿ; ರಿಲಾಯನ್ಸ್ ಪವರ್ಗೆ ಸಿಕ್ಕಿದೆ ಹೊಸ ಗುತ್ತಿಗೆ
ಕೇಂದ್ರ ಸಚಿವರು ಯಾವ ರಾಜ್ಯದಲ್ಲಿ ಅಥವಾ ನಗರದಲ್ಲಿ ಅವರ ಪರಿಕಲ್ಪನೆಯ ಸಿಲಿಕಾನ್ ವ್ಯಾಲಿ ಸ್ಥಾಪನೆಯಾಗಬೇಕು ಎಂದು ತಿಳಿಸಲಿಲ್ಲ. ಆದರೆ, 500 ಎಕರೆ ಪ್ರದೇಶದಲ್ಲಿ ಈ ಸ್ಟಾರ್ಟಪ್ಸ್ ಅಡ್ಡೆ ಇರಬೇಕು ಎನ್ನುವುದು ಅವರ ಸಲಹೆ.
‘ಇಡೀ 200 ಎಕರೆ, ಅಥವಾ 100 ಅಥವಾ 500 ಎಕರೆ ಪ್ರದೇಶದಲ್ಲಿ ಒಂದು ಸೊಸೈಟಿ ನಿರ್ಮಿಸಲು ಸಾಧ್ಯವಾ. ಎಲ್ಲಾ ರೀತಿಯ ನೆರವು ಸಿಗಬಲ್ಲಂತಹ ಇಂದು ಇಕೋ ಸಿಸ್ಟಂ ತಯಾರಿಸಲು ಸಾಧ್ಯವಾ… ಅಥವಾ ಹಿಂದೆಲ್ಲಾ ಜನರು ಮುಂಬೈಗೆ ಕೆಲಸ ಅರಸಿ ಬರುತ್ತಿರುವ ರೀತಿಯಲ್ಲಿ, ಯಾರಾದರೂ ಕೂಡ ಯಾವುದೂ ಸ್ಟಾರ್ಟಪ್ ಐಡಿಯಾವನ್ನು ತಲೆಯಲ್ಲಿ ಇಟ್ಟುಕೊಂಡು ದೂರದ ಜಾಗದಿಂದ ಬಂದು ನೆರವು ಪಡೆಯಲು ಸಾಧ್ಯವಾಗುವಂತಹ ಸ್ಥಳ ನಿರ್ಮಿಸಲು ಸಾಧ್ಯವಾ, ಆ ನಿಟ್ಟಿನಲ್ಲಿ ಯೋಚಿಸಬೇಕು,’ ಎಂದು ಪೀಯೂಶ್ ಗೋಯಲ್ ತಮ್ಮ ಮನದ ಅಭಿಪ್ರಾಯವನ್ನು ತೋರ್ಪಡಿಸಿದ್ದಾರೆ.
ಇದನ್ನೂ ಓದಿ: 1,900 ಕೋಟಿ ರೂಗೆ ಕಟ್ಟಿದ ರಸ್ತೆಗೆ 8,000 ಕೋಟಿ ರೂ ಟೋಲ್? ನಿತಿನ್ ಗಡ್ಕರಿ ಉತ್ತರ ಇದು
ಭಾರತದಲ್ಲಿ ಒಂದು ಲಕ್ಷಕ್ಕೂ ಹೆಚ್ಚು ನೊಂದಾಯಿತ ಸ್ಟಾರ್ಟಪ್ಗಳಿವೆ. ಬೆಂಗಳೂರಿನಲ್ಲೇ ಅತಿಹೆಚ್ಚು ಸ್ಟಾರ್ಟಪ್ಗಳು ನೆಲಸಿವೆ. ಬಹಳ ವೈಬ್ರೆಂಟ್ ಆದ ಸ್ಟಾರ್ಟಪ್ ಇಕೋಸಿಸ್ಟಂಗಳನ್ನು ಹೊಂದಿರುವ ದೇಶಗಳಲ್ಲಿ ಭಾರತವೂ ಒಂದು. ಹೊಸ ಉದ್ದಿಮೆಗಳ ಉತ್ತೇಜನಕ್ಕೆ ಸರ್ಕಾರ ಸಾಕಷ್ಟು ಕ್ರಮಗಳನ್ನು ಕೈಗೊಳ್ಳುತ್ತಿದೆ. ಬಿಸಿನೆಸ್ ವಾತಾವರಣ ಸುಲಭಗೊಳಿಸಲು ಭಾಸ್ಕರ್ ಪೋರ್ಟಲ್ ಸೇರಿದಂತೆ ಬಹಳಷ್ಟು ಪ್ರಯತ್ನಗಳು ಸರ್ಕಾರದ ವತಿಯಿಂದ ಆಗುತ್ತಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ