Post office MIS: ಕೆಲವೇ ಲಕ್ಷ ಹೂಡಿಕೆ, ತಿಂಗಳಿಗೆ 9,250 ರೂವರೆಗೆ ಆದಾಯ; ಇದು ಪೋಸ್ಟ್ ಆಫೀಸ್ MIS ಸ್ಕೀಮ್

ಖಾಸಗಿ ಬ್ಯಾಂಕುಗಳ ಬಡ್ಡಿ ದರಗಳಲ್ಲಿ ಏರಿಳಿತ ಕಂಡುಬರುತ್ತಿರುವ ಈ ಸಮಯದಲ್ಲಿ, ಸುರಕ್ಷಿತ ಹಾಗೂ ಸ್ಥಿರ ಆದಾಯವನ್ನು ಬಯಸುವ ಮಧ್ಯಮ ವರ್ಗದ ಜನರಿಗೆ ಮತ್ತು ಹಿರಿಯ ನಾಗರಿಕರಿಗೆ ಅಂಚೆ ಕಚೇರಿಯ ‘ಮಾಸಿಕ ಆದಾಯ ಯೋಜನೆ’ (POMIS- Post Office Monthly Income Scheme) ಹೊಸ ಭರವಸೆಯಾಗಿದೆ.

ಕೇಂದ್ರ ಸರ್ಕಾರವು ಈ ಯೋಜನೆಗೆ ಪ್ರಸ್ತುತ ಶೇ. 7.4 ರಷ್ಟು ಆಕರ್ಷಕ ಬಡ್ಡಿ ದರವನ್ನು ನೀಡುತ್ತಿದ್ದು, ಹೂಡಿಕೆದಾರರು ತಮ್ಮ ಉಳಿತಾಯದ ಮೇಲೆ ಪ್ರತಿ ತಿಂಗಳು ಖಚಿತ ಆದಾಯ ಪಡೆಯಬಹುದಾಗಿದೆ. ಉದಾಹರಣೆಗೆ, ಜಂಟಿ ಖಾತೆಯಲ್ಲಿ ಗರಿಷ್ಠ ಮಿತಿಯಾದ ₹15 ಲಕ್ಷ ರೂಪಾಯಿ ಹೂಡಿಕೆ ಮಾಡಿದರೆ, ಪ್ರತಿ ತಿಂಗಳು ಸರಿಸುಮಾರು ₹9,250 ಗಳ ಮಾಸಿಕ ಬಡ್ಡಿಯನ್ನು ನಿಯಮಿತವಾಗಿ ಪಡೆಯಬಹುದು. 5 ವರ್ಷಗಳ ಪೂರ್ಣ ಅವಧಿಯ ನಂತರ ನಿಮ್ಮ ಮೂಲ ಹೂಡಿಕೆ ಮೊತ್ತ ಸುರಕ್ಷಿತವಾಗಿ ಹಿಂತಿರುಗುತ್ತದೆ.

ಸುರಕ್ಷಿತ ಹೂಡಿಕೆಯೊಂದಿಗೆ ಯಾವುದೇ ಮಾರುಕಟ್ಟೆ ಅಪಾಯವಿಲ್ಲದೆ (Market Risk) ಮಾಸಿಕ ಖರ್ಚುಗಳನ್ನು ನಿಭಾಯಿಸಲು ಬಯಸುವವರಿಗೆ ಈ ಯೋಜನೆ ಅತ್ಯಂತ ಸೂಕ್ತವಾಗಿದೆ. ಸಮೀಪದ ಅಂಚೆ ಕಚೇರಿಗೆ ಭೇಟಿ ನೀಡಿ ಆಧಾರ್, ಪಾನ್ ಕಾರ್ಡ್ ಹಾಗೂ ಭಾವಚಿತ್ರ ನೀಡಿ ಸುಲಭವಾಗಿ ಈ ಖಾತೆಯನ್ನು ತೆರೆಯಬಹುದು.

ಇದನ್ನೂ ಓದಿ: ಸಾಲಕ್ಕೆ ಶೂರಿಟಿ ನೀಡುವುದರಿಂದ ಏನು ಸಮಸ್ಯೆ? ಸಾಲ ತೀರಿದರೆ ನಿಮ್ಮ ಕ್ರೆಡಿಟ್ ಸ್ಕೋರ್ ಹೆಚ್ಚುತ್ತಾ?

ಪೋಸ್ಟ್ ಆಫೀಸ್ ಎಂಐಎಸ್ ಸ್ಕೀಮ್​ನ ಪ್ರಮುಖ ವಿವರಗಳು ಹಾಗೂ ಫೀಚರ್​ಗಳು

• ಹೂಡಿಕೆ ಅವಧಿ: 5 ವರ್ಷಗಳು
• ಬಡ್ಡಿ ದರ: ಶೇ. 7.4% (ವಾರ್ಷಿಕ ಬಡ್ಡಿ ದರ)
• ಕನಿಷ್ಠ ಹೂಡಿಕೆ: ₹1,000 ಹಾಗೂ ಅದಕ್ಕೂ ಹೆಚ್ಚು
• ಗರಿಷ್ಠ ಹೂಡಿಕೆ ಮಿತಿ: ವೈಯಕ್ತಿಕ ಖಾತೆಯಾದರೆ ಗರಿಷ್ಠ ₹9 ಲಕ್ಷ, ಜಂಟಿ ಖಾತೆಯಾದರೆ ಗರಿಷ್ಠ ₹15 ಲಕ್ಷ ಹೂಡಿಕೆಗೆ ಅವಕಾಶ
• ಅರ್ಹತೆ: ಭಾರತೀಯ ಪ್ರಜೆಯಾಗಿರಬೇಕು. 10 ವರ್ಷ ಮೇಲ್ಪಟ್ಟ ಅಪ್ರಾಪ್ತರ ಹೆಸರಿನಲ್ಲಿಯೂ ಖಾತೆ ತೆರೆಯಬಹುದು.

ಪೋಸ್ಟ್ ಆಫೀಸ್ ಮಾಸಿಕ ಆದಾಯ ಯೋಜನೆಯ ಪ್ರಯೋಜನಗಳು

• ಸಂಪೂರ್ಣ ಸುರಕ್ಷತೆ: ಇದು ಭಾರತ ಸರ್ಕಾರದಿಂದ ನಡೆಸಲ್ಪಡುವ ಯೋಜನೆಯಾಗಿರುವುದರಿಂದ ಹೂಡಿಕೆಗೆ 100% ಸುರಕ್ಷತೆ ಇರುತ್ತದೆ.
• ಖಚಿತ ಮಾಸಿಕ ಆದಾಯ: ನಿಗದಿತ ಬಡ್ಡಿ ಹಣ ಪ್ರತಿ ತಿಂಗಳು ನೇರವಾಗಿ ನಿಮ್ಮ ಅಂಚೆ ಕಚೇರಿ ಉಳಿತಾಯ ಖಾತೆಗೆ ಜಮಾ ಆಗುತ್ತದೆ.
• ಖಾತೆ ವರ್ಗಾವಣೆ ಸೌಲಭ್ಯ: ದೇಶದ ಯಾವುದೇ ಅಂಚೆ ಕಚೇರಿಗೆ ಖಾತೆಯನ್ನು ಸುಲಭವಾಗಿ ವರ್ಗಾಯಿಸಬಹುದು.

ಎಂಐಎಸ್ ಬಡ್ಡಿಹಣದ ಮರುಹೂಡಿಕೆ ಮಾಡಿ…

ಅಂಚೆ ಕಚೇರಿ ಎಂಐಎಸ್ ಯೋಜನೆಯಲ್ಲಿ ಸಿಗುವ ಮಾಸಿಕ ಬಡ್ಡಿ ಹಣದಲ್ಲಿ ಸ್ವಲ್ಪ ಭಾಗವನ್ನೋ ಅಥವಾ ಪೂರ್ತಿ ಭಾಗವನ್ನೋ ಅಂಚೆ ಕಚೇರಿಯ ಆರ್‌ಡಿ (RD – Recurring Deposit) ಖಾತೆಗೆ ಮರುಹೂಡಿಕೆ ಮಾಡಿ ಹೆಚ್ಚುವರಿ ಲಾಭ ಪಡೆಯಬಹುದು. ಇದರಿಂದ ಉಳಿತಾಯದಲ್ಲಿ ಉಳಿತಾಯ ಸಾಧನೆ ಮಾಡಬಹುದು. ಆ ಆರ್​ಡಿ ಅಕೌಂಟ್ ಮೆಚ್ಯೂರ್ ಆದಾಗ, ಅದರ ಹಣ ಹಾಗೂ ಎಂಐಎಸ್​ನ ಮೂಲ ಠೇವಣಿ ಹಣ ಎರಡನ್ನೂ ಸೇರಿಸಿ ಹೊಸದಾಗಿ ಎಂಐಎಸ್ ಸ್ಕೀಮ್​ನಲ್ಲಿ ಡೆಪಾಸಿಟ್ ಇಡಬಹುದು.

ಇದನ್ನೂ ಓದಿ:ಹತ್ತು ವರ್ಷದಲ್ಲಿ 5 ಕೋಟಿ ರೂ ಗುರಿ ಮುಟ್ಟಲು ತಿಂಗಳಿಗೆ ಎಷ್ಟು ಹೂಡಿಕೆ ಬೇಕು? ಇಲ್ಲಿದೆ ಲೆಕ್ಕಾಚಾರ

ಎಂಐಎಸ್ ಯೋಜನೆ: ಅವಧಿಗೂ ಮುನ್ನ ಖಾತೆ ಬಂದ್ ಮಾಡುವುದು

• ಖಾತೆ ತೆರೆದ 1 ವರ್ಷದವರೆಗೆ ಹಣ ಹಿಂಪಡೆಯಲು ಅವಕಾಶವಿಲ್ಲ.
• 1 ರಿಂದ 3 ವರ್ಷಗಳ ಒಳಗೆ ಖಾತೆ ಬಂದ್ ಮಾಡಿದರೆ, ಠೇವಣಿ ಮೊತ್ತದಿಂದ 2% ಕಡಿತಗೊಳಿಸಲಾಗುತ್ತದೆ.
• 3 ರಿಂದ 5 ವರ್ಷಗಳ ಒಳಗೆ ಖಾತೆ ಬಂದ್ ಮಾಡಿದರೆ, ಠೇವಣಿ ಮೊತ್ತದಿಂದ 1% ಕಡಿತಗೊಳಿಸಲಾಗುತ್ತದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ