ಯುಪಿಐ ಬಳಸಿ ಕ್ಯಾಷ್ ಡೆಪಾಸಿಟ್; ಪಿಪಿಐನಿಂದ ಹಣ ಪಾವತಿಸಲು ಥರ್ಡ್ ಪಾರ್ಟಿ ಯುಪಿಐ ಆ್ಯಪ್ ಬಳಕೆ; ಇಲ್ಲಿದೆ ಆರ್​ಬಿಐ ಘೋಷಣೆಗಳು

ನವದೆಹಲಿ, ಏಪ್ರಿಲ್ 5: ಯುಪಿಐ ಮೂಲಕ ಕೆಲ ಎಟಿಎಂಗಳಲ್ಲಿ ಹಣ ವಿತ್​ಡ್ರಾ ಮಾಡುವ ಅವಕಾಶ ಪಡೆದಿದ್ದೇವೆ. ಅದೇ ರೀತಿ, ಯುಪಿಐ ಬಳಸಿ ಕ್ಯಾಷ್ ಡೆಪಾಸಿಟ್ (cash deposit through UPI) ಮಾಡುವ ಅವಕಾಶವೂ ಸಿಕ್ಕಿದೆ. ಎಂಪಿಸಿ ಸಭೆ ಬಳಿಕ ಆರ್​ಬಿಐ ಗವರ್ನರ್ ಶಕ್ತಿಕಾಂತ ದಾಸ್ ಈ ಸೌಲಭ್ಯವನ್ನು ಘೋಷಿಸಿದ್ದಾರೆ. ಕ್ಯಾಷ್ ಡೆಪಾಸಿಟ್ ಮೆಷಿನ್​ಗಳಲ್ಲಿ (ಸಿಡಿಎಂ) ಎಟಿಎಂ ಕಾರ್ಡ್ ಬಳಸಿ ನೀವು ನಿಮ್ಮ ಖಾತೆಗೆ ಕ್ಯಾಷ್ ಡೆಪಾಸಿಟ್ ಮಾಡಬಹುದು. ಈಗ ಇದರ ಜೊತೆಗೆ ಯುಪಿಐ ಮೂಲಕ ಈ ಮೆಷಿನ್​ಗಳಿಗೆ ಲಾಗಿನ್ ಆಗಿ ಕ್ಯಾಷ್ ಡೆಪಾಸಿಟ್ ಮಾಡಬಹುದು. ಈ ಬಗ್ಗೆ ಹೆಚ್ಚಿನ ಮಾಹಿತಿ ಅಥವಾ ಮಾರ್ಗಸೂಚಿಯನ್ನು ಆರ್​ಬಿಐ ಸದ್ಯದಲ್ಲೇ ಬಹಿರಂಗಪಡಿಸಲಿದೆ.

ಸಿಡಿಎಂ ಬಳಕೆಯನ್ನು ಜನಪ್ರಿಯಗೊಳಿಸಲು ಆರ್​ಬಿಐ ಈ ಕ್ರಮ ಜಾರಿ ಮಾಡಿರುವ ಸಾಧ್ಯತೆ ಇದೆ. ಬ್ಯಾಂಕ್ ಕಚೇರಿಗಳಲ್ಲಿ ನೀವು ಕ್ಯಾಷ್ ಡೆಪಾಸಿಟ್ ಮೆಷಿನ್​ಗಳನ್ನು ಕಾಣಬಹುದು. ಕೆಲ ನಿರ್ದಿಷ್ಟ ಎಟಿಎಂ ಸೆಂಟರ್​ಗಳಲ್ಲೂ ಸಿಡಿಎಂಗಳಿರುತ್ತವೆ. ಇದರಿಂದ ಬ್ಯಾಂಕುಗಳಲ್ಲಿ ಸರದಿಯಲ್ಲಿ ನಿಂತು ಕ್ಯಾಷ್ ಡೆಪಾಸಿಟ್ ಮಾಡುವಾಗ ಸಮಯ ವ್ಯಯ ಆಗುವುದನ್ನು ಸಿಡಿಎಂ ಮೂಲಕ ತಪ್ಪಿಸಬಹುದು. ಬ್ಯಾಂಕ್ ಕಚೇರಿ ಬಾಗಿಲು ಹಾಕಿದರೂ ಈ ಸಿಡಿಎಂಗಳು ತೆರೆದಿರುತ್ತವೆ. ಇದರಿಂದ ಗ್ರಾಹಕರಿಗೆ ಅನುಕೂಲ ಆಗುತ್ತದೆ.

ಇದನ್ನೂ ಓದಿ: ರೆಪೋ ದರದಲ್ಲಿ ಬದಲಾವಣೆ ಇಲ್ಲ; ಶೇ. 6.5ರ ಬಡ್ಡಿದರ ಮುಂದುವರಿಕೆ

ಆರ್​ಬಿಐನಿಂದ ಇತರ ಸ್ಕೀಮ್​ಗಳ ಘೋಷಣೆ

ಇಂಟರ್ನ್ಯಾಷನಲ್ ಫೈನಾನ್ಷಿಯಲ್ ಸರ್ವಿಸಸ್ ಸೆಂಟರ್​ನಲ್ಲಿ (ಐಎಫ್​ಎಸ್​ಸಿ) ಸಾವರೀನ್ ಗೋಲ್ಡ್ ಬಾಂಡ್​ಗಳನ್ನು ಖರೀದಿಸಲು ಮತ್ತು ಮಾರಾಟ ಮಾಡಲು ಸ್ಕೀಮ್ ಆರಂಭಿಸಲಾಗುತ್ತಿದೆ.

ರೀಟೇಲ್ ಡೈರೆಕ್ಟ್ ಸ್ಕೀಮ್: ಮೊಬೈಲ್ ಆ್ಯಪ್

ಗವರ್ನ್ಮೆಂಟ್ ಸೆಕ್ಯೂರಿಟಿಗಳಲ್ಲಿ ರೀಟೇಲ್ ಹೂಡಿಕೆದಾರರು ಹೂಡಿಕೆ ಮಾಡಲು ರೀಟೇಲ್ ಡೈರೆಕ್ಟ್ ಸ್ಕೀಮ್ ಅನ್ನು 2020ರಲ್ಲಿ ಆರಂಭಿಸಲಾಗಿದೆ. ಇದರ ಅಧಿಕೃತ ಪೋರ್ಟಲ್ ಇದೆ. ಇದೀಗ ಮೊಬೈಲ್ ಆ್ಯಪನ್ನೂ ಆರ್​ಬಿಐ ಬಿಡುಗಡೆ ಮಾಡಿದೆ.

ಇದನ್ನೂ ಓದಿ: ಆರ್​ಬಿಐನ ರೀಟೇಲ್ ಡೈರೆಕ್ಟ್ ಸ್ಕೀಮ್​ಗಾಗಿ ಮೊಬೈಲ್ ಆ್ಯಪ್ ಬಿಡುಗಡೆ; ಏನಿದು ಸ್ಕೀಮ್, ಇಲ್ಲಿದೆ ಡೀಟೇಲ್ಸ್

ಥರ್ಡ್ ಪಾರ್ಟಿ ಆ್ಯಪ್ ಮೂಲಕ ಪಿಪಿಐನಿಂದ ಯುಪಿಐ ಪಾವತಿ

ಪೇಟಿಎಂ, ಫೋನ್​ಪೆ ಇತ್ಯಾದಿ ಪ್ರೀಪೇಡ್ ಪೆಮೆಂಟ್ ಇನ್ಸ್​ಟ್ರುಮೆಂಟ್ಸ್​ನಿಂದ (ಪಿಪಿಐ) ಯುಪಿಐ ಪಾವತಿ ಮಾಡಬೇಕಾದರೆ ಆ ಪಿಪಿಐಗಳ ಪ್ಲಾಟ್​ಫಾರ್ಮ್ ಅನ್ನು ಬಳಸಬೇಕಾಗುತ್ತದೆ. ಇದೀಗ ಥರ್ಡ್ ಪಾರ್ಟಿ ಯುಪಿಐ ಆ್ಯಪ್​ಗಳನ್ನು ಇದಕ್ಕಾಗಿ ಬಳಸಲು ಅವಕಾಶ ಕೊಡಲು ಆರ್​ಬಿಐ ನಿರ್ಧರಿಸಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ