SBI FD vs Post Office FD: ಎಸ್ಬಿಐ ವರ್ಸಸ್ ಪೋಸ್ಟ್ ಆಫೀಸ್ ಎಫ್ಡಿ ಬಡ್ಡಿ ದರದಲ್ಲಿ ಯಾವುದು ಉತ್ತಮ ಆಯ್ಕೆ
ಫಿಕ್ಸೆಡ್ ಡೆಪಾಸಿಟ್ಸ್ ಹೂಡಿಕೆಗೆ ಅತ್ಯುತ್ತಮ ಇನ್ಸ್ಟ್ರುಮೆಂಟ್. ಭಾರತದ ಮಧ್ಯಮ ವರ್ಗದ ಹೆಚ್ಚಿನ ಜನರು ಇದರಲ್ಲಿ ಹೂಡಿಕೆ ಮಾಡುವುದಕ್ಕೆ ಬಯಸುತ್ತಾರೆ. ಎಸ್ಬಿಐ ವರ್ಸಸ್ ಪೋಸ್ಟ್ ಆಫೀಸ್ ಇವೆರಡರ ಪೈಕಿ ಎಫ್ಡಿ ಹೂಡಿಕೆಗೆ ಯಾವುದು ಉತ್ತಮ ಎಂಬ ಮಾಹಿತಿ ಇಲ್ಲಿದೆ.
ಭಾರತದ ಮಧ್ಯಮ ವರ್ಗದವರ ಪಾಲಿಗೆ ಬಹಳ ಹಿಂದಿನಿಂದಲೂ ಫಿಕ್ಸೆಡ್ ಡೆಪಾಸಿಟ್ಸ್ (Fixed Deposits) ಮೊದಲ ಆಯ್ಕೆಯ ಹೂಡಿಕೆ ಆಗಿದೆ. ಏನೇ ಕಡಿಮೆ ರಿಟರ್ನ್ ಅಂತಾದರೂ ಇತರ ಹೂಡಿಕೆ ಆಯ್ಕೆಗಳಿಗೆ ಹೋಲಿಸಿದಲ್ಲಿ ಅಪಾಯ ಇಲ್ಲ ಎಂಬ ಕಾರಣದಿಂದಲೇ ಎಫ್.ಡಿ. ಆದ್ಯತೆ ಆಗಿದೆ. ಗ್ರಾಹಕರಿಗೆ ಅಗತ್ಯಕ್ಕೆ ತಕ್ಕಂತೆ ಅಲ್ಪಾವಧಿಗೋ ಅಥವಾ ದೀರ್ಘಾವಧಿಗೋ ಫಿಕ್ಸೆಡ್ ಡೆಪಾಸಿಟ್ಸ್ ಮಾಡಬಹುದು. ಬ್ಯಾಂಕ್ಗಳನ್ನು ಹೊರತುಪಡಿಸಿ, ಪೋಸ್ಟ್ ಆಫೀಸ್ನಿಂದಲೂ (Post Office) ಎಫ್ಡಿ ಯೋಜನೆಗಳನ್ನು ಒದಗಿಸಲಾಗುತ್ತದೆ. ಎಷ್ಟೋ ಪ್ರಮುಖ ಬ್ಯಾಂಕ್ಗಳಿಗಿಂತ ಪೋಸ್ಟ್ ಆಫೀಸ್ನ ಬಡ್ಡಿ ದರ ಉತ್ತಮವಾಗಿದೆ. ದರಗಳನ್ನು ತ್ರೈಮಾಸಿಕವಾಗಿ ಪರಿಷ್ಕರಣೆ ಮಾಡಲಾಗುತ್ತದೆ. ಮಾರುಕಟ್ಟೆ ಪರಿಸ್ಥಿತಿ ಹಾಗೂ ಸರ್ಕಾರದ ನೀತಿಗೆ ಅನುಗುಣವಾಗಿ ಇದು ಬದಲಾವಣೆ ಆಗುತ್ತದೆ.
ಅಪಾಯ ತೆಗೆದುಕೊಳ್ಳುವುದಕ್ಕೆ ಸಿದ್ಧರಿಲ್ಲ ಎನ್ನುವವರಿಗೆ ಎಫ್ಡಿಯನ್ನು ಹೊರತುಪಡಿಸಿ ಇರುವ ಮತ್ತೊಂದು ಆಯ್ಕೆಯೆಂದರೆ, ದೇಶದ ಅತಿ ದೊಡ್ಡ ಸಾರ್ವಜನಿಕ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಟರ್ಮ್ ಯೋಜನೆಗಳು. ಎಸ್ಬಿಐನಿಂದ ಕನಿಷ್ಠ ಅವಧಿ 7 ದಿನದಿಂದ ಗರಿಷ್ಠ 10 ವರ್ಷದ ತನಕ ಎಫ್ಡಿ ಯೋಜನೆ ಒದಗಿಸಲಾಗುತ್ತದೆ. ಅದು ಹೂಡಿಕೆ ಅಗತ್ಯದ ಮೇಲೆ ಆಧಾರವಾಗಿರುತ್ತದೆ. ಮೊದಲೇ ದೇಶದ ಅತಿ ದೊಡ್ಡ ಬ್ಯಾಂಕ್ ಎಂಬ ಅಗ್ಗಳಿಕೆ ಇರುವುದರಿಂದ ಗ್ರಾಹಕರಲ್ಲಿ ಈ ಬ್ಯಾಂಕ್ ಬಗ್ಗೆ ಅಪರಿಮಿತವಾದ ವಿಶ್ವಾಸ ಇದೆ ಹಾಗೂ ಹಲವರಿಗೆ ಎಫ್ಡಿ ಮಾಡುವುದಕ್ಕೆ ಎಸ್ಬಿಐ ಮೊದಲ ಆಯ್ಕೆ ಆಗಿದೆ. ಪೋಸ್ಟ್ ಆಫೀಸ್ ಹಾಗೂ ಎಸ್ಬಿಐ ಎರಡೂ ಎಫ್ಡಿ ಮಾಡುವುದಕ್ಕೆ ಉತ್ತಮ ಆಯ್ಕೆ ಎಂಬುದರಲ್ಲಿ ಎರಡು ಮಾತಿಲ್ಲ. ಆದರೆ ಬಡ್ಡಿ ದರವನ್ನು ಹೋಲಿಸಿ ನೋಡಿದಲ್ಲಿ ಯಾವುದು ಉತ್ತಮ ರಿಟರ್ನ್ ನೀಡುತ್ತದೆ ಎಂಬ ಮಾಹಿತಿ ಇಲ್ಲಿದೆ.
ಪೋಸ್ಟ್ ಆಫೀಸ್ ಬಡ್ಡಿ ದರ:
ಫೋಸ್ಟ್ ಆಫೀಸ್ ಬಡ್ಡಿ ದರವನ್ನು ಪ್ರತಿ ಮೂರು ತಿಂಗಳಿಗೊಮ್ಮೆ ಪರಿಷ್ಕರಿಸಲಾಗುತ್ತದೆ. ಏಪ್ರಿಲ್ 1, 2020ರಿಂದ ಅದು ಬದಲಾವಣೆ ಆಗದೆ ಹಾಗೇ ಉಳಿದುಕೊಂಡಿದ್ದು, ಒಂದು ವರ್ಷದ ಎಫ್ಡಿ ದರ ಶೇ 5.5ರಿಂದ ಶುರುವಾಗುತ್ತದೆ. ಪೋಸ್ಟ್ ಆಫೀಸ್ ಎಫ್ಡಿ ಬಡ್ಡಿ ದರ ಶೇ 6.7ರ ತನಕ ದೊರೆಯುತ್ತದೆ.
– ಇಂಡಿಯಾ ಪೋಸ್ಟ್ ಎಫ್ಡಿ ದರ 1 ವರ್ಷಕ್ಕೆ: ಶೇ 5.5
– ಇಂಡಿಯಾ ಪೋಸ್ಟ್ ಎಫ್ಡಿ ದರ 2 ವರ್ಷಕ್ಕೆ: ಶೇ 5.5
– ಇಂಡಿಯಾ ಪೋಸ್ಟ್ ಎಫ್ಡಿ ದರ 3 ವರ್ಷಕ್ಕೆ: ಶೇ 5.5
– ಇಂಡಿಯಾ ಪೋಸ್ಟ್ ಎಫ್ಡಿ ದರ 5 ವರ್ಷಕ್ಕೆ: ಶೇ 6.7
ಎಸ್ಬಿಐ ಎಫ್ಡಿ ದರ:
ಪೋಸ್ಟ್ ಆಫೀಸ್ಗೆ ಹೋಲಿಸಿದಲ್ಲಿ ಎಸ್ಬಿಐ ಎಫ್ಡಿ ದರ ಆರಾಮದಾಯಕ ಅವಧಿಯನ್ನು ಹೊಂದಿದೆ. ಇಂಡಿಯಾ ಪೋಸ್ಟ್ನಲ್ಲಿ ಕನಿಷ್ಠ ಅವಧಿಯೇ 1 ವರ್ಷ. ಅದೇ ಎಸ್ಬಿಐನಲ್ಲಿ ಕನಿಷ್ಠ ಅವಧಿ 7 ದಿನ. ಬ್ಯಾಂಕ್ನಿಂದ ಒದಗಿಸುವ ಬಡ್ಡಿ ದರವು 7 ದಿನದಿಂದ 10 ವರ್ಷ ಅವಧಿಯ ಮೇಲೆ ಬದಲಾವಣೆ ಆಗುತ್ತದೆ.
ಎಸ್ಬಿಐ ಬಡ್ಡಿ ದರ 2 ಕೋಟಿಗಿಂತ ಕಡಿಮೆ ಮೊತ್ತಕ್ಕೆ ಹೀಗಿದೆ:
7 ದಿನದಿಂದ 45 ದಿನಕ್ಕೆ: ಶೇ 2.9
46 ದಿನದಿಂದ 179 ದಿನಕ್ಕೆ: ಶೇ 3.9
180 ದಿನದಿಂದ 210 ದಿನಕ್ಕೆ: ಶೇ 4.4
211 ದಿನದಿಂದ 1 ವರ್ಷಕ್ಕಿಂತ ಕಡಿಮೆ ಅವಧಿಗೆ: ಶೇ 4.4
ಎಫ್ಡಿ ಹೂಡಿಕೆ 1 ವರ್ಷದಿಂದ 2 ವರ್ಷಕ್ಕಿಂತ ಕಡಿಮೆ ಅವಧಿಗೆ ಶೇ 5
ಎರಡು ವರ್ಷಕ್ಕಿಂತ ಮೇಲಿನ ಅವಧಿಗೆ 3 ವರ್ಷಕ್ಕಿಂತ ಕಡಿಮೆ ಅವಧಿಗೆ 5.1
ಮೂರು ವರ್ಷದಿಂದ ಐದು ವರ್ಷಕ್ಕಿಂತ ಕಡಿಮೆ ಅವಧಿಗೆ ಶೇ 5.3
5 ವರ್ಷದಿಂದ 10 ವರ್ಷದ ಅವಧಿಗೆ ಶೇ 5.4
ಇದನ್ನೂ ಓದಿ: ಆರ್ಬಿಐ ವಿತ್ತೀಯ ನೀತಿ ಪ್ರಕಟ; ನಿಮ್ಮ ಹೋಂ ಲೋನ್, ಕಾರ್ ಲೋನ್, ಬ್ಯಾಂಕ್ ಎಫ್ಡಿಗಳ ಇಎಂಐ ಮೇಲಾಗುವ ಪರಿಣಾಮಗಳೇನು?