Market Value: 6 ದೊಡ್ಡ ಸಂಸ್ಥೆಗಳಿಗೆ ಒಂದು ವಾರದಲ್ಲಿ ಹೆಚ್ಚಾಯಿತು 1.13 ಲಕ್ಷ ಕೋಟಿ ರೂ ಷೇರುಸಂಪತ್ತು; ರಿಲಾಯನ್ಸ್ ಇಂಡಸ್ಟ್ರೀಸ್ಗೆ ಭರ್ಜರಿ ಲಾಭ

6 Firms Increase Market Valuation By 1.13 Lakh Crore: ಅತಿಹೆಚ್ಚು ಷೇರುಸಂಪತ್ತು ಹೊಂದಿರುವ 10 ಅಗ್ರಮಾನ್ಯ ಸಂಸ್ಥೆಗಳ ಪೈಕಿ 6 ಕಂಪನಿಗಳ ಷೇರುಗಳ ಮೌಲ್ಯ ಗಮನಾರ್ಹವಾಗಿ ಹೆಚ್ಚಿದೆ. ಈ ಆರು ಕಂಪನಿಗಳ ಒಟ್ಟು ಷೇರುಸಂಪತ್ತು 1,13,703.82 ಕೋಟಿ ರೂನಷ್ಟು ಏರಿದೆ.

ಷೇರು ಮಾರ್ಕೆಟ್

ಸುಗ್ಗನಹಳ್ಳಿ ವಿಜಯಸಾರಥಿ |
Updated on: Jun 18, 2023 | 4:07 PM

ನವದೆಹಲಿ: ಕಳೆದ ವಾರದ ಷೇರು ಮಾರುಕಟ್ಟೆಯಲ್ಲಿ ಒಳ್ಳೆಯ ವಹಿವಾಟು ನಡೆದಿದೆ. ಸೆನ್ಸೆಕ್ಸ್ ಮತ್ತು ನಿಫ್ಟಿ ಹೊಸ ದಾಖಲೆ ಮಟ್ಟಕ್ಕೆ ಏರಿವೆ. ಇದರ ಪರಿಣಾಮವಾಗಿ ಬಹಳಷ್ಟು ಕಂಪನಿಗಳ ಷೇರುಸಂಪತ್ತು ಅಮೋಘವಾಗಿ ಬೆಳೆದಿದೆ. ಅತಿಹೆಚ್ಚು ಷೇರುಸಂಪತ್ತು (Market Capitalisation) ಹೊಂದಿರುವ 10 ಅಗ್ರಮಾನ್ಯ ಸಂಸ್ಥೆಗಳ ಪೈಕಿ 6 ಕಂಪನಿಗಳ ಷೇರುಗಳ ಮೌಲ್ಯ ಗಮನಾರ್ಹವಾಗಿ ಹೆಚ್ಚಿದೆ. ಈ ಆರು ಕಂಪನಿಗಳ ಒಟ್ಟು ಷೇರುಸಂಪತ್ತು 1,13,703.82 ಕೋಟಿ ರೂನಷ್ಟು ಏರಿದೆ. ಈ ಏರಿಕೆಯಲ್ಲಿ ರಿಲಾಯನ್ಸ್ ಇಂಡಸ್ಟ್ರೀಸ್ನದ್ದು ಸಿಂಹಪಾಲು. ಕಳೆದ ವಾರ (ಜೂನ್ 12-16) ಬಿಎಸ್ಇ ಬೆಂಚ್ಮಾರ್ಕ್ 758.95 ಅಂಕಗಳಷ್ಟು ಜಿಗಿತ ಕಂಡಿತ್ತು. ಬಿಎಸ್ಇ ಸೆನ್ಸೆಕ್ಸ್ ಜೂನ್ 16ಕ್ಕೆ 63,384.58 ಅಂಕಗಳ ಮಟ್ಟ ಮುಟ್ಟಿತ್ತು. ಇದು ಸಾರ್ವಕಾಲಿಕ ಗರಿಷ್ಠ ಮಟ್ಟಕ್ಕೆ ಸಮೀಪ ಇದೆ.

ಟಾಪ್-10 ಕಂಪನಿಗಳ ಪೈಕಿ ರಿಲಾಯನ್ಸ್ ಇಂಡಸ್ಟ್ರೀಸ್, ಹಿಂದೂಸ್ತಾನ್ ಯೂನಿಲಿವರ್ ಲಿ, ಐಟಿಸಿ, ಇನ್ಫೋಸಿಸ್, ಎಚ್ಡಿಎಫ್ಸಿ ಮತ್ತು ಭಾರ್ತಿ ಏರ್ಟೆಲ್ ಸಂಸ್ಥೆಗಳು ಕಳೆದ ವಾರ ಷೇರುಸಂಪತ್ತು ಏರಿಸಿಕೊಂಡಿವೆ. ಈ 6 ಕಂಪನಿಗಳ ಒಟ್ಟಾರೆ 1.13 ಲಕ್ಷಕೋಟಿ ಷೇರುಸಂಪತ್ತು ಏರಿಕೆಯಲ್ಲಿ ಆರ್ಐಎಲ್ವೊಂದೇ 63,259.05 ಕೋಟಿಯಷ್ಟು ಷೇರುಸಂಪತ್ತು ಹೆಚ್ಚಿಸಿಕೊಂಡಿದೆ.

ಇದನ್ನೂ ಓದಿ: Rs 500 Notes: ಮುದ್ರಣಗೊಂಡ ಕೋಟ್ಯಂತರ 500 ರೂ ನೋಟುಗಳು ಆರ್ಬಿಐಗೆ ತಲುಪುವ ಮುನ್ನವೇ ಕಾಣೆಯಾಗಿವೆಯಾ? ಆರ್ಬಿಐ ಏನು ಹೇಳುತ್ತೆ?

ಇನ್ನುಳಿದ ನಾಲ್ಕು ಅಗ್ರಮಾನ್ಯ ಕಂಪನಿಗಳೆನಿಸಿದ ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್, ಹೆಚ್ಡಿಎಫ್ಸಿ ಬ್ಯಾಂಕ್, ಐಸಿಐಸಿಐ ಬ್ಯಾಂಕ್ ಮತ್ತು ಎಸ್ಬಿಐನ ಷೇರುಗಳು ಮೌಲ್ಯಕುಸಿತ ಕಂಡಿವೆ.

ಷೇರುಸಂಪತ್ತು ಏರಿಸಿಕೊಂಡ ಟಾಪ್ ಕಂಪನಿಗಳು

ರಿಲಾಯನ್ಸ್ ಇಂಡಸ್ಟ್ರೀಸ್: 63,259.05 ಕೋಟಿ ರೂ
ಹಿಂದೂಸ್ತಾನ್ ಯೂನಿಲಿವರ್: 18,737.99 ಕೋಟಿ ರೂ
ಐಟಿಸಿ: 18,331.32 ಕೋಟಿ ರೂ
ಇನ್ಫೋಸಿಸ್: 11,059.41 ಕೋಟಿ ರೂ
ಭಾರ್ತಿ ಏರ್ಟೆಲ್: 2,016.08 ಕೋಟಿ ರೂ
ಎಚ್ಡಿಎಫ್ಸಿ: 299.97 ಕೋಟಿ ರೂ

ಇದನ್ನೂ ಓದಿ: Infosys Warning: ಕಚೇರಿಗೆ ಬಂದು ಕೆಲಸ ಮಾಡಿ, ಇಲ್ಲ ಶಿಸ್ತು ಕ್ರಮ ಎದುರಿಸಿ: ಅಮೆರಿಕ, ಕೆನಡಾ ಉದ್ಯೋಗಿಗಳಿಗೆ ಇನ್ಫೋಸಿಸ್ ಎಚ್ಚರಿಕೆ

ಷೇರುಸಂಪತ್ತು ಇಳಿಕೆ ಕಂಡ ಕಂಪನಿಗಳು

ಟಿಸಿಎಸ್: 12,879.86 ಕೋಟಿ ರೂ
ಎಸ್ಬಿಐ: 6,514.97 ಕೋಟಿ ರೂ
ಎಚ್ಡಿಎಫ್ಸಿ ಬ್ಯಾಂಕ್: 4,722.95 ಕೋಟಿ ರೂ
ಐಸಿಐಸಿಐ ಬ್ಯಾಂಕ್: 1,882.67 ಕೋಟಿ ರೂ

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

LIVETV

Vijaya Sarathy SN

ಹುಟ್ಟೂರು ಹಾಸನ ಜಿಲ್ಲೆಯ ಶ್ರವಣಬೆಳಗೊಳ ಸಮೀಪದ ಒಂದು ಪುಟ್ಟ ಹಳ್ಳಿ. ಬೆಳದದ್ದು ಬೆಂಗಳೂರು ನಗರದಲ್ಲಿ. ಹಲವು ವರ್ಷಗಳಿಂದ ಪತ್ರಿಕಾ ರಂಗದಲ್ಲಿ ನೆಲೆ. ಬರವಣಿಗೆಯ ಆಸಕ್ತಿ ಮತ್ತು ಪರಿಣಿತಿಯ ಕ್ಷೇತ್ರಗಳು ಆರ್ಥಿಕತೆ, ಹಣಕಾಸು, ಅಂತರರಾಷ್ಟ್ರೀಯ ವಿದ್ಯಮಾನ, ಜನಕ್ರಾಂತಿ, ರಾಷ್ಟ್ರೀಯತೆ, ಸಂಸ್ಕೃತಿ, ಮಾನವ ಸಂಬಂಧ, ಕ್ರೀಡೆ ಮೊದಲಾದವು ಇವೆ. ಓದುಗರಿಗೆ ಸುಲಭವಾಗಿ ಅರ್ಥವಾಗುವಂತೆ ಸಾಧ್ಯವಾದಷ್ಟೂ ಸ್ಫುಟವಾಗಿ, ಸರಳವಾಗಿ ಬರೆಯುವ ಇಚ್ಛೆ.