Layoffs: ವೊಡಾಫೋನ್ಗೆ ಹೊಸ ಲೇಡಿ ಬಾಸ್; 11,000 ಮಂದಿ ಲೇ ಆಫ್ಗೆ ಯೋಜನೆ; ಭಾರತಕ್ಕಿದೆಯಾ ಬಾಧೆ?
Vodafone To Layoff 11,000 Employees: ವೊಡಾಫೋನ್ನಲ್ಲಿ ಸುಮಾರು 95,000 ಉದ್ಯೋಗಿಗಳನ್ನು ಹೊಂದಿದೆ. ಅದರಲ್ಲಿ ಈಗ 11,000 ಮಂದಿ ಲೇ ಆಫ್ ಅಗಲಿದೆ. ಅಂದರೆ ಶೇ. 10ಕ್ಕಿಂತಲೂ ಹೆಚ್ಚು ಮಂದಿ ವೊಡಾಫೋನ್ ಉದ್ಯೋಗಿಗಳು ಕೆಲಸ ಕಳೆದುಕೊಳ್ಳಲಿದ್ದಾರೆ.
Updated on: May 16, 2023 | 1:07 PM
ಲಂಡನ್: ವೊಡಾಫೋನ್ ಐಡಿಯಾದ ಮಾತೃಸಂಸ್ಥೆ ವೊಡಾಫೋನ್ (Vodafone) ಮುಂದಿನ 3 ವರ್ಷದಲ್ಲಿ 11,000 ಉದ್ಯೋಗಿಗಳನ್ನು ಕೆಲಸದಿಂದ ತೆಗೆದುಹಾಕುವ (Layoffs) ಯೋಜನೆ ಹಾಕಿದೆ. ನಿರೀಕ್ಷಿತ ಆದಾಯ ಬರದ ಹಿನ್ನೆಲೆಯಲ್ಲಿ ಖರ್ಚು ವೆಚ್ಚಗಳನ್ನು ತಗ್ಗಿಸುತ್ತಿರುವ ವೊಡಾಫೋನ್, ಈ ನಿಟ್ಟಿನಲ್ಲಿ ಒಂದು ಕ್ರಮವಾಗಿ ಉದ್ಯೋಗಕಡಿತ ಮಾಡುತ್ತಿದೆ. ಲಂಡನ್ನಲ್ಲಿ ಮುಖ್ಯಕಚೇರಿ ಹೊಂದಿರುವ ವೊಡಾಫೋನ್ನಲ್ಲಿ ಸುಮಾರು 95,000 ಉದ್ಯೋಗಿಗಳನ್ನು ಹೊಂದಿದೆ. ಅದರಲ್ಲಿ ಈಗ 11,000 ಮಂದಿ ಲೇ ಆಫ್ ಅಗಲಿದೆ. ಅಂದರೆ ಶೇ. 10ಕ್ಕಿಂತಲೂ ಹೆಚ್ಚು ಮಂದಿ ವೊಡಾಫೋನ್ ಉದ್ಯೋಗಿಗಳು ಕೆಲಸ ಕಳೆದುಕೊಳ್ಳಲಿದ್ದಾರೆ.
ಇದೇ ಏಪ್ರಿಲ್ ತಿಂಗಳಲ್ಲಿ ಇಟಲಿಯ ಮಾರ್ಗರೆಟಿ ಡೆಲ್ಲಾ ವ್ಯಾಲೆ ಅವರು ವೊಡಾಫೋನ್ನ ಸಿಇಒ ಆಗಿ ನೇಮಕವಾಗಿದ್ದಾರೆ. ಕಳೆದ ತ್ರೈಮಾಸಿಕ ಅವಧಿಯಲ್ಲಿ ವೊಡಾಫೋನ್ನ ವಿವಿಧೆಡೆಯಲ್ಲಿ ನಿರೀಕ್ಷಿಸಿದಷ್ಟು ಲಾಭ ಮತ್ತು ಆದಾಯ ಸಿಕ್ಕಿಲ್ಲ.
“ನಮ್ಮ ಸಾಧನೆ ಉತ್ತಮವಾಗಿಲ್ಲ. ಗ್ರಾಹಕರು, ಸರಳ ವ್ಯವಸ್ಥೆ ಮತ್ತು ಪ್ರಗತಿ ಇವು ನಮಗೆ ಆದ್ಯತೆಗಳಾಗಿವೆ. ನಮ್ಮ ಸಂಸ್ಥೆಯ ಸಂಕೀರ್ಣತೆಯನ್ನು ನೀಗಿಸಿ ಸರಳಗೊಳಿಸಿ ಸ್ಪರ್ಧಾತ್ಮಕವಾಗಿ ರೂಪುಗೊಳ್ಳುತ್ತೇವೆ” ಎಂದು ಹೊಸ ಸಿಇಒ ಹೇಳಿದ್ದರು.
ಇದನ್ನೂ ಓದಿ: Amazon Layoff: ಅಮೇಜಾನ್ 9,000 ಲೇ ಆಫ್; ಭಾರತದಲ್ಲಿ ಕೆಲಸ ಕಳೆದುಕೊಂಡ 500 ಮಂದಿ
ವೊಡಾಫೋನ್ನ ಅತಿದೊಡ್ಡ ಮಾರುಕಟ್ಟೆ ಜರ್ಮನಿ ಆಗಿದೆ. ಅಲ್ಲಿ ಇದರ ಲಾಭ ಬಹಳಷ್ಟು ಕಡಿಮೆ ಆಗಿದೆ. ಆಫ್ರಿಕಾದಲ್ಲಿ ಮೊಬೈಲ್ ಹ್ಯಾಂಡ್ಸೆಟ್ಗಳ ಮಾರಾಟ ಇತ್ತೀಚೆಗೆ ಗಣನೀಯವಾಗಿ ಏರಿದ್ದರಿಂದ ಅದಕ್ಕೆ ಅನುಗುಣವಾಗಿ ವೊಡಾಫೋನ್ ಕೂಡ ಲಾಭ ಮಾಡಿಕೊಂಡಿದೆ. ಇದರು ವೊಡಾಫೋನ್ನ ಒಟ್ಟಾರೆ ಲಾಭ ಕುಂಠಿತಗೊಳ್ಳದಂತೆ ಮಾಡಿದೆ.
ಜರ್ಮನಿಯಲ್ಲಿ ಹೆಚ್ಚು ಆದಾಯ ಸಿಗದೇ ಇರುವ ಹಿನ್ನೆಲೆಯಲ್ಲಿ ಅಲ್ಲಿಯೇ ಹೆಚ್ಚು ಜಾಬ್ ಕಟ್ ಆಗುವ ಸಾಧ್ಯತೆ ಇದೆ. ವರದಿಯ ಪ್ರಕಾರ ಜರ್ಮನಿಯಲ್ಲಿ 1,300 ಮಂದಿಯ ಲೇ ಆಫ್ ಆಗುವ ಸಾಧ್ಯತೆ ಇದೆ. ಕೆಲ ತಿಂಗಳ ಹಿಂದೆ ಇಟಲಿಯಲ್ಲಿ 1,000 ದಷ್ಟು ವೊಡಾಫೋನ್ ಉದ್ಯೋಗಿಗಳು ಕೆಲಸ ಕಳೆದುಕೊಂಡಿದ್ದರು.
ಇದನ್ನೂ ಓದಿ: PVR Inox: 50 ಸಿನಿಮಾ ಹಾಲ್ ಮುಚ್ಚಲಿರುವ ಪಿವಿಆರ್ ಐನಾಕ್ಸ್; ಭಾರೀ ನಷ್ಟ ಕಾರಣ- ಹಿಂದಿ ಚಿತ್ರಗಳನ್ನು ನೋಡೋರಿಲ್ಲವಾ?
ಇನ್ನು ಭಾರತದಲ್ಲಿರುವ ವೊಡಾಫೋನ್ ಐಡಿಯಾ ಸಂಸ್ಥೆಗೂ ಈ ಲೇಆಫ್ಗೂ ಸಂಬಂಧ ಇಲ್ಲ. ವೊಡಾಫೋನ್ನ ಉದ್ಯೋಗಕಡಿತ ಪ್ರಕ್ರಿಯೆ ಯೂರೋಪಿಯನ್ ಮಾರುಕಟ್ಟೆಗೆ ಸೀಮಿತವಾಗಬಹುದು.
