ಕ್ಲೇಮ್ ಆಗದೇ ಉಳಿದಿದೆ ಲಕ್ಷ ಕೋಟಿ ರೂ; ಜನರಿಗೆ ಹಣ ಮರಳಿಸಲು ಸರ್ಕಾರ ಹರಸಾಹಸ
PM Narendra Modi asks people to participate in 'Your Money, Your Right' campaign: ಬ್ಯಾಂಕು, ಇನ್ಷೂರೆನ್ಸ್, ಮ್ಯುಚುವಲ್ ಫಂಡ್, ಷೇರುಗಳಲ್ಲಿ ಲಕ್ಷ ಕೋಟಿ ರೂಗಿಂತ ಅಧಿಕ ಹಣ ಕ್ಲೇಮ್ ಆಗದೇ ಉಳಿದಿವೆ. ಇದನ್ನು ಮರಳಿಸಲು ಸರ್ಕಾರ ಹರಸಾಹಸ ನಡೆಸುತ್ತಿದೆ. ಅಂತೆಯೇ, ‘ನಿಮ್ಮ ಹಣ, ನಿಮ್ಮ ಹಕ್ಕು’ ಅಭಿಯಾನ ಕೈಗೊಂಡಿದೆ. ಲಿಂಕ್ಡ್ಇನ್ನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಹಂಚಿಕೊಂಡ ಒಂದು ಪೋಸ್ಟ್ನಲ್ಲಿ ಈ ವಿಚಾರವನ್ನು ಪ್ರಸ್ತಾಪಿಸಿದ್ದಾರೆ.
ನವದೆಹಲಿ, ಡಿಸೆಂಬರ್ 10: ಭಾರತೀಯ ಬ್ಯಾಂಕುಗಳಲ್ಲಿ, ಇನ್ಷೂರೆನ್ಸ್ ಕಂಪನಿಗಳಲ್ಲಿ, ಮ್ಯೂಚುವಲ್ ಫಂಡ್ ಕಂಪನಿಗಳಲ್ಲಿ ಕ್ಲೇಮ್ ಆಗದೇ (Unlcaimed Money) ಇರುವ ಹಣ ಲಕ್ಷ ಕೋಟಿ ಮೀರುತ್ತದೆ. ಈ ಹಣವನ್ನು ಹಕ್ಕುದಾರರಿಗೆ ಮರಳಿಸಲೇಬೇಕೆಂದು ಸರ್ಕಾರ ಪಣತೊಟ್ಟಿದೆ. ಅಂತೆಯೇ, ‘ನಿಮ್ಮ ಹಣ, ನಿಮ್ಮ ಹಕ್ಕು’ (Your Money, Your Right) ಎನ್ನುವ ಅಭಿಯಾನ ನಡೆಸುತ್ತಿದೆ. ಜನರ ದುಡ್ಡು ಜನರಿಗೆ ತಲುಪಬೇಕೆಂಬ ಆಶಯದಲ್ಲಿ ಈ ಕಾರ್ಯ ಮಾಡಲಾಗುತ್ತಿದೆ. ಪ್ರಧಾನಿ ನರೇಂದ್ರ ಮೋದಿ (Narendra Modi) ಅವರೂ ಕೂಡ ವೈಯಕ್ತಿಕವಾಗಿ ಈ ಕಾರ್ಯದಲ್ಲಿ ಅಪರಿಮಿತ ಆಸಕ್ತಿ ಹೊಂದಿದ್ದಾರೆ.
ಲಿಂಕ್ಡ್ಇನ್ನಲ್ಲಿ ಅವರು ನಿನ್ನೆ ಈ ಅಭಿಯಾನದ ಕುರಿತು ಒಂದು ಪೋಸ್ಟ್ ಹಾಕಿದ್ದಾರೆ. ಮರೆತು ಉಳಿದಿರುವ ಹಣಕಾಸು ಆಸ್ತಿಯನ್ನು ಹೊಸ ಅವಕಾಶವಾಗಿ ಬಳಸಿಕೊಳ್ಳಬೇಕೆಂದು ಕರೆ ನೀಡಿದ್ದಾರೆ.
ಇದನ್ನೂ ಓದಿ: ಭಾರತದಲ್ಲಿ ಎಐ ಸೌಕರ್ಯ ನಿರ್ಮಾಣಕ್ಕೆ ಮೈಕ್ರೋಸಾಫ್ಟ್ನಿಂದ 1.50 ಲಕ್ಷ ಕೋಟಿ ರೂ ಹೂಡಿಕೆ
ಬ್ಯಾಂಕುಗಳಲ್ಲಿ 78,000 ಕೋಟಿ ರೂನಷ್ಟು ಹಣವು ಕ್ಲೇಮ್ ಆಗದೇ ಹಾಗೇ ಉಳಿದಿದೆ. ಇನ್ಷೂರೆನ್ಸ್ ಕಂಪನಿಗಳಲ್ಲಿ 14,000 ಕೋಟಿ ರೂ, ಮ್ಯೂಚುವಲ್ ಫಂಡ್ಗಳಲ್ಲಿ 3,000 ಕೋಟಿ ರೂ ಹಣ ಇನ್ನೂ ಕ್ಲೇಮ್ ಆಗಿಲ್ಲ. ಷೇರುಗಳ ಡಿವಿಡೆಂಡ್ ಕ್ಲೇಮ್ ಆಗದೇ ಇರುವುದು ಬರೋಬ್ಬರಿ 9,000 ಕೋಟಿ ರೂ. ಪ್ರಧಾನಿಗಳು ಈ ಮಾಹಿತಿಯನ್ನು ಲಿಂಕ್ಡ್ಇನ್ನಲ್ಲಿ ಹಂಚಿಕೊಂಡಿದ್ದಾರೆ.
ಪ್ರಧಾನಿ ಮೋದಿ ಅವರ ಎಕ್ಸ್ ಅಕೌಂಟ್ನಲ್ಲಿ ಪೋಸ್ಟ್ ಆಗಿರುವುದು
Here is a chance to convert a forgotten financial asset into a new opportunity.
Take part in the ‘Your Money, Your Right’ movement! https://t.co/4Td6wyz99i@LinkedIn
— Narendra Modi (@narendramodi) December 10, 2025
ಫಿಕ್ಸೆಡ್ ಡೆಪಾಸಿಟ್, ಸೇವಿಂಗ್ಸ್ ಅಕೌಂಟ್ ಇತ್ಯಾದಿ ಖಾತೆಗಳು ನಿರ್ದಿಷ್ಟ ಅವಧಿಯವರೆಗೆ ನಿಷ್ಕ್ರಿಯವಾಗಿದ್ದರೆ ಅದನ್ನು ನಿಷ್ಕ್ರಿಯ ಖಾತೆಯಾಗಿ ಪರಿಗಣಿಸಲಾಗುತ್ತದೆ. ಅದರಲ್ಲಿರುವ ಹಣವು ಹಾಗೇ ಉಳಿದುಹೋಗಿರುತ್ತದೆ. ಸರ್ಕಾರ ಆ ಹಣವನ್ನು ಪ್ರತ್ಯೇಕವಾಗಿ ಎತ್ತಿ ಇಟ್ಟಿರುತ್ತದೆ.
ಖಾತೆದಾರರು ಮೃತಪಟ್ಟಿದ್ದು, ಅಥವಾ ಹಾಗೆಯೇ ಮರೆತುಬಿಟ್ಟಿರುವುದು, ನಾಮಿನಿಗಳಿಲ್ಲದೇ ಇರುವುದು ಇವೇ ಮುಂತಾದ ಕಾರಣಗಳಿಂದ ಹಣ ಕ್ಲೇಮ್ ಆಗದೇ ಉಳಿದಿರಬಹುದು. ಆ ಖಾತೆದಾರರು ಅಥವಾ ನಾಮಿನಿಗಳು, ಅಥವಾ ಕಾನೂನಾತ್ಮಕವಾಗಿ ವಾರಸುದಾರರಾಗಿರುವವರು ಹಣಕ್ಕೆ ಕ್ಲೇಮ್ ಮಾಡಬಹುದು. ಹೀಗೆ ಹಣಕ್ಕೆ ಕ್ಲೇಮ್ ಸಲ್ಲಿಸಲು ಸರ್ಕಾರ ವಿವಿಧ ಮಾರ್ಗಗಳ ಅವಕಾಶ ಕೊಟ್ಟಿದೆ.
ಇದನ್ನೂ ಓದಿ: ಎಐ ಬಳಸಿ ಅದ್ಭುತ ಕಂಟೆಂಟ್ ಕೊಡಬಲ್ಲಿರಾ? ಇಗೋ ಇಲ್ಲಿದೆ ಟಿವಿ9 ನೆಟ್ವರ್ಕ್ AI² ಅವಾರ್ಡ್ಸ್ 2026
- ಬ್ಯಾಂಕ್ ಹಣಕ್ಕೆ ಕ್ಲೇಮ್ ಮಾಡಲು ಆರ್ಬಿಐನಿಂದ UDGAM ಪೋರ್ಟಲ್ ಇದೆ: udgam.rbi.org.in/unclaimed-deposits/
- ಕ್ಲೇಮ್ ಆಗದೇ ಇರುವ ಇನ್ಷೂರೆನ್ಸ್ ಪಾಲಿಸಿ ಹಣ ಪಡೆಯಲು: bimabharosa.irdai.gov.in/
- ಕ್ಲೇಮ್ ಆಗದೇ ಇರುವ ಮ್ಯೂಚುವಲ್ ಫಂಡ್ ಹಣಕ್ಕೆ ಸೆಬಿಯಿಂದ MITRA ಪೋರ್ಟಲ್ ಇದೆ: app.mfcentral.com/
- ಕ್ಲೇಮ್ ಆಗದೇ ಇರುವ ಷೇರು ಮತ್ತು ಡಿವಿಡೆಂಡ್ಗಳಿಗೆ ಐಇಪಿಎಫ್ಎ ಪೋರ್ಟಲ್ ಇದೆ: www.iepf.gov.in/
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ