Insurance

ಇನ್ಷೂರೆನ್ಸ್ ಅಥವಾ ವಿಮೆ ಎಂದರೆ ನಿರ್ದಿಷ್ಟ ಆಸ್ತಿ ಮತ್ತು ಜೀವಕ್ಕೆ ಹಾನಿಯಾದರೆ ಅದಕ್ಕೆ ಪರಿಹಾರ ಸಿಗುವಂತೆ ಮಾಡಿಕೊಳ್ಳಲಾಗುವ ಒಂದು ಒಪ್ಪಂದ. ಇನ್ಷೂರೆನ್ಸ್​​ನಲ್ಲಿ ಹಲವು ವಿಧಗಳಿವೆ. ಅದರಲ್ಲಿ ಪ್ರಮುಖವಾದುವು ಆರೋಗ್ಯ ವಿಮೆ, ಆಸ್ತಿ ವಿಮೆ, ವಾಹನ ವಿಮೆ, ಜೀವ ವಿಮೆ. ನೀವು ಯಾವುದಕ್ಕೆ ಬೇಕಾದರೂ ಇನ್ಷುರೆನ್ಸ್ ಮಾಡಿಸಬಹುದು. ಒಂದು ಕಟ್ಟಡಕ್ಕೆ ಇನ್ಷೂರೆನ್ಸ್ ಮಾಡಿಸಬಹುದು. ಒಂದು ಸ್ಥಳದಿಂದ ಇನ್ನೊಂದು ಸ್ಥಳಕ್ಕೆ ಪ್ರಯಾಣ ಮಾಡುವಾಗ ಮಧ್ಯದಲ್ಲಿ ಅಪಘಾತ ಸಂಭವಿಸುವ ಅಪಾಯ ಇದೆ ಎಂದಲ್ಲಿ ಅದಕ್ಕೂ ಇನ್ಷೂರೆನ್ಸ್ ಮಾಡಿಸಬಹುದು. ವಿಮೆ ಪಾಲಿಸಿ ಮಾಡಿಸುವಾಗ ನಾಮಿನಿ ಸೇರಿಸುವುದು ಕಡ್ಡಾಯ. ಅವಘಡದಲ್ಲಿ ಏನಾದರೂ ಪಾಲಿಸಿದಾರ ಮೃತಪಟ್ಟರೆ ಪರಿಹಾರ ಹಣವು ನಾಮಿನಿ ಅಥವಾ ಕುಟುಂಬ ಸದಸ್ಯರಿಗೆ ಹೋಗುತ್ತದೆ. ಭಾರತದಲ್ಲಿ ಹೆಚ್ಚಿನ ಜನರಿಗೆ ಇನ್ಷೂರೆನ್ಸ್ ಮಹತ್ವ ಗೊತ್ತಿಲ್ಲ. ಹೆಚ್ಚಿನ ಜನರು ಇನ್ಷೂರೆನ್ಸ್ ಪಾಲಿಸಿ ಹೊಂದಿಲ್ಲ. ಆಕಸ್ಮಿಕವಾಗಿ ಸಾವನ್ನಪ್ಪಿದರೆ ಅವರನ್ನು ನಂಬಿದ ಕುಟುಂಬ ಬಹುತೇಕ ಬೀದಿಗೆ ಬೀಳುವಂತಾಗುತ್ತದೆ. ಹೀಗಾಗಿ, ಆರೋಗ್ಯ ವಿಮೆ ಮತ್ತು ಜೀವ ವಿಮೆ ಬಹಳ ಮುಖ್ಯ ಎನಿಸುತ್ತದೆ